شاهدنا الاسبوع اللي راح محمد بن راشد حق دبي كيف دخل على المكاتب الحكومية في دبي
وفاجئ موظفي الدوائر حتى حصل اللي ساحب على العمل واللي مقصر في عمله
واصدر بعدها قرارات اعفاء وقرارات اخرى من فتح ابواب المدراء للجميع وازاله الزجاج اللي مثل حق البنوك عند الصرافيين
ليش ما نشوف وزير الخدمه المدنية اللي عندنا ولا المسؤلين الكبار يفاجئون الموظفين الحكوميين
وخاصه ان نسبه كبيرة منهم مقصرين في عملهم وبعضهم واصله لخشمه واللي مكشر او ساحب على الشغل وموكل خويه لمهامه
واللي يصرفك يقولك رح لثاني موب عندي المعاملة وغيرها الكثير من التصرفات
وطبعاً ما اعمم كلامي لكن واضح للجميع هذة التصرفات تصدر من هذة الدوائر لدينا
والمشكله هذة كلها بسبب عدم وجود جهاز بصمه لتسجيل الدخول والخروج في اغلب الدوائر
عكس القطاع الخاص متوفره ولا فيها تلاعب او نشاهد تقصير في الغالب
اعرف ان موضوعي سوف يضايق الكثير من الاعضاء وخاصه ان اغلبهم هنا في القطاع الحكومي يعملون
لكن كلمه حق وقلتها هل انت تشوف هذا العمل اللي تسويه عادل ومقبول
وخاصه في نهاية الشهر تاخذ راتبك على تعبك بالعمل
وكيف وانت تصرف على زوجتك عيالك من هذا المال وانت ماخذه بارده مبرده وهذا لايجوز
المواضيع المتشابهه 
متى نشوف محمد بن راشد حقنا يفرفر في مكاتب الدوائر الحكومية .! 
العرض العادي
