بدون مقدمات
فيه ارض كبيرة لنا بصك
بانين بجزء صغير منها عمارة
والارض كبيرة مساحتها مدري كم
لكن تقدر تبني عليها عشرة عماير
هي للوالد لكن حنا دفعنا له قيمة باقي الارض
ع اساس نبني كل واحد فيها عمارة له..
وماحنا مقصرين معه الله يحفظه
حنا عشرة اخوان
وباقي الارض يكفي لنا ان شاء الله..
المشكلة ان فيه جيران لنا لهم عمارة بجنب الارض هذي..
واحد اخواني تزوج منهم
بعد ماتزوج انقلب علينا
صار مايجلس معنا ودايم عند ارحامه
وهذا شي طيب
لكن علاقتنا قوية وبعدماتزوج اختلف وضعه
الغريب واساس المشكلة
انه يبي يعطي ارحامه الارض حقتنا او اقل شي نصها
يقول انها ماهي لنا وان الارض لهم
رغم انها بصك شرعي قديم واصلا هي كانت لجدي
وحتى ارحامه نفسهم ..ماعمرهم ادعوا او قالوا شي عن ارضنا
يقول الارض لارحامه عشان هم ماعندهم الا عمارة صغيرة
طيب وشدخلنا حنا يامسلم
المهم انه بس يتكلم علينا وانتم مافيكم خير وانتم منتم رجال وهذا حراام
وابوي الله يحفظه حتى هو قدر ياثر عليه ويقنعه ان الارض لارحامنا
وبقية اخواني مالهم راي عليهم عليهم معاهم معاهم..كلهم الان مع ابوي واخوي
ومتنازلين عن الارض
الا انا رافض التنازل
ولو وصلت المحكمة ..الدولة اقوى دليل عندها هو ان صاحب الارض يقول انها ماهي لي وانها لفلان..فيصير تحويل للصك باسرع وقت
هل فيه شي اقدر اسويه
وهل لو رفضت التنازل ..القاضي راح يوقف التنازل ؟
خاصة اني ماراح اقدر ابني لعيالي بيت يفكهم من الايجارات اللي قصمت ظهري
للعلم ابوي مااقدر ارد كلمته لكن اخوي هو راس الفتنة الله يسامحه
المواضيع المتشابهه 
مشكلة قضائية..ارجوالمساعدة 
العرض الشجري
