الجزء الاول...
((ايام الابتدائي ايام الدجه ايام السربته ))
شوق في الصف السادس ريم وتوتي في الصف رابع الابتدائي
شوق: بنات شوفو البنت هذي قاهرتني
توتي: حتى انا
ريم: من جد احسها مغروره
شوق: اووووف بس شوفو كيف تمشي
توتي: لا بعد نظراتها لنا هين بس
ريم: ياااهيه انتي وخري من قدامنا
البنت تناظر بكل استحقار لنا
توتي: هين هين الوعد في الطلعه <<حشى مو بنات
انتهى الدوام وطلعنا
على طول لحقنا البنت قبل تاصل بيتها وقفناها
<<المشكله طريق بيتها يختلف عن طريق بيتنا بس ماعلينا اهم شيء نسوي الي فراسنا
توتي: ايه تعالي لي يابعد سبدي
ريم: ياحيوانه وش هذي النظرات لنا
شوق: انتي قدهااا
البنت اجلسة تهايط
ريم تعطيها كف البنت بترد الكف ونقب كلنا عليها
ويالله الي مستلمه شعرها ولي تعضها ولي ترفسها
لين وكلناااها تررررراب
وبسم الله علينا بعد ماخلصنا هوشه دخلنا البنت لبيتهم مع شنطتها وسكرنا الباب
رجعنا للبيت وحنا نحس بأنتصار عظيم وحسينا اننا شيء خطير
في البيت
دخلنا بكل برائة الطفوله وكملنا يومنا مثل العادهـ
من بكره رحنا للمدرسه وحنا رافعات خشومنا
يوم دخلنا في الطابور تنادي المديرهـ بالمايك وتقول الي تسمع اسمها تجي
شوق فلان الفلاني
ريم فلان الفلاني
تهاني فلان الفلاني
طلعنا لها مشو الطوابير رحنا معها للمكتب مالها
قامت اهواش فينا وجايبه البنت عندها
وتقول ليه تضربونها وش هذي الفوضه حشى مو بنات عن عشر رجال
عيب عليكم انتم بنات ومدري وش قالت بعد هذا الي اذكره هههههههه
عطتنا ملافاتنا وصفت البنات طابور في الفسحه وعلمتهم عنا
وطلعتنا وحده وحده
المديره: تم فصل البنات المذكوره اسمائهم الي تسمع اسمها تتقدم هي وملفها شوق فلان الفلاني
شوق تطلع وتاقف هي وملفها وترجع
المديره: تهاني فلان الفلاني
تهاني تطلع هي وملفها وتطلع
المديره: ريم فلان الفلاني
تطلع ريم وهي تضحك وتضربها المديره انتي بذات عن عشر رجال <<ماسكه على هذي الكلمه هع
وطررراخ على راسهااا
ريم من الخوف تسكت <<عقب ماتكفخت
المهم انفصلنا يومين يوم الثلاثاء والاربعاء
المديره: انتم بكره لا تجون مفصولات يومين وخلو امهاتكم يجون وعطونا خطاب
نزلنا من عندها وحنا رايحين لفصولنا في قمت الونااااااسه
شوق: وناااااااااسه عطلنا ماعندنا دراسه بكره وبعده
ريم تركض من قو الونااااسه
توتي: ايه اشوا تعبت اقوم الصبح
رجعنا البيت علمنا الاهل هاوشونا وراحت امي وخالتي ام توتي للمدرسه من بكرهـ
المهم انه انتهى في غيابنا يومين وكتبو تعهد اننا مانكررهـ .
وبعد اسبووووع
جايه عندي اختبار علوم
شوق: اووووف ماذاكرة والله المعلمه تهاوشني قدام البنات
توتي: تستاهلين انتي كسلانه
ريم: وش تسوين الحين
شوق تجلس تفكر اممممم الباب فاتح !!!
توتي: اي فاتح تونا داخلين
شوق: طيب نبي نهرب من المدرسه
ريم: ههههههههه
شوق: اتكلم جد بهرب
توتي :يالله قدام
ريم: خلونا ناخذ اشناطنا
اخذنا شناطنا توجهنا للباب طلعنا شوي نشوف الوضع
الحارس دخل لغرفته
انا وريم وتوتي حطينا رجولنا وهربناااا
ومانتبه لنا
شوق :هههههههههههه وناااسه هربنا
ريم:صرنا مثل العيال
توتي: ليش عندك شك انك بنت
شوق وريم:هههههههههههههههههههههههههه
رحنا للبيت طبينا من الجدار بعد محاولات فاشله لين اقدرة ريم تطلع وتفتح الباب
الشغاله الحيوانه علمة ابوي علينا
وكلناها ضرب لين ماقلنا اححححححي وقلنا خلاص معاد نعيدها
بس رجعنا وسويناها في ايام الاختبارات هربنا ولحقنا الحارس بس ماقدر يمسكنا ^_^
ووقتها تبنا نرجع للبيت وقعدنا نصيع في الحاره وكل مكان رحنا له ولما جاء وقت الطلعه رجعنا للبيت
وفي نهاية العام الدراسي وقربة الاختبااارات
وفي ايام الاختبارات النهائيه
كنا حنا وصديقاتنا نعبي بالون ماي واذا فتح الباب يوميآ
عند المسجد تقب حرب بين البنات و الاولاد
اماني:شوق ساعديني شوفي ثنين يحذفون علي
شوق تمسك بالون وطررررخ في وجه الولد
الولد طالع فيني بكل حقد ووده يضربني مسك بالون وطررررخ على ضهري
حسيت بالام موووو طبيعيه بكيت وقتها وجو يسكتوني كلهم
شوق:مابي مالي شغل حنا كنا نلعب بس هذا يضربني جد
الولد: اسف بس انتي الي بديتي
ريم:اصلآ هي ماكانت تقصد
شوق:خلااااص بطلنا معاد نبي نلعب معكم
توتي: انا مالي شغل ابي العب
شوق تناظر لتوتي بنظرات حقد
توتي: لا خلاااص انا مع شوق
من بكره رجعنا ولعبنا معهم من جديد لين نهاية الاختبارات
وفي يوم من الاياااام...
ريم: بنات حنا دايم نطلع من المدرسه يأذن المسجد ليش الحين لا
شوق: مدري
توتي: يمكن المطوع نايم
ريم: امشو ندخل
دخلنا المسجد في قسم الرجال
المسجد مافيه احد غير واحد ناااايم
ريم تمسك المايك وتشغله وتجلس تأذن
ريم: الله اااااكبر الله اكبررر ياناس صلو حرام عليكم
شوق وتوتي:هههههههههههههههه
ريم: قد قامت الصلاااااه قد قاااامت الصلاه
شوي الا المطووووع داخل علينا بالعصى
البنات :اااااااااااااااااااا<<صرخه هع
وقام يلحقنا بالعصى وحنا خاااايفات وهربنا الحمدلله بدون اصاباااات
وصلت السالفه ابوووي بس جلس يضحك وقال لنا عيب ولاعاد تسوونها