]::"::.. الجزء السادس..::"::

رجعت جود للبيت عالساعه 7 الليل .. جلست عالنت شويه ومن بعدها دقت على حلا ..
جود : بعد اسبووووع ؟؟
حلا : من جد ..
جود : لا تصدقين طلع من خال خخخخ ايه من جد..
حلا : كل سنننننه وانتي بخير ياقلبوو
جود : تسلمين ..
حلا : ووين بتسوين البارتي ؟
جود : امي تقول بنسويها بفندق ..
حلا : اهااا حلوو
جود : اكيد بتجين ؟؟ غصب عنك ترى ؟؟
حلا بتردد : مادري
جود : مافيه شي اسمه مادري بتجين وانتي ساكته واذا على نواف خليه علي ..
حلا : ههههههههههه
جود : ترى البارتي بيكوون نايس
حلا : اكيد بيكون نايس دام انتي صاحبته
جود : ههههههههه مجامله مقبووله هههه
حلا : هههههه مين عزمتي ؟
جود : كل صديقاتي وصديقات امي وبناتهم يعني وناس كثيرين ..
حلا باستغراب : طيب وبنات عمك او خوالك ؟
جود بعدم اهتمام : عمي مادري عن اراضيه عايش برى وقاطعنا وعندي خاله وحده بعد امي مقاطعتها ..
حلا : ليييييييش طيب ؟
جود : مادري مشاكل المهم ماعلينا منهم .. قوليلي وش عندك الحين ؟
حلا : ليش ؟
جود : اجيك البيت ؟؟
حلا بفرحه : اييييه تكفييين تعالي احس اني بطق ..
جود : اوكي انتظريني نص ساعه وانا عندك ..
قفلت جود من حلا ومن بعدها كلمت نوف تعزمها على حفلة عيد ميلادها ..
وراحت لبست واتشيكت وطلعت على بيت حلا ..

وصلت للبيت .. وكالعاده دخلت بدون لا إحم ولا دستور ..
حلا بغرفتها تغني بدلع وترفع شعرها وترجع تنزله مو عارفه ايش تسوي فيه .. ويدق التلفوون ..
تنط عالسرير وتروح ترد : الووووو
............: السلام عليكم ..
حلا ارتجفت لمن سمعت صوته صوت فيصل كيف تنساه قالت برجفه : وعليـ.... ـــكم ..
فيصل استغرب : كيف الحال ؟
حلا قلبها وصل لحلقها قالت ودموعها على طرف عينها : بخير
فيصل عقد حواجبه ايش فيها مرتبكه كذا : انتي حلا مادري غلا ؟؟
حلا بارتباك : ايه حـلا ..
فيصل : طيب وش فيك كأني باكلك ؟
حلا ارتبكت ونفسها تذبحه : .................
فيصل : المهم محمد موجود ..
حلا : لاء
فيصل : وينه مايرد على جواله ؟
حلا حست انها مالكه هالدينا كلها وهيا تسمع صوته بس كيف ممكن يكون لغرام وهيا الي تحبه لهالدرجه ايش يصير فيها : بالشـ..ـركه ..
فيصل : ونواف ؟؟
حلا ضبطت تنفسها الي صار سريع واخذت نفس : نواف بالدوام ..
فيصل : اهاا طيب يريت تدقي على واحد فيهم خليه يكلمني ابيه ضروري مادري وش فيهم هالايام مايردون ..
حلا ابتسمت برقه : اوكي
فيصل بملل : باي
حلا : باي ..
قفلت منو وقلبها بيطلع مع فمها من كثر مايدق .. بس ليه هوا مو حاس فيها ولا معبرها ..؟؟!؟!
وتسمع صوت خلاها تنط من مكانها : شفتتتتتتتتتتتتتتتتتك ..
حلا قلبها بغى يوقف من الفجعه : وجععع جوجو خرعتيني
جود تحضنها بقووه : ماعاش الي يخرعك ياعسل (( باستها على خدها )) كيفك ؟
حلا : تمام ..
جود حطت يدها على خصرها وهيا تدقق في وجه حلا الي مبين فيه الربكه والارتجاف : شكلك مايقول كذا ؟
حلا ابتسمت بهدوء : ليه وش فيه شكلي ..
جود : قممممر تخبلين ..
حلا : ههههههه شكرا ..
جود : غريبه بيتكم فاضي العاده نواف اربعه وعشرين ساعه بالصاله ..
حلا : هههههه نواف بالمستشفى ..
جود بصدمه وخوف : بالمستشفىىىىىى ؟؟؟
حلا استغربت ليه خافت وارتعبت كذا : ايه وش فيك ؟
جود : ليه وش فيه وش صارله ؟
حلا حست بشي غريب من عيونها : هههههههه ياهبله يداوم هناك ..
جود قعدت عالكنبه وحطت يدها على قلبها : اشوىى خرعتيني يازفته ..
حلا جلست جنبها ورفعت حاجبها بخبث : ليه خفتي عليه ؟؟؟
جود : هااا لاء بس مهما كان يعني اخوك وبعدين انا يعني مادري اشوفه دايما يعني هو اكيد يعني شي طبيعي صح ولا ؟؟؟؟
حلا : هههههههههههههههههههه بس بس خلاص مافهمت شي المهم تبين ننزل تحت ولا تجلسين هنا ..
جود : بكيفك ..
حلا: خلاص نطلع للصاله ..
طلعوا للصاله .. ويتفاجئوا بنواف دوبو راجع وطالع من الدرج ..
جود استحت كانت لابسه بادي بني ظهره كله مفتوح وتنوره جينز قصيره لفوق الركبه ..
نواف لمن شافهم حس الدنيا ضحكتله وطلعت عيونه وهوا يقز في جود من فوق لتحت .. حس قلبه بيطلع من مكانه ..
حلا اتوترت مع توتر الجو : نواف غريبه متى رجعت ..
نواف يطالع في جود : هاا
حلا قربت من عنده وسحبت يده بقوه وقالت بصوت واطي اقرب للهمس : خلاص اكلت البنت بعيونك شوف وجهها كيف صار ..
نواف انحرج ونزل عيونه من عليها : وش كنتي تقولين ؟
حلا تصك على اسنانها بقووه : مااقول شي يلا لو سمحت على غرفتك ..
نواف : لا بربك احلفي بقعد بالصاله شوي غرفتي تجيب الهم
حلا : لا ياشيخ واحنا وين نروح
نواف ابتسم بخبث ورجع طالع في جود الي مصنمه في مكانها ووجهها صار لوحه فنيه من كثر ماأتلون : اقعدوا معي ماني ماكلكم انا ..
حلا : هههههه تستخف دمك يلا نووفاااا بليز روح ترى احرجت البنت ..
نواف ابتسم بخبث ووجه الكلام لجود : جوود ..
جود بارتباك تلعب في اظافيرها ومنزله راسها : هلا
نواف بصوت جذاب : شلونك ؟
جود ابتسمت ابتسامه خفيه : بخير ... انت كيفك ؟
نواف ابتسم على جنب : احد يشوف هالوجه ومايصير بخير ..
جود عمرها ماحست باحراج ولا بخجل زي دحين طول عمرها جريئه وماتستحي بس في هاللحظه تحس رجولها ماتشيلها من الارتباك : تسلم ..
حلا ابتسمت وهيا تشوف نظرات الحب واللهفه بعيون اخوها ..
نواف : اتفضلوا ليش واقفين ..
جود طلعت بسرعه من الصاله ودخلت لغرفة حلا وهيا تلعن نواف في نفسها عالاحراج الي سببلها اياه ..
نواف بخبث : يالبى قلبك ياشيخه ..
حلا : هييييه تراني هنا ..
نواف : ادري انك هنا عادي مو اختي ولازم تعرفين وش في قلبي
حلا بتفاجا : وش في قلبك قول
نواف طالع في عيون حلا بنظرات مافهمتها : روحي لغرفتك واول ماتدخلين بتعرفين وش الي بقلبي
حلا طبعا غبيه مافهمت قصده هزت كتوفها باستغراب وراحت لغرفتها ..
دخلت على جود : ههههههه وش فيك ؟
جود : اخوك ليش بايخ كذا ؟؟
حلا تقلد صوته : خليه يطلع الي بقلبه
جود بصدمه : وش الي بقلبه
حلا بغباء: يقول اول ماتدخلين غرفتك بتعرفين وش الي بقلبي
جود حست الدم اتجمع براسها وقلبها صار ينقز من جوه قالت باستهبال : وش بقلبه مااشوف بغرفتك غير السرير والدولاب ..
حلا : هههههههههه
جود ابتسمت وقلبها يقول طربق طربنق ..

حلا : وش رايك نطلع للصاله
جود وقفت ودارت حول نفسها باستغراب : كذاااا ؟؟
حلا : ههههههه خلاص قده شافك
جود بصدمه : لا احلفي تبيني اطلع كذا ..
حلا ابتسمت وراحت تفتح دولابها : تشوز اني ثنك يو لايك ..
جود ابتسمت بهدوء وقربت للدولاب : تسلمييين ياعسسل ..
طلعتلها جينز ازرق فااتح ومقطع من الجوانب شكله مرره ستايل وتي شيرت فوشي عليه رسومات مره حلووه ..
حلا : هههههه يهبببل عليك ..
جود تدور حول نفسها : وش رايك هههه ؟
حلا : وربي قمر ..
جود طالعت في نفسها بالمرايا وابتسمت بخبث >> والله لا أجننك لا أخليك تشهق بإسمي << : تسلمين ..
غمقت الكحل الي بعيونها وطلعت مع حلا للصاله ..
حلا : اححححم
نواف رفع راسه الي كان مدخله في الجريده ويقرأ باندماج وابتسم لمن شافهم : نورتو ..
جود : منور بوجودك
نواف غمزلها وابتسم : تصدقين اول مره احس هاللبس حلو كنت اشوفه على حلا بس استغفر الله ..
جود قلبها وصل لحلقها ونزلت راسها بحياء ..
حلا حطت يدينها على خصرها : لااااااا اشوفك اخذت وجه مره صح جوجو صديقتي بعد قلبي بس مو تحشني قدامي ..
نواف : خلاص سدي اذانك فيني حشه ودي اطلعها ..
حلا تغمزله وتطالع في جود الي منزله راسها بخجل : حشه ولا كلام حلوو ..
جود وجهها حمر ورفعت راسها عشان تلتقي عينها بعين نواف الي تطالع فيها بكل اعجاب ولهفه ..........
حلا كتفت يدينها وتطق برجلها عالارض وهيا ملاحظه نظراتهم لبعض : الحمد الله ياربي وش فيكم انتو اول مره تشوفون بعض ..
جود ودها الارض تنشق وتبلعها قالت بارتباك : حلا تعالي ابيك شوي
نواف يبغه يحرجها : على وين خليكم بعد ماشبعنا من شوفتكم ..
جود ابتسمتله بثقه عكس شكلها قبل شويه والارتباك الي كان فيها كله تبخر : معليه بكلمها في موضوع ضروري
نواف ابتسم على ثقتها : قوليه هنا ..
جود : هههههه لاء سووري الموضوع خااااص ..
نواف ابتسم ورجع يطالع الجريده وقلبه وباله معاها ..
جود سحبت حلا من يدها ودخلتها للغرفه : وبعدين مع اخوك التافه هذا .. خلاص خلينا نقعد هنا ..
حلا : الحين صار تافه وتوكم بتموتون علينا انتو الاثنين ولا عبله وعنتر ..
جود ضربتها على رقبتها : اقول ضفي وجهك مو منك من الي معطيتك وجه وتسولف معك (( اخذت شنطتها )) يلا باي
حلا : وييييييييين ياهبله ؟؟
جود : خلاص برجع ..
حلا : تستهبلين انتي ووجهك خليك بلا بياخه
جود : لما اخوك يتعلم شلون يكلمني ساعتها بقعد
حلا سحبتها من يدها : جوجو لا تصيرين تافهه وش اسويله اذا هو كذا كأنه عمره ماشاف بنات ..
جود ابتسمت بخبث ولفت على حلا : بس انا غير ..
حلا عقدت حواجبها : ليه نازله من السماء ..
جود لفت وجهها وكتفت يدينها وقالت بثقه : الايام بتثبتلك ..
حلا استغربت وماعلقت عالموضوع : اقول خليك بلا غباء توك جايه ..
جود رمت شنطتها عالسرير وراحت لعند الاستريو تشغل اغنيه ..
حلا : اممم وش رايك ندق على نوفه خلها تجي مرره فللله
جود بفرحه : معاك رقمها ؟
حلا : ايه ..
جود : بس ماتعرف الطريق
حلا : ماعليك نوصفلها بيتنا مايضيع ..
جود : خلاص اجل دقي عليها ..
كلمو نوف وبعد محاولات من الاقناع اقتنعت انها تجي ..

وكالعاده لازم تضيع الطريق الف مره الين توصل لعنوان >> الحمد الله وصلت بالسلامه ..

نوف : كيفكم ؟
حلا : بخير ياعسل انتي وش اخبارك ؟
نوف : الحمد الله تمام ..وانتي جود شلونك ؟
جود : تماامو ..
حلا : اتفضلي ..
نوف ابتسمت : يزيد فضلك ..
طلعوا للغرفه ..
وبعد نص ســأعه كـذا .. اندق عليهم الباب ..
حلا : مين ..
نواف : عمك آمين ..
نوف عقدت حواجبها : عمك بالبيت ..
جود : هههههههه أي عمها انتي بعد هذا اخوها نواف السامج ..
حلا : هههه اووص لا يسمعك ..
نوف : هههههه خلينا نهبل فيه ..
حلا : حراام عليك ..
جود عجبتها الفكره : الا نووفه تعالي قوليلي وش نسوي ..
نوف بخبث : انا اعرف بس انتو قوموا خلونا نطلعله ..
نوف فتحت الباب : نعم ..
نواف استغرب هذي وش تبي : مين انتي ؟
نوف طالعت في نفسها : انا زي منت شايف بنت امووره وحليوه انت مين ؟
نواف : ههههه طيب يااموره وين حلا
نوف : موب فاضيه وش تبي ؟
نواف باستغراب : وش الي مو فاضيه ابي اكلمها شوي ممكن تقولينلها نواف يبيك برى ؟؟
نوف : اووه ياحركه اسمك نوااف .. عاشت الأسامي ..
نواف : عاشت ايامك يلا ممكن تنادينها ..
جود طلعت من الغرفه : لاء مو ممكن
نواف ابتسم لمن شافها كان حيسرح فيها وفي بحر عيونها بس ماعطوله فرصه حتى ..
جود : اممم بتناديها بس بشرط ؟
نواف باستغراب : وشو ؟
جود تغمز لنوف : امم تعشينا على حسابك ..
نواف : اييش ؟؟
نوف : وش فيك كانه قلنالك نبي ناكلك قلنا نبيك تعشينا برى ممكن ؟
نواف : لاء ماني فاضي يلا وين حلا ..
جود قفلت الباب وكتفت يدينها وطالعت في عيونه بحده : نبي نطلع ..
نواف حس كل خليه في جسمه اتشنجت من نظراتها ..
نوف ملاحظه وكاتمه ضحكتها : وين رحت يالعم امين ..
نواف انتبه وبعد عيونه بسرعه وابتسم : خلاص طيب البسوا عباياتكم وبسررعه لانه وراي اشغال ..
جود بفرح : يسسسسسسلممو ياعسسسل والله انك تجننننن ..
جود قالتها بدون ماتقصد فيها شي لانها متعوده عالكلام الحلو مع أي احد والميانه عندها طايحه على طول ..
نواف قلبه وصل لحلقه : بسـ..ـرعه ..
نوف دفت جود على جوه الغرفه وقفلو الباب وهوا واقف برى متنح ..
نوف :هههههههه شفتي كيف بغى يغمى عليه ..
جود ابتسمت بغرور .......



@@@@@@@@@@@@@@@@@@@