منتديات شمس الحب - عرض مشاركة واحدة - بالصور : أسعـار الخضار والفواكه في سوق الجملة بالرياض

بقايا عشق · منذ /11-20-2015, 04:45 AM

بالصور : أسعـار الخضار والفواكه في سوق الجملة بالرياض

السلام عليكم

توجهت صباح أمس إلى سوق العزيزية للخضار ، كنت اسمع عن هالسوق وكنت متوقع الأسعار مقاربة لأسعار التفريد .. قلت أروح اشوف بما إني فاضي .. اكتشفت انا مسروقين
أسعار محلات أبو يمن و الهايبرات .. ما أقول دبل .. إلا 4 تدبيلات

صليت الفجر وتوجهت للسوق .. كنت أحسب إني مبكّر .. سألت وقالوا البيع يبدأ من 2 إلى 3 الفجر
أتوقع لو حضرت بدري كنت باخذ بأسعار أقل
ما أطيل عليكم .. هذي الصور من السناب وموضح عليها الأسعار :

بالصور أسعـار الخضار والفواكه الجملة بالرياض

بالنسبة للورقيات ببلاش إلا شوي :
كيس ملوخية فيه عشر ربطات بعشرة ريال ، وكيس بقدونس بـ 12 ريال

لفت نظري كثرة العمالة ، كل اللي في السوق أجانب .. ما حصلت ولا سعودي .. والبركة في تجار الفيز حسبهم الله ونعم الوكيل

إذا تبي تروح .. ضروري تدخل سيارتك في المجمع .. ياخذون عليك 10 ريال رسوم دخول عشان تتقضى على راحتك
المشكلة ممنوع تدخل بعربيات زي اللي عند بنده لازم من عرباتهم نفس اللي في الصورة
والعربات ماخذينها العمال قبلك .. واضطريت اعطي الحمّال 15 ريال عشان يشيل المقاضي

نقطة أخيرة :
لا تنغر بحجم الأكياس .. وزعت على الأهل والجيران وباقي الثلاجة مليانة
إذا تبي تتقضى لبيتك بس .. ما انصحك ، روح على أساس تتقضى لأكثر من خمس بيوت

الموضوع الأصلي: بالصور : أسعـار الخضار والفواكه في سوق الجملة بالرياض || الكاتب: بقايا عشق || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: سلة المحذوفات والمواضيع المكررة

fhgw,v : HsuJhv hgoqhv ,hgt,h;i td s,r hg[lgm fhgvdhq