السلام عليكم
يوم الجمعه رحت للمسجد أصلي
ولما رجعت لقيت سيارتي الثانيه مصدومه أمام البيت
صدمه مؤثره على الرفرف الامامي ومكسورة الشمعة الاماميه والاشاره الجانبيه
تقريبا تصليحها يكلف 1000 ريال
المهم انا قلت حسبي الله على هذا اللي صدم سيارتي وهرب
وقلت يمكن سيارة البلديه !
اليوم رحت للسوبرماركت واجهت كومار سايق ابواحمد جارنا
قال : هااااه بابا انته يتصل على هذا حرمه يصدم سياره مال انته ؟؟
فرحت بكلماته الجميله ههههههه
قلت اي حرمه ؟؟
قال هذي بنيه فيه سياره يوكن يصدم سياره مال انته !
بعدين انا يشوف امس الساعه عشره بالليل!
انا يقول لازم انته يعطي رقم تلفون ... وهو يكتب رقم
ويحط فوق جااام مساحه
بعدين انا يقول لازم يشيل نمبر سياره
هذا رقم ....... ؟
مشكور ياكومار ماقصرت
الحين يا اخوان الرقم حق السياره عندي
هل اكلم جيراني بما انها ضيفه عندهم ومتعشيه كباب من مطعم ايراني ......! ؟؟؟
عارفين قصدي ..... طبعا الاذكياء فقط!
او اروح ابلغ الشرطه عن الصدمه واعطيهم رقم السياره ؟؟
اتمنى تعطوني الحل الأنسب ؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك