السلام عليكم ورحمة الله وبركاته
قصيدة
أرجو أن
تنال إستحسانكم
إليا شكيت أشكي على جيّد الحيل
اللي كسر صلب العظام وجبرها
يقطعك دنيا كلبوها عراقيل
ترمي على النفس العزيزه قشرها
ماتآسم ألا فالرجال الحلاحيل
بيض الوجيه مكرمة من خطرها
عامٍ ورا عامٍ وجيلٍ بعد جيل
وشيوخ قوم ما بقي غير أثرها
ومجالسٍ فيها دلال ومعاميل
صدت ورا البيبان محدٍ سبرها
عقب الحطب والنار والبن والهيل
اليوم يارثها بخيل هجرها
ياخوي انا بعطيك للعلم تفصيل
وأرسم لك الأهداف تجني ثمرها
الحنظله لو هي على جاري السيل
تنقص حلاوتها ويكثر مررها
ومجالس الأنذال والقال والقيل
مثل السهوم إلي سريع خطرها
أنشد عن ألأجواد ذبّاحة الحيل
وأجلس مجالسها وساير ديرها
النذل لايلقى علينا مداخيل
وسود الليالي لاتجي في نحرها
واصل حبال مقطّعين المواصيل
لين الليالي البيض يطلع قمرها
خلك مع اصحابك بعيد المناويل
لا تبدي أسرارك لمن يختبرها
ترى أكثر الأصحاب قومن حناشيل
ما عاد تعرف صوفها من وبرها
أخذ الصحيح وكب عنك التعاذيل
نصيحة من شاعر لك سطرها
تجارب ماهي هروج وتماثيل
حكمة حكيم قالها واختصرها
ارجوا من يعرف القائل أن لايبخل علينا بذكر اسمه
تستطيع المشاركة هنا والرد على الموضوع ومشاركة رأيك عبر حسابك في الفيس بوك
rwd]m Hv[, Hk jkhg Ysjpshk;l