اني محتاج الي التوسع كهدف لنجاح المشروع حقي وبنفس الوقت ما عندي استعداد اتنازل عن موضوع التوطين راسي حصاءه :fvfv7yu1385968616_9 مع ان اكثر من صاحب محل سعودي نصحوني بتوظيف جنسيه معينه وربطوها بالنجاح وانهم تحولوا من الخساره الي الربح بعد توظيفهم وانا هنا لا اتكلم عن تسترر اقصد انه يوظفه براتب بس ما قدرت اتقبل الفكره وكان فيه موظف باحد المحلات المجاوره نشيط وممتاز بس اختلف مع صاحب المحل وما كمل معه وكنت اقول بخاطري اه لو احصل مثله :hawamer6312 وسبحان الله امس يدق علي ولدي بالمحل يقول فلان الي كان يعمل بالمحل المجاور مر بالمحل عشان يسلم عليك قلت لولدي قله لا يروح ابوي يبغاك المهم قابلته وقالت له تبي تشتغل معي على اساس اني ابفتح المحل الجديد قال انت تامر امر ومستعد اشتغل معك لو بالمجان اعتبرك بمقام الاب قلت خلص تم اعتبر نفسك موظف عندي على اساس حصلت محل باحد الاسواق ودفعت العربون خمس الاف ريال مقابل الايجار بسعر معين قال ابشاور اصحاب الحلال ورد عليك وهذا الكلام من ثالث ايام واليوم رد قال انتظر يوم قلت رجع العربون وما ابي المحل واخذت عربوني لان بصراحه انا كانت ماني مرتاح بشكل نفسي للمحل والان وظفت واحد بدون ما يكون عندي محل هههههه بس قلت فرصه دام موجود ابشتغل معه بالمحل القديم هو ومع اولادي منها يتعلم واذا قررت اتوسع يكون جاهز وما احتاج اجنبي وانا راجع قلت خل امر محل اذكره مقفل ولكن ليس معروض للايجار ورحت للمحل واسأل الي جنبه قال اليوم عرض للايجار بس شكله طار :fvfv7yu1385968616_9 واحصل رجال طيب وسالته عن المحل وشرحت له القصه وما قصر معي بعد نصف ساعه والعقد معي :hawamer6312 محل لقطه بمعنى الكلمه وايجاره ممتاز وموقعه ممتاز والحمد لله بعد فضل الله وموقف الرجل ما كانت احلم بهذا المكان لانه كان فيه قروب اجانب طالبينه بس الرجل طلع انسان وطني ويوم عرف اني مع السعوده والتوطين وقف معي وسعى لي بالمحل
المخطط القادم وبدات العمل عليه وهو ايجاد شباب سعودي عنده روح المغامره واقتناص الفرص يعني من نفس عينه السعودي الي يعمل معي واتفقت معه انه يجيب لي شباب يعمل بجد ونشاط وياخذ نسبه من الارباح حسب مجهوده وليس موظف بدون طموح بحيث ابدا التوسع المدروس وناوي السنه هذي اكمل اربع فروع كبدايه
ولاني دخلت السوق صرت اعرف اكبر تحدي الان
وهو الشاب السعودي الي تعتمد عليه وهم موجودين بكثره بس ينتظرون من يشجعهم ويعطيهم الفرصه وليس من يوظفهم ويعطيهم الراتب فقط مهما كان الربح ولا يشاركهم الارباح
وبالنسبه للوضعي الان تخلصت من الاستوك بشكل نهائي لانه بيكون بضاعه المحل الثاني مع اضافه بضائع منوعه للمحلين
والمبيعات اتوقعها تكون ثالث اضعاف المحل الاول لانه بوسط سوق والمحل الاول مع الصبر بيتحسن باذن الله
رساله لكل صاحب مال غامر ولا تخاف الخير موجود والفرصه موجوده بس قليله المحل هذا من ست اشهر وانا ابحث ثغره بوسط اللوبي الاجنبي واليوم حصلتها بالصدفه الاجانب لا يتركون المحلات الجيده الا بشكل نادرولو تاخرت يوم كان طار المحل
طبع الي يبي يعرف كامل القصص حقتي يدخل ملفي سرد تفاصيل مشروعي من الاف الياء:biggrin:
أنـا علـى لان وربـعي على لان **** متخالـف ٍ رايـي وراي الجماعة
المواضيع المتشابهه 
يا سعودي أضرب على الكايد ليا صرت بحلان 
العرض الشجري
