السلام عليكم ..

أولاً : أسأل الله العلي القدير ان يرزق هذا الرجل من واسع فضله وان لا يريه مكروه في حياته ويسهل أمره ويجعل أبناءه من أفضل خلقه ..

ولد عمي مسافر من مكة للرياض بأهله ( حضور دورة) ..
قبل الرياض بــ 40 كيلو وقفت عليه السيارة فجأة وكان وقت الصباح، حاول فيها ومافي فايدة ( كأنها تقول له انسى اني أشتغل) ..
مكان وقفته كانت فيه مزرعة ويخرج منها رجال ذيب أسأل الله ان يبارك له في أبناءه وذريته .. يوم شاف الرجال متعطل ومعاه أهله على طول عطااااه سيارته وقال له خذ راحتك ووقت ما تنهي أمورك اتصل عليه وانا اجيك محل ما تكون في الرياض علشان اخذ سيارتي .. وفعلاً توكل على الله ولد عمي بالسيارة على الرياض ..
وصاحبنا حمل موتر ولد عمي العطلان بسطحة وعلى اقرب ورشة جزاه الله خير
ولد عمي دق على الرجال بعد العصر ووصف للرجال عنوانه ..
جاء ولده ما شاء الله عليه واخذ سيارة ابووه واخذ ولد عمي معاه للورشة وسيارته لاقيها جااااهزة وكاملة ومغسلة والكامل وجه الله ..
ولد عمي مسك ولد الرجال وراح للورشة بيشوف بكم مكلفة طلع الرجال دافع كل شي ويرجع للوالد ويلاقيه مروووح (موصيه ابووه الله اعلم)
دق على الرجال بيقابله بيعطيه حقه مافي اي فايدة والرجال ما يبغى منه إلا دعوة في ظهر الغيب ويقول ان اي واحد متعطل في الطريق هذي سواااته معاااه فجزاه الله الف خير وبارك الله فيه .. سبب ذكر الموضوع اني والله دعيتله من قلبي بدون ما اشوفه ولا اعرفه واكيد منكم مثلي بيدعيله ان الله يبارك له في ذريته

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

ail ,thvs rfg hgvdhq fJJ 40 ;dg, >>