استغفر الله واتوبه إليه
السلام عليكم عندي مشكلة مع زوجتي.. مشكلتي هي ان زوجتي تبغى اي شي ومو مقدرة وضعي أبداً. يعني انا على قد حالي. ودائماً تجي عندي وتوريني صور ساعات وهدايا في سنابها وتقول شوف زوج صاحبتي ايش جاب لها وعلى هالكلام ودائماً اقولها ابشري باللي تبينه بس اذا زانت اموري. وتقعد تعصب وترفع صوتها وتقول انت ما تستاهلني ومادري شو ولو دريت عنك ما كان تزوجتك ومن هالكلام وكنت ساكت لها ودائماً على هذا الموال. وبعدين اول الشهر خذيت لها ايفون 6 و خاتم ك هدية لها عشان ما تزعل ووديتها السوق وخذت اللي تبيه وتعشينا برا. يوم رجعنا وهي مستانسة.
بعدها باسبوع قالت تبي طقم ذهب ب 14 الف. انا مقدر اجيب لها ذا و هي من اسبوع مخسرتني وتبي ذهب! قلت لها اني مقدر و عصبت والصبح كانت واقفة بشنطتها وقالت وديني بيت اهلي. على طول وديتها.ودي افتك من غثاثتها وصار لها4 شهور عند اهلها وبيني وبينكم اشتقت لها وودي انها تتفهم اوضاعي ونعيش بدون مشاكل.
عطوني حلولكم ونصايحكم
●اللي يقول ضعيف شخصية او ليش ساكت؟ انا صراحة ما احب امد يدي عليها او اصارخ لان ما ينفع معها ذا الشي.
.
------
لا حول ولا قوة إلا بالله العلى العظيم
انا صاحب قصة الي طلبت زوجتي ذهب بي 14 الف و راحت عند اهلها زعلانه 4 شهور...
المهم....
في نفس اليوم اللي نشرت القصة فيه. رحت العصر عند اخوانها عشان نتفاهم. طبعاً هم دارين بالسالفة بس مطنشين، كلمت اخو زوجتي لان ابوهم متوفي. ورجعت كلمتها وقلت لها اسمعيني يا بنت الحلال ظروفي ما تسمح اني البي طلباتك ونحن عندنا عيال وانا ما ابغى مشاكل واخوها كان يكلمها بس انقهرت يوم قال: انت ما عندك شي وانت ما تستاهلني أصلاً، شوف زوج اختي ايش جايب لها ومدلعها اما انت على حالك انت و بزارينك. عصبت وقلت: ان تبين تجين حياك الله ما تبين والله لا اطلقك. قالت طلقني كانك رجال يا حقير. وقتها ما مسكت نفسي وطلقتها بالثلاث وقالت احسن وقالت انقلع وخذ بزارينك. قسم بالله انها حقيرة. اخذت ولدي وبنتي(توام)وطلعت ورحنا عند امي في بيت اخوي. وخبرتهم السالفة... انا في البداية ما كنت ابي اطلقها مو عشانها. عشان عيالي اعمارهم سنة ونص وما كانت مهتمة فيهم أبداً. بس انقهرت يوم شفت عيالي. والله كان على ايدهم علامات سلخ وكانت محمرة مرة. كنت عارف انها هي لانه أصلاً ما كانت مهتمة.
احس ان اللي سويته صح لان ما اقدر اكمل حياتي مع وحدة مادية مثلها ما تهتم في عيالها ولا في زوجها بس تطلب وتطلب. ما ادري ليه هي تكرهني أحياناً مع ان والله ماني معها واخاف ربي ولا فيني شي غلط.
بعدها امي قالت ما عليك منها وعيالك بين يديني وانا بعيش معك ارتحت يوم سمعت هذا الكلام. اليوم انشاءالله بروح المحكمة عشان اخلص كل شي باقرب وقت. وبروح احجز لي ولعيالي وامي لدبي. عشان افرحهم وامشيهم وخصوصاً عشان عيالي بس هل اللي سويته صحيح اني طلقتها؟ وشكراً على كل واحد/ه ساعدوني.
. تدبرت الفلوس يوم بغى يودي أمه وعياله دبي ههههههههه
المواضيع المتشابهه 
بـــإختصـــــــار الـــزوجــــــه تـــبـــغـــى تـــعيـــش - اتقوا الله في زوجاتكم 
العرض المتطور
