أمـآ في الريـآض ..
حلا : اووف نانسي تعالي رجعي هذا مكانه لا لا جيبي هذاك هنا شكله احلى ..
نواف : وش فيك انتي دوختي الحرمه مين بيجي ؟
حلا : صديقاتي جايين ..
نواف : صديقاتك .. ليش وش المناسبه ؟
حلا : بس كذا عازمتهم زهقاانه ..
نواف : اهاااا طيب انا جالس في الصاله الصغيره الي هنا اوكي ..
حلا بسرعه : لا لا ابيها ..
نواف : وش تبيها انتي بعد ؟
حلا : نواااف هناك مسويه الدي جيه ..
نواف : يعني انا وين اروح ..؟
حلا : غرفتك وينها ماتعرف طريقها ؟؟
نواف : لا ياشيخه احلفي .. خلاص بقعد بالحديقه الخلفيه ..
حلا : لاء لاء لاء ..
نواف : الا الا الا ..
حلا : نوووفا بليز ..
نواف : يعني اطلع من البيت عشان ترتاحين ..
حلا : يكون احسن ..
نواف : يلا بس روحي شوفي شغلك انا بقعد بالحديقه ..
حلا تأففت : طيب خلاص ..

طلع نواف ومعاه كتبه وملفاته وراح حطهم عالطاوله الي بطرف الحديقه وشغل المسجل على اغنيه للجسمي مرره رايقه وهاديه ولبس نظارته الطبيه وجلس عالكرسي .. يسمع الاغنيه ويفكر ..
:: بحبك وحشتيني بحبك وانتي نور عيني .. دا وانتي مطلعه عيني بحبك موووت ::
نواف في نفسه >> متى بلاقي الي تستاهلني << ..
حلا طبت عليه فجآه : نوااااااااف ..
نواف نط من مكانه : وجع وش فيك ..؟
حلا : اسمع بعطيك رقم المطعم وأكد الطلبات اوكي ..
نواف : ليش ماتقلبين وجهك مناك ..
حلا : افف يانواف وربي انك بااايخ الحين وش اسوي ..
نواف يتريق عليها ويقلد نعومة صوتها : وريني لسانك ولا مقطووع ماتعرفي تكلميهم انتي ؟
حلا جلست عالكرسي جنب نواف : اااه والله دخخخخت ..
نواف ابتسم بهدووء ومسك اول ورقه قدامه عالطاوله : كثير الي بيجون ؟
حلا تعدهم على أصابعها : اممم يعني يمكن 12 ..
نواف : الله يزيد ويبارك ..
حلا افتكرت شي : لا صح نسيت جود يعني 13 ..
نواف لمن سمع اسم جود ابتسم وافتكر شكلها ذاك اليوم عيونها صغيره وحلوه فمها نحيف ورقيق خدودها كأنها فراوله وغمازاتها معطيتها حلا غير جسمها متناسق وجذااب وضحكتها مرره بريئه ورقيقه << ماشاء الله أمداك تقزها ..
حلا تحرك يدها قدام وجهه : وين رحت اكلم نفسي انا ..
نواف طالع فيها وابتسم : معاكي ..
حلا : ايه مبين يلا عن اذنك ورايا حوسه ..
نواف : اذنك معك ..

@@@@@@@@@@@@@@@@@@

في بيت جـود ..
جود واقفه قدام التسريحه وتحط الميك اب بروقاان وتدور كل شويه حول نفسها باعجااب ..
جود تكلم نفسها في المرايه : يازينك ياشيخه وربي مجنون الي مايحلف انك قمررررررررر ..
وصارت ترقص على اغنية راشد :: عن قمرهم كلهم ياضياء نورا لهم الورود انتا عطرهم كيف انتا تشمهم :: ..
جود بصوت عالي : والله رشودي ماغنى ذي الاغنيه الا لعيوووني ههههههه ..
خلصت مكياجها وسشورت شعرها ولبست فستان بينك قصير لفوق الركبه وشكلو مرره جذااب عليها مبين تفاصيل جسمها المتناسق لبست عبايتها ورمت طرحتها على شعرها باهمال وطلعت من البيت ..

كانت من اول الضيووف الي وصلوا .. باب الفله طبعا دايما مفتووح دخلت للحوش الكبير والي ثلاثه ارباعه حدايق ونوافير .. فصخت طرحتها وماحبت تكلم حلا تبغه تستكشف البيت لحالها << لقااافه ... صارت تمشي وتمشي في الحديقه الكبيره الين لمحت واحد جالس على طاوله مليانه كتب واوراق قرربت من عنده بجراءه ..
جود : هاااي ..
نواف بملل يحسب انها حلا احيانا تصير هبله زي كذا : حلا ماني فاضي ..
جود باستغراب : انا مو حلا ؟؟
نواف رفع راسه بهدووء واستغرب لمن شاف جود واقفه بطلتها الحلوه قدامه : هـ...هــلا ..
جود : انتا محـمد صح ؟
نواف : لاء انا نواف ..
جود : اهاا طيب نواف ممكن تدلني عالباب او ماعرف من وين ادخل ..
نواف ابتسم ووقف : تفضلي ..
جود نزلت وجلست عالارض على رجل وحده وتربط حبال الصندل حول ساقها : دقيقه بس ..
نواف طالع فيها وابتسم وفي نفسه ..>> هذي مره فري ماعندها جايتني بدون طرحه وعباتها نصها مفتووحه وماخذه الحياه ايزي الله يرجها من بنيه << ..
وقفت : اووف وش معاي لابسه كعب انا ووجهي ..
نواف : يلا ماتبين اوصلك ..
جود : الا الا جايه ..
راحت معاه ودخلت للبيت وتطالع في السقف وفي الجدران باعجاب السقف مره عالي ومزخرف ومزركش والجدران مرسوم عليها مناظر حلووه والشبابيك كلها ملكيه وعاليه من اعلى الجدار لأسفله وكل شي حلو وفخم ..
نواف يأشرلها على الصاله الصغيره الي كلها لمبات وانوار موف وازرق والجدران ملونه والارضيه زجاج ومن تحتها مويه زرقاء وكلها اجهزه استريو وبروجيكتور وشكلها مررره نايس وررررجه ..حقت دي جيه يعني ..
نواف : اتفضلي من هنا اناديلك حلا ..
جود دخلت : مشكوور ..
نواف : العفوو ....
وطلع ينادي حلا ..
حلا في غرفتها تحط اللمسات الاخيره لمكياجها ويندق عليها الباب ..
حلا : اتفضل ..
دخل عليها نواف: حلووله وحده من صديقاتك جات..
حلا رمت الفرشه عالتسريحه بسرعه واخذت جوالها ونزلت : نووفا قفل الباب معاك ..
نزلت تجري لتحت ونواف فوق يشكر ربه على نعمة العقل ..
دخلت عليها الصاله وشافتها تنكش في صندوق السي ديات وتغني ولا هامها أحد وبالذات انو جود طبعها مرره جريء وماتستحي من أحد ..
حلا : هاااااي ..
جود لفت عليها وابتسمت ابتسامه راايقه : هايات ..
حلا تسلم على جود : اهلييين نورتي البيت ..
جود : منور بهله .. كيفك ؟
حلا : تمااام اتفضلي ليش واقفه ..
جود : هااا ههههه لا بس كنت ادور شي رجه مالقيت كل الي عندك رايق ..
حلا تبتسم : انتي شوفي وين دورتي اول شي ..
جود طالعت عالصندوق الازرق الي فيه السي ديات مكتوب عليه " رومانسي & كلاسيك" ..
جود >> والله انك فاضيه ياحلا كل نوع اغاني حاطتهم بصندوق لو تشوفين اشرطتي كيف والله انك بنت عز من جد خخخخخ << ..
جود : ههههههههه والله مانتبهت ..
حلا دق جوالها : اوكي حبيبتي خذي راحتك البيت بيتك اتصرفي مثل ماتحبي .. عن اذنك ..
جود في نفسها >> لا توصي حريص ههههه<< : تيك يور تايم ..

@@@@@@@@@@@@@@@@@@@

نوف : للللللوووووولللللووووش ..
نوره قامت مفجوعه من النوم : وش فيك خيييييييييير ؟
نوف : بصير خاله ههههههههه ..
نوره تفرك عيونها : خالة مين ؟
نوف تضم اختها بقووه : انخطبتتتتتتتتتي يالشينه اخيرا بنفتك من خشتك الكريهه ..
نوره بصدمه : انا انخطبت ..؟؟؟
نوف : اييييييه والله يافاتك اهل رجلك وربي بنات فلووووس ..
نوره : وش اهل رجلي انتي بعد وش تقولين ترى مالي خلق مزحك البايخ ..
دخلت ندى : مبرووووووووك يلا يلا ورىىىىى حمام جانا مسين ولا سلم عليااااا يلا ارقصي ياعروسه ..
نوره ترمي عليهم المخدات بقووه : لا تستهبلون على راسي انقلعوا برىىى ..
دخلت أم نوره : صح النووم تو الناس الساعه بتصير 8 وانتي نايمه ..
نوره : هلا يممه والله امس مانمت بدري مره دايخه ..
ام نوره : انزين حبيبتي غسلي وجهك وبدلي ثيابك وتعالي ابيك بالصاله ..
طلعت من الغرفه وقفلت الباب ..
نوف تنط عالسرير : شااايفه ياغبيه بتتزوجين وبنفتك منك يلا روحي غسلي وجهك ..
نوره وجهها انقلب مية لون احمر واخضر واصفر << اشارة مرور على غفله خخخ ...وقامت دخلت عالحمام وقلبها يدق بسرعه مو طبيعيه ..
نوف : خخخخخخخخ ياحليلها اختي وربي انها تهببل ..

@@@@@@@@@@@@@@@@@@@@

في جـدهـٍ ..
مشعل : فراس امي تبغه تشوفكم ..
فراس بدون نفس : ان شاء الله بالاجازه بنروح للرياض ..
مشعل : لا يافراس تبغه تشوفكم دحييين اليوم قبل بكرا ..
فراس بهدوء : مشعل يعني مو شايف الحاله الي احنا فيها اخويا مالو يومين متوفي ..
مشعل : عارف يافراس انا قلبي متقطع عليه اكثر منكم بس امي على فراش الموت وكل دقيقه وهيا توصيني اجيبكم معايا .. حتى ماقدرت اقلها على فايز هيا بروحها منتهيه ..
فراس بصدمه : ليه خالتي اشبها ؟
مشعل : تعباانه يافراس خلاص المرض اكل جسمها اكل ..
فراس : انا كم مره قلتلك نسفرها لبرى ليه راسك ناشف ..
مشعل بانفعال : أي برى واي كللام فاضي خلاص الدكتور بعظمة لسانو قالها مااااااااااااالها أمل ..
فراس : وانتا تسمع كلام الدكاتره المتخلفين هدولا يقولولك كدا عشان تراجع عندهم ويكسبوا من وراك دولا ماهمهم لا انتا ولا امك اذا الفلوس اتطلبت انهم يقتلوا مريض عشانها يسووها ماعندهم ضمير ناس ماتشوف في هالدنيا غير الفلوس ..
مشعل : والي يعافيك يافراس خلاص الي فيني كافيني انا تعبت عقلي ماعاد يستوعب شي مو قادر افكر ..
فراس طالع في مشعل بحزن ولد خالته وصديق عمره والي عذابه مايقل عن عذابهم ابتسم بضيقه ولف وجهه ..

أما هيا فنزلت بهدوء وبخطوات بطيئه بلبسها الأسود وشعرها الي صارله كم يوم ماتمشط على حالته شكلها مخيف .. عظام وجهها بارزه وضلوعها بتشق الجلد وتطلع حول عيونها هالات سوده والتجاعيد غطت وجهها النحيل ..
فراس قام بسرعه وراح لعندها : اميي ايش منزلك ..
أم فايز تضحك : هههههههه بطلع لفايز يستناني برىىى هههه بيوديني للسوق وسع مايسير اخلي اخوك يستنى كتير ..
فراس يمسكها من يدها وبيطلعها لغرفتها : أمي ارتاحي انتي دحين تعبانه خليكي على فراشك والي تبغيه بيجيكي لعندك ..
ام فايز تسحب يدها بقوه : اقلك فايز يستناني برىى تستهبل انتا بعد خليني اطلعلو ..
فراس : لا حول ولا قوة الا بالله الله يصبرك ياأمي الله يصبرك ..
وفجآه فراس حس شي تقيل طاح عليه .. شاف أمه ترتمي في حضنه وتبكي أمه الي صارت زي المجنونه بعد وفاة اكبر اولادها فايز ..
اخذها وجلسها عالكنبه وصار يقرآ عليها ويمسح على راسها ..