قبل تقريبا ثلاث سنين تعرفت على شايب ستيني في مسجد حارتنا .. بعد شهور من التعارف .. عرفت انه جاي من مدينة ثانية .. وله تقريبا سنة في مدينتنا .. المهم لما سألته عن السبب .. كان السبب غريب جدا جدا ..
طبعا هو بدأ بفضفض لي .. باختصار شديد ..
قال لي .. صارت مشاكل كبيرة بين زوجتي وأخوانها واخواتها .. هذي المشاكل بدأت تكبر وتتطور يوم بعد يوم .. لدرجة انهم يجون عندها في بيتها ويبدأ بينهم الصراخ والسباب ووووالخ .. المهم تطورت الامور ووصلت للأبناء .. صارت بينهم مشادات ومضاربات .. المهم صار الجووو متوتر ومشحووون حياتنا صارت قلق في قلق و ام العيال ما غير طول الوقت متوتره وتبكي وما هي قادره تشتغل في البيت .. المهم المشاكل هذي اثرت كثير في حياتنا .. مع تطورها وتناميها يوم بعد يوم ..
المهم يوم قابلت واحد من جماعتنا .. وقال لي .. ما عندك الا حل واحد عشان ترتاح من هذي المشاكل قبل لا تتطور وتصير جريمة لا سمح الله .. الحل هو انك تنقل من هذي المدينة وتروح لمدينة ثانية ما فيها ولا احد من جماعتك .. وتغير كل شرايحكم .. لين تهدا النفوووس .. اسمع كلامي اني لك من الناصحين لا يجي يوم تندم فيه وتقول يا ريتني سمعت كلامك ..
المهم قال لي .. شاورت ام العيال والعيال .. وكلهم وافقوا وفرحوا .. وفعلا لمينا بقشنا .. وجينا هنا .. اليوم لنا تقريبا سنة منقطعين عنهم تماما ..
قلت له .. الحين كيف الوضع .. قال لي .. الحمد لله .. مبسوطيين ومرتاحين .. ولا احد يدور علينا ولا نحنا ندور لهم .. وأنا كل بعد فتره اطلع عند ابوي وامي واخواني .. والحمد لله كذا احسن ..
قصة ثانية ..
صارت لأحد اقاربي الله يرحمه .. صغير في السنه لسه .. يعني عمره في الخمسينات .. كان عايش حياة متوتره ومشحونه ومتكهربه مع زوجته واهلها .. نصحوه الناس انه يتركه وينتبه لنفسه .. لكن الله يرحمه اصر على انه يبقى معها .. المهم من شدة المشاكل جاته جلطه دخل في غيبوبه لمدة ثلاث اسابيع وبعدها مات .. الله يرحمه .. صحيح عمره انتهى ولكن في سبب ..
خلاصة الموضوع ..
يا جماعة الخير .. اي واحد عايش حياه فيها مشاكل حياه مشحووونه ومكهربه .. مع كائن من كان .. و جميع بيبان الحلول مسدوه .. نصيحه .. انتقل من هذا المكان السلبي اللي ممكن يجيب لك مشكلة اوالمصيبه او جريمه او جلطه او مرض عضال لا سمح الله .. الى مكان أخر بعيييد كل البعد عن هذا المكان السلبي .. غيير هذي الطاقة السلبيه اللي انت عايش فيها بطاقه جديده طاقه ايجابيه .. انتقل الى حي ثاني او الى مدينه ثانيه .. اقطع كل الطرق وسد كل البيبان اللي تؤدي الى هذي الحياة السلبيه .. واصبر واحتسب .. الين تهدا النفوس وتزول هذي الطاقة السلبيه ويفرجها الله .. ~
قاعدة نفسية ذهبيه .. أي شي تركز فيه يكبر .. واذا طنشته وبعدت عنه يصغر ويتلاشى ..
المواضيع المتشابهه 
قصة اخذتها من رجل ستيني استفدت منها كثير .. وهي علاج فعال وناجح للمشاكل 
العرض العادي
