في السابق كنت افضل اني اعمل في القطاع الحكومي لانه مع الاسف تفكيرنا الراحه
لدى اغلب الناس وليس التامين الوظيفي لانه بعضنا يفكر انه لازم يطلع 2 ونص
ولا يقدر يتحمل عمل الى ما بعد العصر
لكن الان اعتقد لو تجيني عمل حكومي اعتقد برفض بكل صراحه
باللي سمعته من اللي حولي وشفته بنفسي
عمي يقولي وهو احد الموظفين في ارامكو الكبار يقول قطاع الخاص وطبعاً الخاص
اللي من الوسط الى الاعلى لها مستقبل وظيفي وتاخذ من خلالها خبرات وتكسب لغة
وتشوف اجانب عرب وغرب واسيويين وحتى اوروبيين وافارقه
يعني تكسب لغة انجليزية
خلاف الخبرات والدورات الخارجيه والبونص السنوي مثل بعض الشركات
من راتبين في السنه الى حوافز وترقيات ومن خصومات فنادق وطيران
وتامين طبي افضل كلاس والكثييير
ويقولي اما الحكومي على مرتبه محددة لكم سنه وعمله روتيني ولا خبرات ولا دوارات بالوقت الحالي
وكل عمله بالعربي والانجليزي غالباً ما يمر عليه كلمه انجليزيه
واغلبهم تحصلهم ما يعرفون انجليزي وتحصلهم كلهم ياخذون مواعيد بالاشهر
لدى المستشفيات الحكومية ولا هناك رواتب او بونص سنويه الا مكرمات
ولا الاجازات اللي ياخذونها مثل حقه رمضان ولا غيرها وش تفيدهم بكرا لمستقبله ولعياله !!
وتحصل اغلبهم مطلعين قروض وعليهم ايجار واولهم العساكر اول ما يتوظف يطقله كامري وياخذ قرض الزواج وبكرا يشتكي ويسب البنك !!!
والمدني حالته حاله ومنفس في دوامه وهو دوام عمله بسيط وعادي جداً
حتى اجهزة الكمبيوتر قديمة ولا فيها برامج وبعضهم يتعامل فقط بالاوراق يسجل عليها
انا اقتنعت بكلامه مع انه كلامه قاله لي قبل فترة طويله وكنت اشكك بكلامه
الا بعد ما شفت الوضع في عائلتي اخوي اكبر مني حكومي
وراتبه بدون ما اقول كم رغم انه جتله وظايف من ارامكو وسابك بحكم انه يعرف لغة وحاسب
ورفضها والسبب ما يبي مكان بعيد واطق خط حول 80 كيلو رايح جاي
ولا ابي اشتغل الى 4 او 5 العصر مع انه يمكن لو وافق يكون راتبه تقريباً زيادة من راتبه الحالي حول 70 %
والنهايه انا حتى الحين في احد الشركات المقاولة مع ارامكو تعدى راتبي راتبه
رغم اني عندي عرض وظيفي وسبق ذكرته هنا وهو زيادة 5000 لكن الانتقال الى منطقة نائيه وبصراحه رفضت العرض المقدم بعد تفكير
لاني مقبل على زواج والسكن في هذة المنطقة بتجيب النفسيه
صح فلوس لكن ليس على حساب اني اسكن في مكان يجيب الهم
انت عزيزي الموظف الحكومي اذا جاتك عرض وظيفي من القطاع الخاص
وخاصه القطاع المتوسط الى الممتاز ويفوق راتبك الحكومي اي تقريباً يفوق 3000 ريال
خلاف البونص والتامين والرواتب السنويه
هل توافق او ترفض
ونفس الحال الموظف الخاص اذا انت في الخاص وراتبك جيد
لكن جاتك وظيفة حكومية اقل من راتبك مثلاً 3000 الف ريال لكن فيها راحه ولا تعب ودوام الى 2 نص
ولا فيها بونص ولا تامين وغيرها هل توافق او لا
المواضيع المتشابهه 
هل توافق الانتقال للعمل من القطاع الحكومي الى الخاص والعكس ايضاً او لا .! 
العرض الشجري
