اجلس مع الرجال كلهم عايشين مرجلة في كل شي الا أنا. ما فيه احد اعرفه الا عنده ارض وعمارة وتجارة وبيع وشرا وفلوس وسفريات واللي متزوج اكثر من وحدة سوءاًداخل المملكة او خارجها. كل صيف هو في دولة ويركب احسن سيارة ويسكن احسن فله وعنده عماير واراضي وبيوت ومنصب وراتب صح ودخل ثاني غير واتبه شغل مقاولات وعقارات ودراهم وكل واحد يتكلم عن مزرعته واللي يتكلم عن استراحته
احضر الزواجات واجلس مع ربعي مطخطخين فلوس وعماير واراضي واستراحات ومزارع واللي دوبه جاي من سويسرا. واللي يبني ويبيع شقق تمليك واللي عنده عمال ومصانع وتجارة
واحس اني بينهم صدقي وعلى نياتي وما دخلت دنيا راتبي متواضع وتوظفت بالف كلفة وكلفة وتزوجت بالقوة ويوم زواجي متسلف سيارة ماهي لي لانه ما عندي سيارة ولا عندي وقتها جوال. وما طلعت شهر العسل برا. وما قدرت اسكن في فندق سكنت في شقق مفروشة. وما املك ارض ولا قد ميكت صك شرعي. واشتريت سيارة كرت وانا عمري40
سنة. ومااقدر اجيب شغالة واذا جبتها اشيل هم ونص راتبي ديون
وكنت افكر ان المرجلة بالشنب اناري المرجلة بالجيب والدراهم. وصادق من قال مافيه مرجلة مع الفقر.
وادخل السوق وينهشوني الهوامير واتعلق زي الذبيحة في المسلخ.
دوبني افوق من غيبوبتي واكتشف اني
ماني رجال. مسكين من بيتي لعملي ومن عملي لبيتي والراتب ما يكفي الحاجة.
وكنت افكر الشعب مثلي. طلع الشعب السعودي ولد نعمة مكيشين على بلاوي متلتلة زرقا وهبر من الدراهم وعلومهم علوم.
ذلحين يجي واحد مدعرم ويقول حسودي.
لا
ماني حسود لكن شكلي بانعزل عن الرجال واجلس مخدد في البيت هذا قدري ما هو قدري اجلس مع الرجال اهل المراجل.
بجلس بحالي. لين تجيني المنية.
تستطيع المشاركة هنا والرد على الموضوع ومشاركة رأيك عبر حسابك في الفيس بوك