السلام عليكم ورحمة الله وبركاته
اتصل فيني صديق عزيز وطلب مني أن اكفله بمبلغ 100 الف ريال محسوبه عليه بحوالي 140 الف
ليكمل تشطيب بيته
الرجل انسان متعلم ومحترم وسبق وان سلفته مبلغ 10 الأف ورجعها في الوقت المحدد
وانحرجت صراحه منه مابي اكفل احد مهما كان
قلت بيني وبين نفسي ودي اوقف معه ولا ودي اوهق نفسي بمبلغ 140 الف ومدري وش يصير
المهم كلمته قلت الكفاله اعذرني انا حالف ماكفل احد لو كان اخوي وانا عارف وضعك ولذلك ابي اوقف معك بمبلغ 20000 ريال سلف ودبر عمرك سلفيات من معارفك افضلك من القروض وتركب فوائد على نفسك
المهم قال بيض الله وجهك وان شاء الله خلال شهرين هي عندك والحين راح فوق سنتين والرجال من سنتين توه ساكن البيت المهم كل ماكلمته قال اصبر ماعندي شي ومن هالكلام
قلت ياخي انا ماخذت عليك لاورقه ولاغيره واثق فيك وقلت لي خلال شهرين وهي عندك وطول سنه كامله ماكلمتك بعد السنه كلمتك وراحت سنتين وعليها ولاسددت
لكن تووووووووبه بعده اسلف احد مهما كان
الناس ماعاد توفي
تستطيع المشاركة هنا والرد على الموضوع ومشاركة رأيك عبر حسابك في الفيس بوك