صديقي ليست لديه الا اخت واحده وهو اخوها الوحيد...زوج اخته اجنبي من جنسيه عربيه ومهايطي يدعي انه وكيل لشخصيه كبيره في البلد وهو كذاب عاطل ومايشتغل و ام زوجته تصرف عليهم وابو زوجته معطيهم شقه في عمارته وامه رافعه عليه قضية عقوق واخواته رافعين عليه قضايا وازواج اخواته ايضآوكل فتره يسوي مشاكل مع الناس...بالعربي الزوج جدآ ردي...يقول الاخ كان نايم في امان الله في المجلس كعادته والا بأخته تدخل على امها المطبخ وتزعق وتسبسب في اخوها النائم بأنه ينقلع ومايجلس هنا وبيوسخ المجلس...لانه تبغى بنتها تدخل المجلس تتفرج تلفزيون وهوا نايم...الاخو اتصل على والده قله تعال شوف...الاب جا قال لابنته اطلعي شقتك اتفرجي او روحي الصالون اتفرجي وخرج...عندما خرج الاب رجعت اخته تزعق قام الاخ قام وقامت مشاده بالصوت معاهم قام اتدخل زوجها ودار بينهم مضاربه باليد...الاخ ضربه ضرب مبرح وفقشه في راسه ولكن من خساسة الزوج نزل سروال الاخو والاخو فك الزوج عشان يرفع سرواله فالزوج استغل الموقف وضربه...جا الاب مره ثانيه قالوله انه الاخ يرسل رسائل للزوج والاخت فيها تهديدات..الاخو قال جيبو الرسايل وروني هيا لكن مارضيو يوروه اياها ووروها الاب(الاب كبير في السن ولا يعرف للجوالات بمعنى اي رساله ملفقه تمشي عليه )...الرساله هذي رسلها واتس لأمه يشتكي من زوج اخته فيها والاخت شافتها وسوتلها تصوير للشاشه ورسلتها لنفسها وقالت انه الاخو رسلها لهم(حركه خبيثه) بعد ماخرجو جا الاب قال انت قلت كذا وكذا وكذا؟ قال هذا كلام ارسلته لأمي مارسلتو لهم...والاخت تهدد بالشرطه وتقول لاخوها اسجنك...الاخو مايبغى يصعدها للشرطه بأنه زوج اخته اتعدى عليه جوة بيته اولا لان والده مايبغى شرطه ومايبغى يزعل والده في هذا الشيئ ووالده مصدقهم ومافي احد ينصفه....الان الاخو مايعرف كيف يتصرف اذا اتهجمو عليه مره ثانيه وهذي وارده جدآ منهم والزوج هوا راس البلا لانه يشحن زوجته على اخوها خصوصآ من ناحية المال يبغى زوجته تاخذ اكبر قدر ممكن من المال من اهلها...ياريت افادتكم وشكرآ جزيلا لكم
المواضيع المتشابهه 
صديقي ومشكلته مع اخته وزوجها الردي 
العرض الشجري
