اليوم يا اخواني شفت موقف الصراحة قهرني وأثر فيني واستفزني الصراحة
الصباح وانا طالع على كبري الوشم واشوف الزحمه والناس ينزلون من سياراتهم قلت يالله عسى خير جا في بالي انه حادث لاسمح الله وفيه اصابات ..،
نزلت من السيارة الا واشوف شاب سعودي حاك بسيارته في سيارة فيها 3 سوريين وشدو معه في الكلام وشد معهم الا ويطيحون فيه طق ضرب يا اخوان يوم بسنه ..،
والله ياجماعة الخير ان السعوديين مجتمعين يبون يفكونه منهم ماقدرو والغبنة ولا واحد من السعوديين فزع ولا سوا شي وبعض الناس هداهم الله واقف يتفرج ..!!
ولما فكيناه منهم ركبو سيارتهم وفحطوا ومشوا قسم بالله اني انقهرت يا اخوان الى هالدرجة مستهترين فينا يعني ماعاد يشوفونا شي ولا وش السالفة واللي قهرني اكثر محد فزع مع الشاب الضعيف وهم 3 وهو واحد ....
بالله يا اخوان وش تعليقكم على الموقف ولو انك موجود وش راح تكون رده فعلك ؟؟
المواضيع المتشابهه 
ضرب سعودي على كبري الوشم 
العرض الشجري
