السلام عليكم ، حبيت أنقل تجربتي للفائدة

في البداية كنت أتجنب الشراء من تاو باو ، بسبب حاجز اللغة والأمر الآخر ما فيه شحن مباشر و حسب ما قريت إن شركات التجميع في الصين ما هي ذيك الزود

المهم ، قررت استخدم قوقل كروم و أجرب الموقع ، وبعد بحث طويل استقريت على شركتين ، الأولى اسمها ( Hero ) والثانية اسمها ( Koonan ) ، وبعد مقارنة بين الأسعار ، وحدت الله و طلبت من Koonan ، وهذي صفحة البايع :

https://koonan.tmall.com/category.ht...ageNo=1#anchor

صورة من الطلب :










تكلفة المقاضي 364 يوان شامل عمولة AliPay ، بالسعودي يساوي 197 ريال من بطاقة السفر :





تكلفة الشحن : 228 ريال شامل الضريبة المضافة ( وزن الشحنة 5 كيلو وحسابي فلكس ) وعليه تصير التكلفة النهائية 425 ريال

طلبت الأغراض تاريخ 6/17 ، أنا حاط عنوان الصندوق زمان ونسيت أرجع أتأكد ، وبعد الطلب بيوم قعدت أقلب في العنوان واتفاجأ أن أرامكس غيروا رقم تلفونهم أو إني كاتبه غلط ، حملت برنامج Trade Manager وحاولت أتواصل مع البائع ما قبل معي ، في النهاية راحت الشحنة بعد يومين من الطلب ، و وصلت شوب اند شيب بعد يومين ، وبعد يوم تسجلت في حسابي ، أظن ما يدقون ولا شي ، يروح سيدة للعنوان


المهم استلمت الشحنة اليوم ( يعني بعد 10 أيام من تاريخ الطلب ) و كان تغليف الأكواب ممتاز و فيه كوب زايد مدري وش سالفته ، حاولت اتواصل مع البايع واعطيه حقه لكن البرنامج ما زبط معي .

طبعاً فيه غرضين ناقصة لأنه أكبر غلط تقابل اخوك و معك أغراض زي كذا ، لازم شحنتك توصل البيت ناقصة :








زبدة الموضوع :

هل تنصح بالشراء من تاو باو : نعم و بشدة
كيف جودة الأدوات ؟ 10/10
هل بترجع وتشتري من نفس البائع ؟ نعم و بشدة


التجربة كانت ناجحة بكل المقاييس و ستتكرر بحول الله ، وبالتوفيق

الموضوع الأصلي: تجربة شراء أدوات قهوة مختصة من تاو باو || الكاتب: bom || المصدر: منتديات

المصدر: منتديات شمس الحب - من قسم: شمس الحب لبرامج الكمبيوتر والإنترنت