كلنا نشأنا وكبرنا على موضوع دراسه وشهاده ووظيفه ثم زواج وابدأ جمع لك قرشين لتجاره أو فيلا
أنا مثلكم دخلت بالمعمعه و العالم تقول أدرس التخصص الفلاني وكمّل بالمعهد الفلاني تراه مطلوب ويعطيك تصنيف ومدري ايش ، جمّع لك قرشين افتح لك مطعم أو مهيّله أو طق لك أرض شرقيه وترتاح بعمرك
وفي العمل اللي يقول لو بس أنقل للقسم الفلاني والله راحه واللي يقول لو تجيني ترقيه كان حققت أحلامي .
وبعد 9 سنوات من هالمعمعه ، فجأه صحيت وجلست أفكر ،
الآن عندي وقت فراغ لاباس فيه
وعندي مبلغ لابأس فيه
وأنا ماأبي ولا أحتاج فلوس زياده
ايش أسوي ؟ هل لي هوايه أو تجاره؟؟ هل لي هدف قادم؟؟؟ هل أعيش بدون هدف ؟؟؟؟