المقبل على الزواج لازم يمر بمرحله ان ينرفض لكم عائلة
والبعض يقبلون فيه مباشرة وهذة اغلب تكون في زواج الاقارب
وكلها نصيب والله كاتبه لكن مع الاسف اقتنعت ان اغلب الاهالي
يرفضون الزوج المتوسط الخلوق اللي يخاف ربه
عكس الزوج اللي يشتغل في شركات كبيرة او مناصب حكومية
وقتها اخر ما يسئلون عنه او يتجاهلونه هو اخلاقه وهل يصلي او لا
دام عرفوا منصبه الباقي ولا شي في نظرهم لدى الاغلب
اعرف اثنين من الاصدقاء واحد الله يستر عليه راعي بنات وشراب ودبشه حتى صلاة ما صرنا نقوله تعال لانه جالس يصرف
الزبدة ابوه وظفه بالواسطه في احسن الشركات الكبيرة وراتبه حول 11 الف
تزوج قبل شهرين ويقولي تقدم لعائلتين الاولى رفضهم هو بعد ما شاف الشوفة الشرعية والثانيه قبل فيهم
اما الاخر ليومنا هذا وله حول السنه المسكين يحاول يخطب لكن ما يحصل الا الرفض وهو الرجال يعمل في شركة وراتبه حول 7 الف ريال
والرجال من بيته للشغل للمسجد حتى طلعات نادر ما يطلع ما غير نكلمه بالجوال او نمر عليه في بيته
الرجال على كلامه لي تقدم 8 عوايل خلال فترة سنه حتى الحين البعض استخدموا التصريفه المشهورة تبي تكمل دراسته
والبعض الاخر بتصريفه اخرى انه نصيبها جاء قبلكم
او يقولونها بوجههم راتبه ما يكفي رغم ان من عايله متوسطه واللي تقدم لهم من عائله ميسورة اي تحتهم
والتصريفه الاخيرة والشاملة اللي هي ما في نصيب .
الرجال تعب نفسياً وانا اشوف هذا في وجهه وحالياً عمره 33 سنه
وصرت انحرج اذا فتحت مواضيع معه عن الزواج
لاني انا جالس في فترة البحث عن زوجه
اقتنعت بعدها سبب العنوسه اللي عندنا لدى البنات وهو ليس نصيب فقط بل طمع في الغالب من اهالي البنات
نصيحه لكل اهالي البنات والبنات اللي هنا
ترا الزواج ليس زواج المال تربطونه في زواجكم صحيح المال مهم لكن الاخلاق والدين قبل
البعض لا ياخذ في كلام الرسول عندما قال
( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير)
لكن مع الاسف البعض من الاهالي يبحثون عن صاحب المنصب وتركوا عن سؤاله عن اخلاقه
دام المنصب يكفيهم في نظرهم
لو ترجعون للمشاهير رغم الفلوس اللي عندهم يتطلقون لانه ما في حب بين الزوجين
او يكون هناك تقصير من الزوج للزوجه
انا عن نفسي اعرف اقارب ( عيال نعمة ) والله انهم رواتبهم فوق 20 الف ريال و30 الف
واعمارهم اللي فوق 38 سنه والاخر 35 عاشوا حياتهم سفريات شرق وغرب
ويوم تزوجوا بنات صغار ام 24 و 25 وتطلقوا اللي بعد 6 شهور والاخر شهرين
والسبب مثل ما سمعت ان بخل والثاني مقصر في حقوق الزوجه وهذة تعود لاسباب كثيرة
البخل اسبابه كما قريت انه موجودة عند اللي عندهم فلوس بعضهم يصير بخيل على غيره
ولا يحب يصرف فما بالكم بزوجته رغم الله معطيه خير الدنيا
عكس العادي يعرف ان فلوسه او راتبه بالتحديد له وزوجته
واغلبهم ما يفكر يلعب بذيله عكس راعي الفلوس لانه يعرف زوجته هي الاولى بحياته
المواضيع المتشابهه 
كم مرة خطبت وتم الرفض ... وما هي أسباب الرفض .! 
العرض المتطور
