 منذ /03-04-2017, 12:30 AM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  طريق الجماميل بين الاحساء والرياض
طرق الجماميل اللي كانت تربط المنطقه الشرقيه بالرياض قديمه من مئات السنين
وكانت واحة الاحساء مقصد للجميع وهي سلة غذاء
بالاضافه الى وجود ميناء العقير
من قبل العثمانيين وحتى دخول الملك عبدالعزيز وتعيين عبدالله بن جلوي امير لها
الطريق الاول هو
مزاليج
اللي سابقا كان طريق خريص ويمر شيشة القصيبي
ارامكو اسمت احد حقولها حقل مزاليج
الطريق الثاني
الجودي
اللي هي الان جوده طريق الدمام الرياض
واللي هو من الاحساء الين ما ياصل جوده ومن جوده يواصلون الى سعد مرور بالدهناء نفس مسار طريق الدمام الرياض الحالي
وجوده مارد ماء عذب وكبير
الطريقين يلتقيان بسعد
وكانت سعد قريبه من آبار الوسيع وهي مارد ماء فيها آبار كثيره قديما وحتى الان
طريق مزاليج يلتقي بسعد وكذالك احيان يروحون الجماميل لابوجفان وهو مارد ماء مهم جنوب الرياض اقرب ماله الخرج
طريق الجودي
متعب بس انه يحرصون عليه الجماميل لحلاوة ماه وغزره
بعد ما يتحركون من الجودي ( جوده) الطريق سالك حتى يصلون للدهناء ويبدا التعب وتبدا المعاناة ويستمرون حتى يظهر لهم دليل
دليل هذا طعس مرتفع مثل الهرم ويقع قبل سعد الى الان موجود
ونهاية الدهناء اذا شافوه يستبشرون
يشوفونه بمسافة مسير 3 ايام واذا وصلوه كنهم وصلوا الرياض
اهم شي يجتازون الدهناء
وكانت المسافه بين طعس دليل وآبار الوسيع مسافه لاباس فيها
بس انها عند الجماميل تهون دام ما فيه نفود ودهناء
وكانوا يقولون بين الوسيع ودليل رفعة شليل
ورفعة الشليل اللي هي اذا بغى واحد يركض يرفع ثوبه منول يقولون يرفع شليله
طعس دليل
تستطيع المشاركة هنا والرد على الموضوع ومشاركة رأيك عبر حسابك في الفيس بوك
'vdr hg[lhldg fdk hghpshx ,hgvdhq
|
|
|  |
المواضيع المتشابهه 
العرض الشجري
