ماحصل للمواطن بعد انتظار 12 سنه ثم يتم التخلص منه بطريقه مافيها اي شي من النظام ولا القانون يجعل المواطن يحس بالغبن والقهر والظلم مما حصل له بدون اي مبررات ونزع ثقته في الدوله وانه مافيه شي يحفظ حقك حتى لو كان هناك خمسين قرار ملكي بخصوصه واللي يقهر المسؤول اللي مابيد اي شي حتى تصريح محاسب عليه مثل الوزير ومدير الصندوق تصريحات متناقضه وكذب على المواطن في الاعلام وعدم مقابله المواطنيين لان مابيدهم اي شي حتى رد على سؤال مايملكه يتهربون من المواطنيين وبكرا يصرحون بالاعلام تصاريح مالها قيمه :hawamer5712
طبعا فيه القرار الملكي رقم 82 اللي يخص مقترضي الصندوق وبعد الضجه الاعلاميه اللي صارت وانه واضح وصريح ويحفظ حق جميع من له رقم في الصندوق وان يصرف له قرضه من راس مال الصندوق صرح مدير الصندوق انه لايخصهم يخص تنظيم الدعم السكني طيب تقدر توضح لنا ياباشا اكثر ؟؟؟
طبعا لا مايقدر .
الوزير قال قبل فتره ان الصندوق سيعود بالاقراض ولديه 190 مليار هل كلامه صحيح الان اتضح انه كذب وانه مايملك ريال واحد سوى مايسدده المواطنون شهريا ويدفعونه لمواطنيين اخرين باقي لهم دفعات :hawamer5712:hawamer5712
وفيه مواطنيين عددهم 85000 نزلت قروضهم من سنيين وكان بالامكان استلامها الان نبي نعرف وين راحت المبالغ المرصوده لهم كالعاده ماحد عنده جواب من المسؤولين !!!!!!
وحصل لهم خيانه من الوزاره بانها اعطتهم مهله الى 1439 والان نكبتهم وخونت فيهم وحولتهم للبنوك وحتى اللي موقع عقد سحبو عليه :hawamer5712:hawamer5712
القرض المزعوم الفائده كبيره جدا ولاراح احد ياخذه من المواطنيين لان ماياخذه الا شخص بعقله شي اجلس بالايجار وتعيش باقي عمرك احسن من ان تعيش بالفقر طول عمرك من هذا القرض لازم تدفع للبنك دفعه اولى 15% يعني 75000 على شان يعطونك قرض 425 الف والفائده 300 الف انا جاي ابي قرض 500 الف تدفعوني دفعه اول وش الفرق بينه وبين القرض العقاري العادي من اي بنك كله نفس الشي ,,,,
وبالنسبه للفائده هل فيه احد مصدق ان الدوله رفعت يده عن الصندوق لاتريد اعطاء مواطن قرض يعيده بالكامل لتدفع عنك مليارات للبنوك هي فوائد القرض المعجل :hawamer1312
الان الصندوق يريد اخلاء مسؤليته بالكامل عن المواطن رح للبنك خذ قرض ووقع ومالنا شغل وادفع القسط 4000 ريال بالكامل وان شاء الله اذا دفعت القسط للبنك تجينا رساله من البنك ونحول لك مبلغ الدعم ,,,
العبو غيره ماخونتو بالمواطنيين سابقاونكبتوهم تبونهم يثقون فيكم وانتم حتى العقد مع البنك مالكم علاقه ولا يتطرق بانكم تتحملون الفائده عن المواطن كلها او جزء منها :hawamer1312
30 مليار تعيق عمليه الاقراض في الصندوق هالتصريح تم ذكره عشر الالاف مره يعني الان ال 30 مليار هي السبب مع انها لاتكفي الا ل60000 مقترض الدوله مالها علاقه ولم توقف دعم الصندوق ؟؟؟؟؟؟
طيب سؤال اذا تم اعاده ال 30 مليار للصندوق هل سيتم منحها لمقترضين جدد طبعا 100 % ,,لا
بس انت دائما يالمواطن ماتفهم الدوله دائما على صح :hawamer5712
هل المسؤلين يجهلهم مايحدث اكيد لا لكن في القضايا الكبيره نلتزم الصمت دائما وتصير براس هالمسؤلين اللي ماعندهم شي يتهربون من الناس قدر الامكان ويتعرضون للسب والكلام الغير لائق كما هو حاصل في حسابات الوزاره على مواقع التواصل :hawamer5712
ماالحل طيب ؟؟؟
هل الحل في برنامج ام بي سي مع العلياني على شان يجيب كم مواطن يقولون لهم كلمتين وينفسون عن الشعب شوي على شان ماينفجر
ولا مع داوود قبل يومين بربره مالها فائده لاتسمن ولاتغني من جوع :hawamer5712:hawamer5712
الحل باعاده قروض الصندوق كما كانت ومن يريد قرضا معجل يذهب الى البنك ويدفع عنه الصندوق الفائده
الدوله ليست في فقر تبني مساكن للدول الاجنبيه في افريقيا واسيا وغيرها دول الخليج تعطي مليون وميلونين بلا فوائد
المواضيع المتشابهه 
ظلم وقهر الصندوق العقاري للمواطنيين والتخلص منهم وما الحل 
العرض الشجري
