هذة ليست المرة الاولى ولا الثانية ولا العاشرة اللي اطالب بوضع قوانين وضوابط لحالات التحرش في الاسواق والمجمعات
المشكله التحرش من كل الطرفين شباب وبنات وعيني عينك
لكن المسؤولين حاطين حرتهم بالشباب من حيث المنع بالمناسبات
ولا البنات طالعين منها وابد هي اللي ماشيه بالصراط المستقيم
انواع التصرفات المخجله من الطرفين اشاهدها يومياً في المجمعات عند ذهابي لفترة الغداء
واقصد بالتحديد بالخبر واكيد الوضع نفس الحال في جميع مدن المملكة
بنات بعبي وكانها بشت ومفتوحه من قدام والجينز طالع والقميص مكشوف
والشعر ثلاثه ارباعه طالع ومطلعه قذلتها !!! مادري وين اهاليهم عنهم
انا مايضحكني الا اذا قالوا ممنوع دخول الشباب بالشورت ولا بالقصات الغريبه
لكن وينهم عن البنات انواع اللبس الغير محتشم حتى بعضهم وشفتهم بعيني
حاطين حلق بخشومهم وحاطه كيلو مكياج والعدسات تقول داخله بعرس
انا هنا ما اضع اللوم على البنات فقط بل للشباب ايضاً
حتى البنات المحتشمات لهم حركات واللي منهم المحترمات المحتشمات يتحرشون فيهم الشباب
واخرتها اليوم واحد قليل ادب مر على بنت وهي مشغوله بجوالها
قرب عندها وجلس يسوي حركات قذرة عند صدره واعتقد كلامي واضح
المصيبه تشوفهم تقول كبار ومحترمين وبعضهم تقول عيال نعمة وعيال قبايل
لكن النظرة الخارجيه ليست كل شي بل النهايه يطلع دلخ وخكري وقليل تربيه
من هذا المنبر اطالب الجهات المختصه بفتح باب الحريه والانفتاح
بدل الانغلاق الصوري دام مافي قوانين صارمه اتجاه الجنسين تحد من تصرفاتهم
والله ان الانفتاح في دبي والبحرين والكويت وفي اوروبا ابرك من اللي صاير هنا
واللي اشوفهم هناك بعضهم من البنات مطلعين فخوذهم وصدورهم مكشوفه نصها وحتى سرة بطنها وما فوق السرة
انه مافي احد يتجراء يتحرش فيها واولهم السعودي اذا راح هناك
وطبعاً تعرفون السبب ليش
اما هنا الطاسه ضايعة
قسم بالله فيني قهر من هذة التصرفات ولا انا مسوي فيها ناصح هنا او اقول للشاب ترضاه لاختك والكلام اللي ما يقدم بشي
لكن والله ودي اوقف تجاوزات هذة الفئه وخاصه الشباب
لكن مابي اطلع بالاخير انا الضحية وبالواسطات يطلع منها واروح فيها انا
لانه النظام هنا لك عليه
المواضيع المتشابهه 
اطالب بالتفتح والحرية دام الوضع كذا وبدون ضوابط .! 
العرض الشجري
