السلام عليكم
مساء الورد
منحاش طالع اليوم مع جارنا الفاضل العم صالح
عمر العم صالح ( 80 ) سنه يسوق السياره يشتغل بيده
في المزرعه الله يمتعه بالصحه والعافيه
جارنا صالح عنده مزرعه في شعيب الأوسط بالرياض
بعض الأحيان يطق الباب ولا ينفع معه عذر ولا تصريف
إركب يامــــطفوق مستحيل أقدر أقول له لا
طبعا النيه المزرعه مباشرة
المزرعه بها نخيل اشجارحمضيات
غنم .. خلفات .. طيور ووووالخخخخخخ
يوزع على الجيران تمر... حليب خلفات .... قري فروت .... طرنج ليمون تمر .. قرع
نعناع .. ورقيات وووووووووالخ
محب للخير فيه البساطه والتدين الفطري والصدق
والخلق العالي ( راحوا الطيبين ) من جد يتعامل العم صالح
مع العمال وكأنهم أولاده بطيبه ومحبه غريبه ! !!! !
أخبار المزرعه لهذا اليوم
--------------------------------
والله إني صادق لا تفكروني أمزح
1 / الحمار إنطلق من الحبل وهج ( ضاع )
وهناك مبلغ مالي لمن أدلى بمعلومات عنه حسب كلامه
الحمار حسب كلام العم صالح صاير زي الإنذار مجرد مايشوف الغريب
على طول ينهق يقول مره طب على الغنم حرامي وتم الإنتباه عن طريق
الحمار .
2 / القعود شاريه بمبلغ (25 ) ألأف ريال من إبل فنجال الشيباني
جاء القعود مرض الله لا يبلانا صار مايشوف يمشي ( عميان )
رافع راسه فوق ويمشي بشكل غريب جبنا له أدويه وجاء
واحد من ربعه وكوي على الرأس مع الأدويه .
هذا جولة منحاش مع الجار الفاضل من بعد صلاة العصر
وحتى دخولي المنزل قبل نحو ربع ساعه
تبون الجد المزارع فيه بسط ووناسه وفلة حجــاج
وسلامتـــــــــــــــــكم
--------------------------------
تستطيع المشاركة هنا والرد على الموضوع ومشاركة رأيك عبر حسابك في الفيس بوك
Yv;f dhl't,r >>> sl Hfav ! !!
المواضيع المتشابهه 
إركب يامطفوق ... سم أبشر ! !! ! 
العرض الشجري
