بما ان الصيف قد شرّف ،، حبيت اذكركم وانبهكم لأبرز اعطال الكبروسور قد تجعل فنيين او عمالة المكيفات يستغلونكم لان اكثرهم للاسف لاذمة ولاضمير ولايخافون الله .. همه الوحيد كيف يكسب من وراك بأكبر قدر ممكن من المال، ومن منطلق حب لاخيك كما تحب لنفسك لتعم الفائدة للغير حبيت انبهكم لبعض الاعطال البسيطة والتي قد يهولها الفني او العامل امامك وهي بالاساس بسيطة .
القصة:
المكيف السبيلت حق الغرفة صار مايبرد (الكمبروسور لايعمل مجرد هواء حار) فاتصلت على الفني اللي اتعامل معه لسنوات طويلة لثقتي بعمله ومصداقيته ومعرفتي الشخصية اصلا فيه ،، فالمهم حضر وفحص المكينة ووجد ان الاوتوماتيك او المنظم حق الكمبروسور تالف ويحتاج تغيير .. ذهبت وجبت له القطعة ماكلفت غير 25 ريال ،، ركبها والمكيف بمكانه واشتغل الحمدلله تمام الله يجزاه خير واعطيته 50 ريال شغل يده ،، يعني الشغله كلها على بعضها 75 ريال ..
الهدف من الموضوع:-
ان اغلب عمالة المكيفات للاسف يستغلون جهل العامة بالمكيفات او الثلاجات فيحملونهم مبالغ طائلة والشغلة مجرد قطعة لاتتجاوز العشرين او الخمسين ريال ويدفعونهم مبالغ عالية مثلا يقولك وهو يكذب الكبروسور خربان اوتالف يحتاج تغيير ولازم احمله للمحل ويدفعك قيمة 700 ريال غير شغل يده ! او يقولك يحتاج تعبئة او المواسير مسدودة ويكلفك كذا من المال !
فاحذروا منهم حاول انك امامه تسوي نفسك فاهم لومانت فاهم، واكثر اعطال المكيفات بهالوقت حسب كلام الفني إما (اوتوماتيك) او (بوبينه) هالقطعتين هن المسؤولات عن توقف الكمبروسور عن العمل مالم يكن فعلا خربان.
فحبينا ننبهكم ربما احد يمر بنفس هالحالة ويكون عنده علم من خلال هالموضوع ..
.
.
.
المواضيع المتشابهه 
تنبيه هام: بما ان الصيف قد حل يُرجى الانتباه والحذر من عمالة المكيفات (يوجد شرح) 
العرض الشجري
