في جـــدهـٍ ..

بدأ الكل يتعود عالبيت بدون فايز أو إذا صح التعبير يحاول انه يتأقلم مع اختفاء روح البيت ونورها ..
فرح جالسه في الصاله تتفرج عالتلفزيون وتفكر وتحووس بافكارها الشيطانيه تبغه تنفذ وعدها ولازم تنفذه بإسرع وقت ..
... وعدهــــآآآآ بالإنتقـــآآآآآم ...
وبدأت بالتخطيط ورسم الخطط الي ممكن تدمر حياة أي مراهقه وأي بنت رقيقة المشاعر ويسهل الوصول لقلبها .. وهيا تعرف بنات عمها اكثر من أي احد بالدنيا .. خفيفات وعلى نياتهم وافكارهم طاهره وشريفه وتقدر تدسلهم السم في العسل بكل سهووله ..

أخذت جوالها بعد ماقررت تسوي الي في بالها .. ودقت على رقم غريب ..
فرح بكل ثقه : السلام عليكم ..
الشاب من الطرف الثاني : هلا وعليكم السلام .. مين معي ؟؟
فرح : انتا أمجد ؟؟
أمجد : ايوا مين انتي ؟
فرح : ايش عندك دحين ؟
امجد باستغراب : اقلك مين انتي تقوليلي ايش عندك ؟؟ مين انتي اول ؟
فرح : لو سمحت خلينا ماشين بالطيب وقلي فين اقدر اشوفك ودحين في أسرع وقت ..
امجد استغرب بس قال بيشوف اخرتها : انا في كوستا كوفي الي عالكورنيش..
فرح ابتسمت بخبث : اوكي 10 دقايق وانا عندك ..
امجد : دقيقه ..
فرح ماردت عليه وقفلت بوجهه ..
لبست عبايتها وطلعت من البيت ..

وصلت للمحل بعد ربع ساعه مع زحمة الطريق وبالذات انو اليوم ويك اند والناس كلها مفلته في الشوارع ..
شافت أمجد وإلي حافظه شكله وحافرته في بالها .. أشهر "مدمر بنات " في جــده ..
فرح اتلثمت لأول مره في حياتها لانها عارفه هالأشكال مامنهم أمان وبالذات أمجد إلي ياما ضيع بنات ووداهم في خبر كان ..
فرح بثقه : السلام عليكم ..
امجد رفع عيونه بملل وشافها : وعليكم السلام ..انتي الي كلمتيني ؟
فرح : ايوا ..
امجد : هههه وايش تبغي لا يكون انتي وحده من الي دعستهم وجايه تبغيني اطلب يدك من اهلك هههه ..
فرح : تخسى والله ياولد الراهي .. ماعاش ولا جابتو امو الي يمسني ..
امجد استغرب عمره ماقال لوحده لقبه وهذي مبين انها واثقه : خير ايش تبغي ؟
فرح : بنتكلم هنا يعني ؟
امجد وقف : فين حابه نتكلم ..؟
فرح اشرتله على ستار بكس .. دخلوا وطلعوا جلسوا فوق بعيد عن أنظار الماره الي رايح والي جي ..
امجد : مين انتي اول ..
فرح : اسمع من قبل لا تعرف أي شي عني انا ابغاك في مهمه والمبلغ الي تبغاه انا حاضره ..
امجد ابتسم بخبث : امـــري وتدللي ..
فرح ابتسمت من تحت اللثمه وطلعت صوره من شنطتها : خذ ..
امجد ابتسم واحلوت الدنيا في عينه لمن شاف صورة بنت في قمة الجمال .. يعشق الفضايح يمووت في تضيع البنات هذي هوايته وعشقه في الحياة : ايش حابه اسويلك فيها انتي امري بس ..
فرح : اسمع اول شي ابغاك تسحب فيها الين تصير عبده عندك ابغاك تخليها تبوس التراب الي تمشي عليه انتا تشاور وهيا تنفذ خليها تصير عمياااااء في حبك ماتشوف شي في الدنيا غيرك ..
امجد ابتسم بخبث : وبعدين لايش تبغينا نوصل ؟
فرح : ابغاك توريني شطارتك وتبدع في دي الصوره الي اديتك هيا خليها فضيحة تو ثاوسن آند سيفين .. بس قبل كل شي لازم تحبك لازم تععععععشقك فااااهم ..
امجد : من عيووووووووووووووووني ..

خلصت كل الإجراءات مع أمجد وأخذت شنطتها ورجعت للبيت راضيه كل الرضا عن الي بتسويه ..
بس هذا مو كل شي هذي "ميار" بنت عمها الكبيره ..
وبنت عمها الثانيه ايش ممكن تسوي فيها ....؟!؟!؟!
لازم تخليهم عبره لمن يعتبر .. زي مآأخذوا منها فايز هيا بتاخذ كل لحظة حلوه بحياتهم ... هذا الهدف الي فرح مخططه توصله ..

اندق عليها باب الغرفه ..
فرح : كم أووون ..
دخل فراس : هلا فرووحه كيفك ؟
فرح : كويسه ..
فراس : اسمعي الويك إند الجي رايحين للرياض اوكي ..
فرح باستغراب : الرياض ؟؟ ليه ؟؟
فراس : خالتي تعبانه وتبغه تشوفنا ..
فرح : والله مسكينه خاله ريم المرض هالكها الله يقومها بالسلامه ..
فراس : امين بس لا تنسي الاسبوع الجي مو زي كل مره تأخرينا ..
فرح ابتسمت بدون نفس مع انو مالها خلق تروح بس محتاجه تشوف خالتها وبناتها : اوكي ..
أمـــآآ فاتنه فقاعده في غرفتها تكلم جـوال بدون نفس تحس الدنيا صغيـره وضيقه ..
فاتنه : لاء ماليا نفس ..
عبد العزيز : فتوونه ارحمي نفسك ياشيخه خلاص الله يرحمو ان شاء الله بس مايصير الي تسويه في نفسك ..
فاتنه : يعني ايش تبغاني اسوي ارقص واغني واخويا مالو اسبوعين متوفي ..
عبد العزيز : فتوونه ياقلبي الدموع مابتسوي شي خلاص اترحميلو مابيدك شي تسويه وربي يتقطع قلبي لمن اسمعك تبكي ..
فاتنه : عزووز تبغه شي انا حسك لأني من جد تعباانه ..
عبد العزيز : سلامتك من التعب ياعمري فيني ولا فيك يارب ..
فاتنه : باي ..
عبد العزيز : فتفوووته ..
فاتنه : نعم ..
عبد العزيز بصوت طالع من أعماق قلبه : احبــــــــــــــــــــــــــــــــــــــــــك ..
فاتنه : وانا كمان يلا باي << أبو الدف بس ..
عبد العزيز بقلة حيله : الله معاكي ..
قفل منها وكل ماله يفقد الامل فيها .. اليوم الي ماينتظره قرب .. ساعة الصفر بتحين .. يوم فراقها قريييييييب قرييييب اكثر من ماتتوقع .. شهرين بتكون آخر شهور حياته فرح وسعاده وبقية حياته تعاسه × تعااسه ... بيتزوج الي يكرهها قلبه بيتزوج الي مابغاها بيوم زوجه .. غصب عنه وعنها .. بس حكم القوي على الضعيف << هذا المثل الوحيد إلي ماأعترف فيه ..مو من حق أي احد بالدنيا يحدد مصير انسان ثاني ولو كان احق حقيق عليه .. حياة كل شخص ملك له هوا وبس هوا الي يتحكم فيها ويمشيها مثل مايبغه .. بس للأسف التسلط والأنانيه طغت على كــــل معنى للإنسانيه في هذا الزمان ..

_-_-_ اليــوم إلي بعـدهـٍ _-_-_

فهد : فجججججججججججججججر فجوووووووووووووره ..
فجر طلعت من غرفتها على صوت فهد : اشبك ليه تزعق بسم الله ؟
فهد : تعالي بكلمك شويه ..
راحت فجر جلست مع فهد بالصاله الكبيره: نعم ايش فيه ؟؟
فهد يفرك يدينه بقلق : سلامتك بس فيه موضوع بكلمك فيه ..
فجر : قول قلقتني
فهد : لا تقلقي ولا شي بس انا قررت اكمل دراستي برى ..
فجر : ايييش ؟؟
فهد : اكمل دراستي برى اشبك ليه مستغربه ..
فجر : لاء بس غريبه اتخذت هالقرار
فهد : ليه يعني انتي ماتعرفي انو اهم شي بالنسبه ليا مستقبلي وانا قررت اكون مستقبل افضل برى ..
فجر: بس يافهد احنا دحين محتاجينك اكتر من أي وقت بعد وفاة فآيـ..ـز الله يرحمو مالنا في الدنيا غيرك انتا وفراس ..
فهد : يافجر انتو كبار وكل وحده فيكم تعرف مصلحة نفسها وانا واثق فيكم ثقه كبيـــره ومتآكد انكم مو محتاجين لا ليا ولا لفراس انتو قدها وقدود انتي دحين امي واخواتي محتاجينك أنا ابغه اشوف مستقبلي الي مالي غيرو ..
فجر : طيب والشركه ؟؟
فهد بملل : ايش فيها الشركه ؟
فجر : فهد والله انك تحيـر دحين الشركه لكم النص فيها بتسيبوها لعمي وولدو ؟
فهد بخبث : ههههههه لا ياعمري والله ماأسيب حقي يضيع وياكلوعمي وولده انتي لا تشيلي هم بس ..
فرح : طيب ومتى نويت السفر ؟
فهد : والله مـآدري لسه بفتح الموضوع مع فراس ونشوف ..
فجر : لسه ماقلت لفراااس ؟؟!؟!؟
فهد : لا جيتك انتي لانو فراس اكيد مابيعترض بس حبيت اخذ رايك واسمع موافقتك بإذني انتي عارفه اني ماقدر اسوي شي الا برضاك ..
فجر ابتسمت بحنان : روح الله يوفقك ويسهل عليك واشوفك مهندس قد الدنيا ..
فهد : تسلمي يالغاليه .. يلا عن اذنك ..

@@@@@@@@@@@@@@@@@@@@@