السلام عليكم
ممكن تنزلي مشكلتي
انا عمري 29 متزوجه وعندي ولدين مشكلتي اول سنين زواجي كنت طايشه وأكلم شباب لتسليه فقط وأرسل لهم صور من النت على انها صوري واستمريت اربع سنين وانا أكلم واتسلى الين يوم من الأيام زوجي كشفني ويومها طاح فيني ضرب لدرجة فقدة وعيي وأخذ عيالي وداهم عند امه وقفل علي باب الشقه وانا غرقانه بدمي صحيت بعد ساعات حاولت اتصل بأهلي لقيته ماخذ جوالي وتلفون البيت ومخليني مقطوعة عن كل العالم الخارجي جلست ثلاث ايّام محبوسه بشقه بعد الثلاث ايّام رجع وقالي انا بستر عليك ومابغا أفضحك علشان عيالي بس
لكن من اليوم ورايح مالك اي قيمه عندي ولا لك اي حق علي غير مصروف البيت وممنوعه من الخرجات الا زيارة اهلك فقط او مستشفي او سوق لضروره غيره انسي وبتزوج وحده اشرف منك وانتي لولا عيالك طلقتك وفضحتك ... وهددني لو افتح فمي او اشتكي لأي مخلوق راح يفضحني عند اهلي وكل الناس ويقولهم ليش سوى كذا ، وخلى جوالي عنده دليل علي لان الجوال مليان رسايل ومحادثات لي مع شباب وراح خطب بعدها وحده بزر تدرس اول سنه بالجامعه وتصير بنت خالته وتزوجها وسكت والكل استغرب هدوءي
وسافر معها شهر العسل مع انه انا ماوداني لاعسل ولا بصل يوم كنت عروس..وهجرني يابنات ماشوفه ابد يوم عندها ويوم يجي لعياله من الظهر الي الساعة تسعه بليل اذا نامو رجع لزوجته وادا جا يطردني من الصاله يقولي لاتجلسين قدامي انقلعي غرفتك عيالي لاحظوا انه ابوهم كارهني ويسألوني ليش بابا مايبغاك تجلسين معانا مادري ايش أرد ،وباالاجازات يسافر هو وزوجته للخارج , انا تعبت من هالعيشه وما اقدر اشكي لأحد عن حالي اهلي يسالوني ايش فيكم الكل ملاحظ بعده عني ومستغربين من سكوتي #يتبع
ادري أني غلطة وغلطتي مو هينه بس خلاص تبت واعتذرت منه مليون مره لكن مو راضي يسامحني احس نفسي ميته هو عايش حياته مع زوجته وانا دافني بالحياه صار لي خمس سنين على ذَا الحال قلت له طلقني قال اذا طلقتك عيالك وين يرحون قلت له خذهم متنازله عنهم لك قالي لا ايش ذنب زوجتي تتحملهم انتي امهم وغصبا عنك تربينهم ومابغا عيالي يعيشون بغير بيتي مابغا اطلق اقعدي ربيهم اذا كبرو أطلقك! ومن فضولي طلبت من ولدي يسرق رقم زوجة ابوه من تلفونه وأخذت الرقم وطلعت كل حساباتها بالبرامج من الرقم وجلست اراقبهـا
فضول بس مو اكثر، ومره وانا أراقب ارسلت لها على الواتس بالغلط وبعدها بشوي ارسلت لي عرفتك مين طلع لي اسمك بنمبر بوك ليش تراقبيني ايش تبغين قلت لها مابغا شي وليش اراقبك من تكونين وحده خرابة بيوت لاراحت ولا جت تخيلوا ايش ردت علي ارسلت ضحكه طويييله وقالت لي خرابة بيوت يالخاينه اسكتي بس وأحمدي ربك انه زوجي ساتر عليك ومافضحك واعطتني حظر طلع معلمها كل شي وهو واعدني يستر علي
الحين ابغاه يطلقني ورافض ويهددني لو اشكي لاهلي بيفضحني عندهم ويعطيهم جوالي القديم يشوفوا المحادثات مادري ايش أسوي تعبت من عيشتي ادعوا لي والي عندها حل يخليني اطلق تكتبه ولاحد يسب رجاء
تعليقي. هذا ظالم لارحمها ولاسامحها ولا تركها واعتقها وحارمها من الانجاب وحارمها تعيش علشان غلطه وش حضرته ويهدد ويتوعد ويبغا يقهرها وشبابها يروح ثم يطلقها ويحقق انتقامه وتبرد حرته اعوذبالله من الظلم
المواضيع المتشابهه 
يــارجـــــال ::: هــل هـــــذا الـــرجـــل ظـــــالــــم والا معـــــاه حـــق ؟؟؟ 
العرض المتطور
