في أحدى رحلاتنا للصيد ، خيمنا في منطقة خالية من الناس وهي منطقة جبلية وعرة التضاريس ، وفيها جبال عظية الأرتفاع ، وكنا في نهاية فصل الصيف وعددنا أربعة رياجيل ، متعودين على الصعاب وتسلق الجبال ، وتوزعنا من الصباح في الجبال ، ونظراً لصعوبة طلوع تلك الجبال ووعورتها ، أتفقنا أن كل أثنين يروحون سواء فيما لو لا قدر الله حصل لأحد مكروه يساعده خوية ، ومعنا حبال وشناكير لربط الحبال ، وسكاكين ، ومعنا كل أحتياجات الصيد والسلامة المتبعة لرحلات المناطق الصخرية ، وأخذين حذرنا من الذياب والنمور والهوام ، فربما تكون موجودة في كهوف الجبال ، وقد حصلنا على صيد وفير ولله الحمد ، وبعد منتصف النهار بداءات السحب في التكاثف حتى تراكمت السحب فبداء الرعد يرعد والبرق يبرق ، وأظلم الجوء ، فقررنا أن نعود بسرعة إلى خيمتنا قبل أن يهطل المطر علينا، وتقطع السيول الطريق بيننا وبين خيمتنا، فنزلنا مسرعين ، وبداء المطر في الهطول بغزارة ، وقد قررنا أن نستمر في السير ، وأن لانتوقف فربما يقطع السيل طريقنا ، وكانت خيمتنا في مكان مرتفع عن الوادي ، لكن خفنا على السيارة لا يشيلها السيل ، حيث تركنا الجيب في وسط الوادي تحت ظل شجرة طلحة كبيرة .
وواصلنا السير ، والمطر يطهل بغزارة علينا ، لكن السيول ما قد جات من الجبال ، حيث أن السيول إذا جات تجي مندفعة بسرعة ، وعندما وصلنا رحنا وطلعنا الجيب من بطن الوادي ، وبعد دقايق الا والسيل قد غطاء على مكان سيارتنا وكان الوقت صلاة المغرب ، وحصلنا حطبنا قد بلله المطر ، ففرشنا فراشنا وصلينا صلاة المغرب وجلسنا ، وبدينا نفكر كيف نسوي قهوتنا ونطبخ عشانا والحطب قد بلله المطر ، وكان الطريق الرئسي يبعد عن مكانا اللي جالسين فيه حوالي عشرين كيلو والطريق إلى الخط العام طريق صحراوي ، ويوجد عند مفرقه من الخط العام محطة بنزين بجبنها بقالة يوجد بها أدوات الرحلات والحطب ، وقال خويانا سليمان أنا ومرزوق نبا نروح للمحطة نجيب حطب وأذا كان ناقص أغراض نجيبها معنا ، ماهو معقول نقعد بدون قهوه ولا عشاء ولا شبة نار ، وقمنا نتفقد في أغراضنا ونشوف اللي ناقص من أغراض من شان يجيبونه خويانا معهم من البقالة.
وسيارتنا جيب قديم لكن مجهز ومخصص للمقناص ، كل معداته جديده ، ومعانا أسبيرات قطع غيار وكفرتين للأحتياط وعدة إصلاح البنشر.
راحوا خويانا سليمان ومرزوق للبقالة ، وبقيت أنا وذيب نجهز العشاء ، في أنتظار خويانا يجيبون الحطب وباقي الأغراض .
مشوا من عندنا خويانا سليمان ومرزوق ، وكان الخط متأثر من المطر والسيول ، ولكن مافيه وادي كبير سيله يقطع الطريق ، وأستمروا حتى وصلوا ألى البقالة وكان وقت صلاة العشاء ، وصلوا في مسجد بجنب المحطة ، وكان المصلين بالمسجد حوالي عشرة رياجيل ، خويانا وواحد لابس ثوب وعمامة ، والبقية عمال المحطة والبقالة والمحلات الموجودة بجنب المحطة .
وبعد ماخلصوا من الصلاة وطلعوا من المسجد ، شافوا خويانا الرجال اللي لابس ثوب وعمامة يركب في سيارة ونيت موديل قديم ، وحاول يشغله ولكنه ما أشتغل و كرر المحاولات لكن بدون نتيجة ، ونادى صاحب الونيت على خويانا وقال لهم تعالوا ساعدوني ، دفوا السيارة ، وراحوا له ودفوا الونيت وأشتغل وشكرهم ، ومشى مع الطريق العام .
أشتروا خويانا الحطب والأغراض وعودوا راجعين لنا مع طريقهم ، وفي منتصف الطريق لنا حصلوا صاحب الونيت سيارته متعطله ، ووقفوا عنده ، ونزلوا وحاولوا يشغلون السيارة بأشتراك للبطارية وما أشتغلت معهم ، وطلع العطل من السلف ، والليل ظلام والمحلات اللتي بجنب المحطة تقفل بعد صلاة العشاء .
قالوا له خويانا ، أنت وين رايح في هذا الليل ، قال لهم أن والده يعيش في منطقه وسط هذي الجبال وأنا أروح له نهاية الأسبوع أتطمن عليه حيث أنه يعيش وحيد ومامعه جيران ولا عنده زوجه ولا أحد يساعده .
وسآل الرجال خوينا وأنتم فين رايحين ، قالوا له حنا قناصة ندور الصيد ولنا خويا قدامنا مخيمين في وادي بين هذي الجبال ورحنا نجيب لهم مقاضي ، لكن خاونا ، وليا أصبح الصباح نوديك لورشة الميكانيكا اللي في المحطة ونجيب منها فني يصلح العطل اللي في سيارتك .
وافق على رايهم وطلع معهم وعادوا لنا خويانا قبل منتصف الليل ، ونزلنا الحطب وشبينا النار وسوينا قهوتنا وركبنا عشانا ، وجلسنا نسولف مع ضيفنا اللي جاء مع خوينا وقال لنا سالفة وجود والده اللي عايش في الخلاء لوحده بين الجبال ووسط السباع والأهوال وقال لنا أن والده .......
تستطيع المشاركة هنا والرد على الموضوع ومشاركة رأيك عبر حسابك في الفيس بوك