القصيدة الي
منها البيت المشهور
ربعك لمنك شفتهم
صاروا احزاب
وتشاورو بالعلم والراي دونك
القصيدة :
(لزابن محمد آل عمار الدوسري)
وإليكم القصيدة كاملة فاستمتعو بالتنقل بين زهورها العبقة:
أن زان لـك وقتـك تخـيـر بالأصـحـاب ..
وان شـــان وقـتــك كـلـهـم مايـبـونـك
أن جيتـهـم قـامــو يـحــدّون الأنـيــاب ..
وان رحــت عنـهـم بالقـفـا يشذبـونـك
لا أدبـــرت دنـيــاك والـحــظّ مـاطــاب ..
الـنـاس لا مــن طـحـت مايرحمـونـك
أهل السيوف اللـي يقصّـون الأرقـاب ..
أمّــــا كـفـاهــم واقــعــك يـظـلـمـونـك
لا تـامـن العـقـرب ولاتـامـن الـــداب ..
الـسـمّ واحــد لا رقـــا فـــي مـتـونـك
يـاجـاهـل الـدنـيـا ودورات الأســبــاب ..
أعرف ترى من خـان غيـرك يخونـك
لو كان لك ربـع(ن) مواليـن واحبـاب ..
لابــدّهــم عــقــب الــغــلا يـنـكـرونــك
وقـت(ن) يشيّـب بالمخاليـق مـاشـاب ..
أســأل رجــال(ن) جـرّبــو يخـبـرونـك
واحــذر تـخـاوي كــل هـافـي وكــذّاب ..
أهــل الـــردى بطبـوعـهـم يطبـعـونـك
أرفـع مقامـك عـن ردييـن الأنـسـاب ..
لـو شفتهـم فــي حضـرتـك يمدحـونـك
فارق ثراهم وارق فـي راس مرقـاب ..
أبعـد عـن الـلـي لونـهـم غـيـر لـونـك
خــلاّن مــال ومالـهـم ربــع واقــراب ..
لا قــــلّ مــالــك عــدّهــم يـكـرهـونــك
أعتاض فيهـم مـن طويليـن الأشنـاب ..
الـلـي الـــى مـــال الـدهــر ينفـعـونـك
لاصـكــتــك دنــيـــاك وافـــتـــرّ دولاب ..
بــانــت مـواقـفـهـم ولا يـرخـصـونــك
هــذا رفيـقـك مــن قريبـيـن واجـنــاب ..
ذخـرك وهـم فــي واجـبـك يذخـرونـك
عنـدك قريبيـن (ن) ولـو قلـت غـيّـاب ..
علـى صـدى صـوت النـدى ياصلونـك
ياللـي سمـعـت العـلـم لاتفـتـح الـبـاب ..
لاتنحشـر فـي شــي مـاهـوب شـونـك
ربعك إلى من شفتهم صـارو احـزاب ..
وتـشـاورو بـالــراي والـعـلـم دونـــك
لاتـبـدي بـرايـك عليـهـم ولــو صـــاب ..
لو صحت باعلى الصوت مايسمعونك
ومـن لاحسبلـك لاتسـوي لـه حـسـاب ..
لو كان يسوى وحدتن مـن عيونـك
تستطيع المشاركة هنا والرد على الموضوع ومشاركة رأيك عبر حسابك في الفيس بوك