مع أني والله ما تضرني ال 50 اللي بياخذها العامل الا أني أشعر بالغبن وهو يشتغل ربع ساعة ثم يقول 50 " 100 والمشكلة أن الأعمال التي يؤديها بسيطة بإمكان أي واحد يشتغلها على مزاجه في الوقت اللي يناسبه !!!
كان عندي 11 مكيف ويجي العامل وينظفها وبساعة واحدة يأخذ مني 600 ريال !! 50 على كل مكيف فبدأت بغسيل المكيفات وبحيث أني صاحب عمل حر كنت أختار آخر الليل وأنا فاضي !! ثم بدأت أغير توصيلات السخانات والأمر ما يحتاج كلها توصيلة جديدة مع شطرطون أبيض وزرادية ثم تطور الموضوع الى تغيير السخانات وتعبئة فريون المكيف وتغيير الخلاطات فأصبحت لا أحتاج الى السباك والكهربائي الا في الأمور المعقدة وناوي أتعلمها ..
........................................................
فيه حاجة تضحك تبكي ... يكون في الحمام اللي فوق فتحتات بين السيراميك تسبب في نقط من الماء على الدور الأرضي وهذه تحتاج الى ترويبة جبس تخلطه في شوية مويه وتقوم بالعملية بنفسك !! العامل يجي ويعرف أنها بحاجة الى ترويبة فيقول نكسر البلاط ونشوف أيش المشكلة وهو شايف الفتحات المسببة لتسرب الماء ثم يكسر السيراميك ويقعد يوم يشتغل فيها عشان يمحطك بالف ريال هذا من غير الخساير اللي الحقك إياها !!!!..
لماذا لا تفتح وزارة التربية حصة للكهرباء والسباكة وتكون في الأسبوع مرة واحدة أو مرتين بدل الرسم اللي ما إستفدنا !! منه يكون على الأقل الواحد يعتمد على نفسه في بعض الشغلات ويتطور مع الوقت والممارسة ..!!!؟؟؟