فيه مجنون طمر فوق قبة مسجد وقال سأنتحر جات الحكومه وتجمعوا الناس وحاولوا اقناعه بالنزول بلا فائده أخيرا جاء مجنون ثاني وقال أعطوني منشار وانا احل لكم المشكله أعطوه منشار وأخذه وجاء اسفل القبه وبدأ يحدها بالمنشار فصاح المجنون اللي فوق خلاص خلاص سأنزل ونزل وانتهت المشكله
كونك عضو في هوامير فهذا نجاح رائع لك
وثباتك في هوامير لسنه فأكثر هذا يدل انك إنسان ناجح مميز وفلته وتتأقلم مع كل الضروف
ولو وضعناك في الربع الخالي لن تهلك
لماذا هذا التميز ولماذا أنت غير كل الناس ؟ هناك عدة أسباب / 1/انت من شعب 90 % منه نفسيه وتتعامل هنا مع شله 100% نفسيه وتحملك نفسيات تتنفس من تنفسها فيك يعتبر إنجاز عظيم
2/ التقيم لك ولإخلاقياتك وصدقك ومروءتك ووفاءك وحتى رجولتك تقيم لحظي ولا يوجد شي إسمه (رصيد أخلاقي لك) يغفر زلاتك تغلط تأكل على راسك وفي صلاة الظهر يصلون ويدعون لك وفي صلاة العشاء يقبرونك ويدعون عليك
3/ الحصانه مطموره ويا كبر شقحة الطامر وحتى صاحب المنتدى أجبروه يوقِف نفسه
4/ كل الأعضاء يطبقون ظاهرة( التتابع المصري) فإن قدر الله عليك وكتبت موضوع فإن نجاحه مرتبط بإول( نفسيه ) يرد عليك فإن ربي طرحك بواحد مثل الفاضل طريد فأعلم أن كل الردود ستأتي على وزن رده ومن ظلم نفسه وأراد أن يدافع عنك فسيتم توزيع الطوب بالتساوي بين رأسك وكاتب الموضوع
5/ عندما تكتب الف موضوع ويضعون مربعين تحت معرفك مثلي وتضن أنك معشوق الجماهير ثق تماما انك إن دخلت السجن منسي وإن عدت لن تجد مرحب وهذا إحباط عظيم لا يتحمله إلاالبؤساء مثلي وشرواي
6/ هناك صفه يتحلى بها أغلب الأعضاء وهي انك تجده يبادلك الود فتره ثم يصد عنك بلا سبب.. يهجرك شهر شهرين وفجأه يصفقك بالمشعاب:hawamer5512 ولا يذكر لك السبب وعندما تسأله / وش فيك علي ؟ وش جاك مني؟ يقول لك / إسأل نفسك:hawamer5712 وعندما تسأل نفسك تحتار نفسك!:hawamer3312 وترجع وتسأله ثاني / يرحم أمك وش جاك مني يرد عليك بثقل ويقول / تذكر قبل شهرين لما رديت عليك بموضوعك وطنشتني ! ( إخرب كيفك يانفسيه )
7/ القلوب هنا طيبه ولكن العقول مرتبطه بالأسهم والأسهم في نزول ولهذا انت في حاجه ومع كل موضوع تكتبه ان تقول انا رجل سني أصلي مستقيم..
للأسف أن إساءه الضن فينا كلنا ومؤشر إحترامنا لبعضنا منخفض جدا وإن كان هذا إفراز لتدهور الأسهم ولكن هذا ليس لنا بعذر
يا إخوان أجمل شيئ في قسم الاسهم السعوديه انه لا يوجد به نساء ولو أردنا النساء نعرف بأي قسم نتبطح وبعض الهروج مالها داعي ولكن خذوها أو خلوها انا وربي تعبت والله والله والله ويسألني ربي عن هذا القسم لاتوجد لي علاقه بإمرأه في المنتدى ولا حتى في السعوديه كلها ولو أردنا لوصلنا وإن كذبت فيما قلت عسى ربي يفضحني دنيا وأخره إذا أتاك الجرح وضن السوء والظلم من رجل لايعرفك تقدر تبلعها ولكن إن جاك الجرح من رجل يعرفك من سنين.. فالله حسبي وحسيبي
المواضيع المتشابهه 
نفسيـــــــه نفسيـــــــه أنتــــــم شعـــــــب نفسيـــــــه 
العرض الشجري
