 منذ /02-01-2013, 04:21 AM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  باركولي..بنت الاكابر ..صافيناز..تدعم ..فايبو..في مسابقة الجمال والجملات..
القصه ومافيها ياحبايب فايبو اللي بيكرهوه لوسمحتم اقلبوا الصفحه انوه ابن جيراننا لؤي عنده اسطبل للخيول وفيه عنده جمله الجمله انثى الجمل جميله جدا وعيونها بقريه وملونه خضرا وكول مره لما ازوره اجيبلها معايا كبتشينوا وفوشار والغريب انها بتاكلوه وتشربه ولما سالته ليه مخليها في الاسطبل قاللي عشان العمال احيانا يستخدموها في العلف والمويه اللي بيجيبوها للخيول وحكاني كمان انها من سلالاه نادره بيقول انو ابوها وامها قبل مايتوقفوا كانوا مضرب مثل في الجمال والقوام وانوه امها كان الحليب حقها فيها طعم غريب كانه سكر وبيشفي من امراض كتييره وانوه انعرض عليه فلوس كتيير عشان يبعها بس هوا رفض ماعلينا ياصوحابي الجمله هادي اسمها صافيناز اصلوه صاحبي من النوع اللي يحب يسمي خيوله كول حوصان او حوصانه عنده ليها اسم صافيناز زي ماقولتلكم تحوبني كتيير من اول ماتشوفني في الاسطبل تطلع صوت وتركض ناحيتي وتوقعود تحرك وشها في وشي وانا بمسح بيديا الكريمتين على خدودها واشربها كبتشينوا واكلها فوشار واحينا لو كنت فاضيي اجيب لي ورغوة صابون فراوله واقعود احممها فجاه نطت بنافوخي فكره قولت لصاحبي لؤي ايش رائك اشارك بيها في الكرنفال اللي اسمه روقيبه هادا اللي بنسمع بيه حقون الجمال والجملات قالي شوف يافايبو ان عندي تحفظ على الاسراف والتبزير عن هادا الكرنفال بالاضافه الى انوه نوع من انواع التخلف اللي ربنا ماانزل بيه من سولطان والا انتا يافيبو هو كاد بيدلعني بتعرف ايش قد انا احووووووووبك قولتله شوف يالوي انتا كمان بتعرف انوه انا كمان بحوووبك كتيير لكن انا عندي فكره ليه ما اشارك بصافيناز في هادا الكرنفال والجائزه اللي راح احققها وانا متاكد انوه المودومزيل صافيناز لسى ماتجوزت بجمالها الاخاذ ونسبها العريق راح تكسب واتبرع بتمن الجايزه في برنامج توعوي ضد هادي السبههله اللي بتصير في المسابقه الناس طلعوا القمر وهادولي انواع المسخره زفره زفره ساخنه وقالي ارجوك ماتحرجني قولتله نسال صافيناز دحك وقالي اهبل انتا قولتله نسأل طبعا على باله انوه خلاص فونش الموضوع جاب صافيناز وقالي شوف ازا قالت ايوه فخدها معاك وربنا يوفقك قولتله بس كيف اعرف انها موافقه قالي ازا غمضت عيونها تغميضها بطيئه وفتحتها معناته موافقه وازاء فرت رقبتها والزبد بيوخرج من فمها معانته غير موافقه قولتله يالله وووووووه وطبعا نتوا عارفين انو فايبو واد فتك وزكي كتيير قبل مايسالها شربتها مومكا دبل وسالها ويالله موش معقول المفاجأه انها وبخجل غمضت عيونها وسرخت سرخه كبيره سرخة نصر وقولت هيا هيا وانها بحض رقبتها وهيا بتعمض وتفتح ادعولي انوه افوز بالمركز الاول واشارك في محو هذه المسابقه المتخلفه بكول ماتحمله من افرازات عنصريه واستدعاء لماضي التشرذم والتناحر والتفاخر المقيت والاسراف والتبذير الذي يزجره الدين الحنيف بمساعدة بنت الاكابر صافيناز على فكره راح اخصص موقع على ال لدعم صافيناز همتكم ياحبايب فايبو اللي بيحوبكم كتيير
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |