يقول العتيبي :
الوضــع يبغــى لـه ثلاثيــن روقـــي
ويحـتاج من برقـــا حـدود الثلاثيـــن
يجـون فالحديــن قبل الشروقـــي
ولا يــذن المغـرب وبشار له عيــن
رد عليه قحطاني :
ان كانكم ستين والعد فوقي
الوضع يبغى له ثلاثة قحاطين
وتشوف شي للنواظر يشوقي
ونحرر اهل الشام واهل فلسطين
رد عليه المطيري :
الوضع مايبغى قحطاني وروقي
يبغى من المطران عشرة وراعين
يغزون بشار اللعين السلوقي
وفي دربهم نبا تحرر فلسطين
و رد عليهم الحربي :
الوضع مايحتاج نذل وسروقي
يحتاج ليوثن تضد المعادين
يوم المهايط بين بومة ولوقي
حرب بالفعل هم فزعة الدين
رد الشمري :
ارتاح يا الحربي أخبرك ذروقي
ابعد مشاويرك يجي حول مترين
دام الشجاعه جاريه بالعروقي
أصغر ولد من شمّر يسدد الدين
رد الدوسري :
هذي دول يامزينين الطروقي
وكل القبايل والنعم مير غادين
خلوها للكواسر ياأهل الحقوقي
انتم قبايل مير حنا سلاطين
المواضيع المتشابهه 
القبايل وبشار ههههههههه 
: 
العرض الشجري
