رحت أشتري عشا
وكالعادة خرجت من المطعم حصلت واحد مقفل على سيارتي
شغلت سيارتي وجلست أقلب في الجوال حوالي خمس دقايق
وبعدها أخينا وصل
وكالعادة سمعني الكلمة المشهورة ( معليش )
لكن هذي المره وعلى غير العادة مارديت عليه
مليت وانا أسمعها وكل مره
أسوي فيها أخلاق وأقول ( لا عادي بسيطه )
ركب سيارته ودق ريوس
وبعد ماخرجت سيارتي من الموقف
وقف مكاني ورجع للمطعم
وانا لفيت من الحاره ورجعت بسرعه وقفلت عليه
وقطعت الشارع العام المقابل
فيه واحد يبيع قصب السكر
سحبت كرسي وطلبت كاسه
وجلست أراقب الموقف
بعد دقايق طلع صاحبنا من المطعم
وقف عند سيارتي ثم راح لسيارته
دق بوري ... يتلفت يمين ويسار
رجع للمطعم يدورني
طبعا مالقاني
وراح للبقاله اللي جنب المطعم
وخرج خائبا ً يقلب كفيه
ارتسمت على وجهي ابتسامة الثأر
ولكنها لم تكتمل .. بعد برهة من الزمن
((( الله يعينكم شوي عامي وشوي فصيح ))
المهم
السيارة اللي كانت جنب سيارته طلعت
وقعد يحاول قدام وورا لغاية ماطلع سيارته
بغيت أصوره لكن خفت يطلع مشرف في المنتدى
بصراحه : حسيت بالندم شوي بعد ماراح
خفت يدعي علي
لكن من جد خلااااص طفشت من العالم اللي ماعندها أحساس