أساسا : لو أن السوق مافيه نسب تحت هسترة وتجميع وتصريف ونسب فوق واهبال وتدبيل وهذا يفلّس وهذا يدبّل و...الخ.
كان أول من يتركة أنتم !!!
تخيل كل الأسهم مثل شركة فالكم او شركةالدوائية سعرها لايتغير كثيراً
41 ريال تقعد 4 سنوات تنزل ريال وترتفع ريال فقط
كل اللي بالسوق عندهم خبرة بس يضيعون اذا شافوا النسب الخضراء
الطمع يضيع ماجمع
والمتداولون كلهم يعرفون ان السهم الفلاني مايستاهل نسبتين متتالية او خمس ...لأنهم عارفين على ماقال القوالة ... الطبخة .
ومع ذلك يغامرون ثم يشترون
وبعد مايخسرون ويتعلقون يبدأون بلوم أنفسهم أولاً ثم الصياح والنياح والهيئة ماعنده سالفةووووو...الخ
طيب اللي دخل تهامة ب80 ريال وباع فوق 200 المئتين هل تتوقعون أنه سيذهب للهيئة يعطيهم الربح ويقولهم أنا ربحت ربح غير منطقي ماأستاهل
خذووووه مني ومشكورين!!!.
السوق كله مخاطرة والجميع لديهم خبرة كبيرة .
ولكن كي لاتخسر ....
وضع تلك المعلومة في ذهنك :
مهما كنت خبيراً في السوق لابد أيضا أن يساندك الحظ الجيد كي تكسب
والأرزاق موزعة و كلها بيد الله سبحانه وتعالى ولن تأخذ إلا ماقسم الله لك .
ونصيحتي للجميع وأنا قديم جدا في السوق من أيام الاشعارات يعني أيام إذا اشتريت ماتبيع إلا بكرا إذا جاء الإشعار تستلمه من موظف بالصالة بعدين تبيع عام 1415هجرية
:
والنصيحة هي لمدمني تداول الأسهم الذين يخسرون أكثر مما يكسبون والذين تنقص رؤس أموالهم بمعدل 5% أو أكثر شهرياً :
أخي :
لاتضارب بأكثر من 30% من رأس مالك
واتّجه إلى أي مجال غير الأسهم لعل الله
قد كتب لك رزقاً فيه .
فوالله ثم والله ستعرف طعم الحياة بعد أن تهجر شاشة التداول أو تخفف من مقابلتها أو متابعة السوق
فما ورائها إلا ارتفاع الضغط والنرفزة
وفقدان الراحة الحقيقية والتفكير حتى في الصلاةوكثرة الزعل وهواش الأطفال والحريم والملل من العيشة
راح العمر في متابعة الشاشة وليتها على سنع كلها خساير في خساير .
جرّب .. كلامي .. أغلق هذا الباب بقدر ماتستطيع
شهر واحد أو شهرين أو أكثر ... يمكن تنفتح لك أبواب رزق كثيرة
كم لك وأنت تتابع وتخسر في السوق
ومع ذلك مازلت مصرّاً على البقاء
فجلوسك في السوق وبرأس مالك كله
من صالح الهوامير.
ولا تنس الصبر والرضا بقدر الله عز وجل وقيام الليل والدعاء وطاعة الوالدين كي يستجاب دعائهم لك .
أغلب مدمني الأسهم والخساير تكون أجمل أيامهم الخميس والجمعة !!
تدرون لماذا ليس لأنها أيام إجازات
إنما لأن السوق مغلق والمخ ماعليه ضغوط يعني مرتاح نوعاً ما.. حتى يأتي يوم السبت الساعة 11 صباحاً عندما يفتح السوق تجد الموظف تارك العمل ولا يدري يرجع أو يقفل الجوال ويفكر وش يقول لمديره في الغد !! هذا إن داوم!!
وأنا أسمع أن كثيرا من الشباب فصلوا من العمل بسبب غيابات وإدمانهم على شاشة الأسهم .
أنا ولله الحمد من عام 2006
بعد نكسة الأسهم مستحيل أضارب بأكثر
من 20% من رأس المال .
عموما أنا ماودي أطول عليكم وسأتابع الردود أو الأسئلة وأرد عليهابالحال
تحياتي وتقديري للجميع
المواضيع المتشابهه 
نصيحة من أخيكم ... (( الأخطبوط )) بخصوص السوق والأرزاق والخساير والنسب وووو....الخ 
العرض العادي
