فيه واحد من جيرانا ، كل فتره يغيب مدة ، اشوفه في الحارة عدة ايام ثم يختفي ، وقابلته امس بعد ما غاب عنا مدة يمكن انها تقارب الشهر ، لقيته في البقاله وسلمت علاه وقلت له سلامات ، ماعاد نشوفك في الحارة ، عساك طيب ، هل انت باقي عندنا في الحارة ولا نقلت ، قال لي لا باقي في الحارة ، لكن انا من هواة السفر ، ويتكلم معي بكلمتين عربي ثم يخلطها بكلمة انقليزية مدري وش قلعتها ، المهم مافهمت منه الا بعض الكلمات ، ولا ني فاهم كلامه كله ، عودت قطعت الهرجه معه ، الله لا يبلانا ، احد منكم قد مر علاه واحد مثل هذا يتكلم كلمة عربي وكلمة انجليزي ، انا قلت في نفسي ماعاد اني متكلم معاه ، هل اذا ماعاد تكلمت معاه يعتبر مقاطعه ، انا ما ودي احد من الجيران يزعل مني ، لا كن اسلوبه في الكلام ما يعجبني ، ايش رايكم اللي تشيرون به علي اتركه ماعاد اتكلم معه ، واذا قابلته اتجاهله ، والا ايش السواة ، الرجال اذا تكلم بسالفة ما افهم منه السالفه بسبب خلطها بالانجليزي .
المواضيع المتشابهه 
السلام علاكم واسعد الله مساكم 
العرض العادي
