ارقبت في راس
الطويل ورمــــاني *** حب
الهنوف ورحــــــت ماشي بثرها
مشــــيت معـــــها لـين هزت كياني *** وبغت تجــــي بكبر وربــــــي سترها
قــالت تفضــــل قلــــت فات الاواني *** مرت علي سنـــــين وأنــا انتضرها
صبرت عشر سنين صبر السـواني *** تقفــــــي وتقبل لين عرعر ضهرها
عشر سنين اعدها بالثوانـــــــــــي *** والمســــــأله طالت وانا بختصرها
قالت وش أسوي زماني حدانــــــي *** مــرت علي ضروف وأنت تخبرها
قلت ما تنفع الاعذار لو هي سماني *** ولو أعذرك نفسي والله ما عذرها
روحي بشانك وأتركيني بشـــــــــاني *** خلــــي سفينة حبك الماء يغمرها
وعاني من الفرقا مثل ماني أعاني *** وغرـسه غرستيها كلي من ثمرها
ودعتها وأنا أختصر بالمــــــــعاني *** وأغـــض عيني عن مفاتن نحرها
العين حوراء والثمان الثمــــــــاني *** والنـــــــــار تاخذ لونها من شعرها
والخد براقن سراء بخرمســـــاني *** فـــي ليلةٍ خرساء مايطلع قــمرها
والعنق عنق أدميتن بالمــــــثاني *** تـــــذيرت من ريح رامن سبرها
والعود زملوق نبت بالبيـــــــــاني *** منــــــين مانسنس نسيم يهصرها
وأروح وأرجع يم صاف الثماـني *** عيــــن عيوني يشبعن من نضرها
بيضاً تشادي زهرة القحويــــاني *** فــي روضةٍ مادوجت من مطرها
في روضةٍ ماطبهــا مود ماني *** مـا تشوف فيها ألا أم سالم وأثرها
وبالبيض زين وزينها شـــي ثاني *** أقـــــلوب عشاق الجمال تعصرها
لا شافها عاشق يصيبه جـــناني *** لــــــــــون نفسه بالمعالي حدرها
يتلها تل الصعب للعـــــــــناني *** يـــــومين والثالث يجيــك بخبـــرها
ولون نفسه مارضت بالـهواني *** أمــــــــا تجي بالطيب وألا جبـرها
رجعان سالم الحربي
المواضيع المتشابهه 
ارقبت في راس الطويل ورمــــاني *** حب الهنوف ورحــــــت ماشي بثرها 
العرض الشجري
