لاحول ولاقوه الا بالله
زوجها الي كاد ان يكون --- سرق منها ربع مليون ريال وهرب انتبهن ياموظفات فيه ناس تخصص سرقة موظفات هدفه موب الزواج والعايله والستر لا هدفه خرفنه وسرقه اترككم مع القصه وانت ياولي الامر شوف من تزوج ترى هالحين قليل الرجال التكانه الي يشيل المسئوليه اغلبهم يبون الحرمه تصرف عليهم
_. من الخاص ✉ ...
انا انخطبت قبل فتره من واحد كان مازال جامعي ...يعني ماعنده وظيفه بس كان يشتغل بأعمال حره يطلع منها مصروف جيد
بينما انا ولله الحمد معلمه وتعرفون رواتب معلمات الحكومي مرتفعه كنت اصرف وادلع نفسي بنصف الراتب والنصف الثاني ادخره بالبنك لان الانسان مايدري وش يصادفه بالمستقبل من متطلبات ....
المهم ملكنا انا وهالشخص وكان عجيب اسلوبه معاي كله غزل ومدح مطيرني بالسماء محسسني اني ملكه جمال الكون ...
كنت احبه واعشقه واموت فيه وانتظر زياراته بفارغ الصبر لغايه مافاتحني بموضوع انه مديون بمبلغ كبير واحتمال ينسجن وانا من غبائي علمته برصيدي بالبنك ومثل المسحوره عطيته صرافتي وقلت له خذ اللي تبيه ومن يومها ماشافته عيني .. ارسل ورقه طلاقي واختفى من الوجود ورقمه على طول مغلق واهله اتصل فيهم مايردون ازورهم مايفتحون لي الباب ...يعني بالمختصر سرقني ...ايه نعم سرق مني ربع مليون ريال وليومكم هذا ادعي عليه بكل صلاه وبكل سجده انه يصرفها على صحته ... طبعا اهلي مره زعلو مني لما عرفو بحجم المبلغ وابوي صارت له فتره طويله رافض يكلمني ودايم معرض بوجهه عني بس مع الايام سامحني ....
اخوي الكبير يقول انه سمع ان هالانسان تخصص خرفنه معلمات يخطبهم ويعشمهم بأحلى حياه ثم يسحب اللي بجيبتهم ويهرب وله سوابق ووسامته وحلاوه لسانه ساعدته بهالنصب ...
اللي ابغاه منكم يامتابعين تدلوني على طريقه او اي شيء اخذ حقي منه ... للاسف ماعندي اوراق تثبت انه نصب علي لاني انا اعطيته الصرافه بكامل قواي العقليه وباقولها القانون لايحمي المغفلين لكن وربكم من ذاك اليوم ونار شابه بصدري ودي انتقم منه عطوني من كيدكم.
المواضيع المتشابهه 
زوجــــهــــــــا الحــــرامي ســــــــرق مــــنــــهــــا ربــــع مــــلــــيــــون 
العرض الشجري
