تل قلبي تل جمسا تله اللي مارفابه
نطحه عرقا وراء لزام من دون العدامة
خايفا من طيحته والموت بعيون الرقابة
والحمولة جايرة والليل مايدفي ظلامه
صادرا حكمه قبل يقبض على حضرت جنابه
والفقر ملعون وعظامه ماتقربها الرخامه
ماوراه الا عجوز وعود وصغارا تشابه
والمصيبة بينه ومن بينهم زرق اليمامة
دفله في ليلا اسود سرمدي ماينسرابه
بين بيبان الرجاء والياس تشفيرة نظامة
يوم هلهل بالسلامة والخطر عقب ترابه
لو نجاته من مصيره ماضمنها بالسلامة
حولوا مثل السباع ان حولت من حد لابة
خمس دوريات مقصدهم ومطلبهم عدامه
قبل ونة موتره ونة فواده من عذابه
عاف من عمره وشاف الموت من خلفه وامامه
دف له لين القزوز اقنيبها مثل الذيابة
والبساتم والمكينة صوت رعاد الغمامة
فوقهن
شجعان ماهابوا من
طبول الحرابة
كلا
يحاول يجيبه بالشجاعة من حزامه
ضرب كاش أكلوف فوقه مثل همّال السحابة
بالغصب دون الرضى حوّل بريضان الندامة
شاف قبل ايموت همّه والنكايد من صوابه
في عيونه جاه حرب اشنع من حروب الرغامة
السبايب تختلف وهمومي لمّه تشابه
من هجوسن نون عيني غرق في غبة حيامه
مااستلذيت السعادة والهناء ساعة غيابه
في بحر حبه غرقت بتهلكة تسعين قامة