السلام عليكم
صباح الخير علي الجميع
ياجماعه الخير انا عندى الاهل يدرسون في احدى الجامعه في السعودية ويبعدون عني 1400 كيلو يعني هم في منطقة وانا في منطقة والجامعه تبعد عن منزلهم حوالى 123 كيلو
الاهل عندهم طفل واحد والاب متزوج 3 زوجات وكل يوم عند وحده
المهم انا اتفقت مع سواق يوصل الاهل للجامعه مع قروب حريم حوالي 8 حريم بمبلغ 700 ريال كل شهر حتى ان داوموا يوم واحد
قبل فترة تقريبا كان بدايه ترم دراسى في الاسبوع الاول والاهل كلموا السواق وقالو له نبغى نسجل مواد في الكليه
قال لهم هذا الاسبوع مافى دراسه
قالهم انا بجيكم اخذكم ولكن باخذ منكم مشوار
الاهل بحكم انهم مضطرين وبحكم انهم حريم وافقوا على العرض واعطوه 200 ريال
قبل يومين تقريبا كلمت الاهل وقلت لهم روحوا سجلوا المواد الي ماتسجلت لكم عن طريق موقع الجامعه قالو نخاف السواق ياخذ منا مشوار!!!
قلت مشوار اييييششش!!
عاد قالو لي السالفه الي فوق ان السواق طلب منهم مشوار
دقيت على السواق وتفاهمت معه ووصلت الى ارتفاع الاصوات وقلت له باي حق تاخذ فلوس منهم حق المشوار وانا ادفعلك شهريا 700 ريال حتى احيانا شهر يمر كامل مايداومون الا يوم واحد فقط ومع ذلك ماقلت بخصم من حقك
والان تاخذ منهم 200 ريال!!!!
المهم طال الكلام وقام يقول انا ماطلبتهم هم الي اعطوني اكراميه من عندهم ،،، انا ادري انه ( كذاب ) ولكن ماحبيت اقولها في وجهه خصوصا انه رجال كبير
في الاخير قال الله يستر عليكم دام 200 ريال بتسوون سالفه عليها ,,
قلت له : مو قصة 200 ريال ، القصة كيف تضحك عليهم علشانهم حريم وبيدفعون وهم مستحيات منك !! تروح تستغل وضعهم؟
السواق معاه حافله تقريبا تشيل 18 بنت ومابيداوم معه هالترم الا يمكن 7 بنات
بعد كذا كلمت الاهل وقلت لهم باللي صار مع السواق وتقريبا انه راح نلغي الاتفاقيه الي بيننا وبينه
قالو لي : ان مافي الا هو يوصلهم ومافي احد في نفس منطقتهم يوصلهم للجامعة
الاهل المقصود فيهم : الزوجة ، وهي تداوم هي واختها
الان ياجماعه الخير انا محتار بين عدة شغلات:
1- بالنسبة لابو الاهل متزوج 3 حريم وماعنده وقت حق توصيل بنات للكلية
2- اخوان الزوجة ماهم متواجدين دائما مرة يكونون في الشمال ومرة في الغرب
3- انا موظف مداوم وبالنسبه لاجازتنا مايطلعون الا 3 بالكثير والاسابيع الجايه في ناس حاجزه اجازه
بصراحه احترت
لو كلمت السواق الحين بيعتبره اعتذار مني له وهو اساسا كذاب وهو المفروض يعتذر لانه استغل وضعهم
ولو سحبت عليه راح يتخذ احد الامرين :
1- يسوي نفسه ماسمع السالفه مني ويودي الزوجة واختها للكليه ( لانه خسران وعدد البنات ناقص ويبي ياخذ اكبر عدد من البنات علشان يكسب اكثر )
2- يسحب عليهم وهم يتورطون مايحصلون احد يوديهم
ياليت افكاركم ومقترحاتكم وكل واحد يعطين وجهة نظرة لو كان مكاني
المواضيع المتشابهه 
احتاج رايكم في موضوع يخص السواق الى ينقل الاهل للجامعة 
العرض الشجري
