يبو البنات صارت عيب وعياره وصارت سبب قوي للتعدد والحرمه صارت هي السبب في انجاب البنات عساه مايشوف الولد الظالم الي كذا تفكيره
الي مأيده يقول لو أخته فالبيت نفاس عند أمه وزوجها بعد كم يوم عرسه وذنب اخته أو بنته انجاب البنات يعيش الموقف ويقول رأيه الحرمه وش جاب لها المرض غير الرجال السعودي
نزلي مشكلتي انا بي هم مايعلم فيه إلا الله متزوجه من 11سنه معايا اربع بنات الله يحفظهم يارب و زوجي يبغى ولد علشان كذا جبت بناتي وراء بعض والحين انا حامل و زوجي إلا يبغى ولد اول ما كان يهمه بنت ولا ولد بس مع الايام اهله ضغطو عليه واصحابه .
مره جاء عندي زعلان ومعصب سئلته اشفيك قال بالدوام ينادوني ابو البنات حاط براسه ان السبب مني وكلمني قال اذا إلا ببطنك بنت انا راح اتزوج الثانية يمكن ربي يرزقني بالولد يشيل اسمي .
والله خفت يتزوج عليا من كلامه عاقد النيه بزواج اذا ماخلفت الولد دعيت ربي يرزقني الولد لما وصلت الشهر الرابع زوجي متلهف يبغى يعرف إلا ببطني
خلاني اكشف عند دكتورة كنت ادعي انه يكون ولد علشان مايتزوج زوجي بس قالت لي معاك بنت وكلت امري لرب العالمين
.
لما خرجت سئلني ايش نوع الجنين قلت له مو واضح وانا اشوف بعيون زوجي اللهفه علشان يعرف وجاء موعدي الثاني عند دكتورة قال زوجي المره هاذي بأدخل معاك عند دكتورة نشوف جنس الجنين لما كلمته دكتورة معايا بنت اقتلب وجهه وانخطفت ملامحه وخرج ولا نطق بكلمه
.
جاء بالليل قال اسمعي يابنت الناس انا بتزوج شكله رحمك ما يجيب إلا بنات كلمت الوالده تخطب لي والله كسرني انا ايش ذنبي ربي اراد تكون خلفتنا بنات .
مرت الأيام و الحمدالله ولدت و جبت بنت والحين انا جالسه عند اهلي فتره النفاس وهو عرسه بعد أسبوع اختار وقت زواجه وقت نفاسي علشان بأكون عند اهلي وحالتي النفسيه جدا تعبانه اجلس اتخيل ان زوجته تجيب له الولد ويتركني انا وبناتي عندي اكتئاب ما بعد الولاده .
ما أدري كيف أواجهه بعد فتره النفاس ادعولي ربي يجبر قلبي .
.
يــتــزوج عليــهــا وهــي نــفــاس علــشان جــابــت له بــنــت 
العرض المتطور
