بعد ماشفت الموضوع والفيديو الموجود فيه قلت خلني اخذ لفه بقوقل ماب على ابها وماجاورها لان من حوالي 25 سنة وفيه اهتمام بالسياحة في ابها قلت خلني اشوف
الصدمة كانت اني ماشفت شي اقصد منتجعات او مدن سياحية ولا شي الي شفت منتجع السحاب فيه كم صندقة بسيطة وكم عشة مسقوفة بشينكو تبيع بعض المنتجات
قلت يمكن الشوف شجر عندي خلني اقرب اكثر وقربت ولا شفت شي جبال خضراء واماكن جميلة لكن مافيه شي يعني تروح هناك مثلك مثل القرود دور لك حصاه اجلس عليها
طيب لنا كم سنة والدولة تدعم وزارة السياحة وميزانيات سنوية ومخاسير وين فعلهم على ارض الواقع!!؟؟
ولاشي مجرد تصريحات وقرارات واجتمعات وفلاشات والمحصلة النهائية لم ينجح احد
طيب اسمعوا فكرتي
يتم انشاء ذراع استثماري في وزارة السياحة عادي مثل ارمكو عندها اقسام للمدارس ولصيانة المدارس وهي شركة نفط ومثل بعض المستشفيات العسكرية اذا تبي تتعالج عندهم وانت مانت تابع لهم فيه قسم تجاري ادفع فلوس وتعالج وهو مستشفى حكومي الحاجة ام الاختراع
بعدها هذا القسم لنفرض في ابها يبحث عن منطقة مناسبة من ناحية الطبيعة والقرب من المدينة والطريق الي يخدمها.. الخ
بعد مايتم تحديد المنطقة واجراء الدراسات عليها لانشاء 100 شالية عبارة عن ثلاث غرف نوم وصالة ومطبخ ودورتين مياة بدون سور
امام الشالية حديقة صغيرة ومشب للشوي او لاي شي اخر
طبعا شالية مرتب وجميل مبني بطريقة حديثة بدون صبات وزيادة حديد ماراح يتجاوز سعره كامل مكمل 150 الف ريال
وممكن يكون بورتبل وانا شايفها عند بعض الشركات من برا تقول وش هالصندقة واذا دخلتة قلت وش هالفندق
نحسبها 100 شالية في 150 الف تكلفة = 15 مليون
هنا يبدأ دور البحث عن مستثمر وراح يكونون كثيرر اذا عرفوا انه بيرد رأس ماله في حوالي 8 سنوات ونصف
كيف ؟ نحسب اجار الشالية في اليوم 300 ريال سعر معقول وعادل × 100 شالية = 30 الف ريال في اليوم
ونحسب وقت الاشغال هو 6 اشهر في السنة مع انه ممكن يكون اكثر لكن خلونا على 6 شهور فقط
الناتج خمسة مليون واربع مية الف ريال في 6 شهور فقط مبلغ كبير نقسمها على 3 = مليون وثمان مية الف
الاجزاء الثلاثة جزء لصاحب رأس المال يرجع رأس ماله في حدود 8 سنوات ونصف
وجزء مصاريف تشغيلية كهرباء ماء رواتب موظفين
والجزء الثالث خاص في الصيانة والتجديد والتطوير
العملية البسيطة هذي الغير معقدة وغير خيالية صدنا فيها 10 عصافير بحجر واحد
قدمنا للمواطن سياحة داخلية راقية ومرتبة وجميلة وبسعر عادل ومقبول
قدمنا لصاحب رأس المال استثمار مجزي ومريح ومضمون بدون مخاطر
طورنا السياحة الداخلية بالفعل وعلى الارض مو فلاشات وتصريحات على الفاضي
قدمنا وظايف لاهل المنطقة برواتب مجزية
قدمنا فرص كسب اضافي لبعض الاسر المنتجة تتوزع عليهم اكشاك داخل المنتجع مرتبة ومستوفية لجميع الاشتراطات ويكونون تحت مراقبة ادارة المنتجع من ناحية الاسعار وعدم ارتفاعها والجودة والنظافة والاشتراطات الصحية
المواضيع المتشابهه 
على طاري الشاب العرافي الي يمدح الطبيعة في السعودية .. شي عجيب 
العرض الشجري
