انا اشوف هالشي وهو سعودة البناشر ومحطات البنزين والمغاسل قريبه جداً
دام وزارة الاجانب فالحين في الوظايف البسيطه من جوالات وخضرة والان سعودة محلات المولات
يعني لاحد يستغرب بكرا نشوف اللي يعبيلك البنزين سعودي ولا اللي يغسل ثوبك سعودي ولا اللي يصلح سيارتك ويغير زيت سيارتك سعودي
طبعاً لاتنسى ترفع راسك انت سعودي قبل كل شي
هذة ما تريدة وزارة العمل وانا لا اقول هذة الوظايف انها عيب ابدا
لكن حط نفسك مكانهم او حط عيالك مكانهم
هل ترضى تزوج بنتك لواحد يعمل بهذة الوظايف وانت تعرف دلخها بسيط ايضاً
او تفكر يوم تشوف ولدك اللي درس فوق 16 سنه واخرتها يمسك هذة الوظيفة
اكيد بتقول لا
يعني يرحم امك فكنا من الدبلوماسية والنفاق
وزارة العمل لو فيهم خير كان قلصوا الاجانب في الشركات بنسبه كبيرة
اللي متولين مناصب سعودييين اصحاب شركات يتمنون ياخذونها
لكن بختصار اذا اعضاء مجلس الشورى اغلبهم هم تجار ولهم هالشركات
طبعاً ما يقدرون يأمرون عليهم عشان ما يزعلون
واللي هم لاقينها خير ولا يحصلها في أي بلد بالعالم
لا ضرائب ولا شي وفوق كذا ارباحهم 100% صافي
اللي فقط يحطون هالسعودي الضعيف المغلوب على امره اما سيكورتي ولا معقب ولا موظف صورة فقط قدام وزارة العمل
عشان كذا راحوا للشركات العالميه اصحاب المحلات عشان يحدونهم بتوظيف السعوديين
عاد ما نلومهم بكرا اذا رفعوا الاسعار دام السعودي بيصرفون عليه اقل شي طفسه 3000 ريال
بعد ما كانوا بالسابق يوظفون الاجنبي بـ 1000 و 1500 ريال
حسبي الله ونعم الوكيل لكن من اراد السوء للشباب حتى اصبحوا اضحوكه قدام جيرانهم من الخليجيين
المواضيع المتشابهه 
هانت ... قريباً سعودة المغاسل والبناشر ومحطات البنزين ( الف مبرووك للسعوديين ) .! 
العرض الشجري
