اخواني اعضاء الموقع والشريطية الحلوين تعالوا اعلمكم كم يعطيك البنك اذا بغيت تقدم على قرض عقاري
وكم نسبة الفائدة وكم راح تدفع كامل وكم راح يخصم عليك البنك ومتى تسدد حسب الراتب.
نبدأ براتب اقل من خمسة الاف ريال وهم الاغلبية الساحقة اللي تمثل 65% من المواطنين !!!!!
لاتحلم بقرض عقاري لان البنك يبغى عميل هو بنك موجمعية خيرية
نجي للي راتبه خمسة الاف تتوقعون كم يعطيه البنك 408000 ريال كان المبلغ يجيب شقة اليوم مايجيب شيئ ممكن يجيب لك قيمة ارض سعر المتر فيها 800 ريال لكن راح تسدد فيه طول 30 سنة ولا راح تبنيها ولا حتى تحلم ببنائها المبلغ اللي راح تسدده كل شهر 2500 الف على مدى 30 سنة المبلغ الكامل اللي بتسدده بالفوائد 900 الف ريال يعني اذا شريت شقة راح تشتريها بـ 900 الف ريال
اللي راتبه 6 الاف ريال البنك رح يعطيه 489600 ريال تجيب شقة ولمن تأخذ القرض راح تسدد كل شهر 3 الاف ريال المبلغ اللي راح تسدده على مدى 30 سنة 1080000 ريال
اللي راتبه 7000 ريال البنك يعطيه 564200 ريال تجيب له شقة لمن تأخذ القرض راح تسدد كل شهر 3500 ريال المبلغ اللي راح تسدده على مدى 30 سنة 1260000
نختصر للي راتبه 10 الاف ريال البنك كم يعطيه 816000 ريال وش تجيب هذي غير شقة او ارض مايقدر يبنيها لان اللي ياخذ هالمبلغ راح يسدد هالمبلغ على مدى 30 سنة
اللي ياخذ قرض على راتب 10 الاف راح يسدد 5000 كل شهر تتوقعون كم المبلغ اللي راح يسدده اللي يأخذ 1800000 ريال مليون وثمانمائة الف ريال
جميع من ذكرتهم بأعلاه اذا اشتروا اراضي ولافي الاحلام يقدرون يبنونها اذا كان عندهم اجار والخيار الوحيد لهم شقة اذا كانوا يقبلون بالعيش كامل العمر في شقة
نجي للي راتبه 15 الف هو المستهدف الان لدى الشريطيه البنك يعطيه قرض 1224000 ريال
مليون ومائتان واربع وعشرين الف
هذا يقدر يبني منزل لكن كيف هذا الشخص اذا اراد شراء منزل كاش الان مافيه والمليون ماتجيب له بيت الا بيت عمره فوق 20 سنة او ان هذا الشخص يجمع كم سنة من راتبه 7000 ريال على مدى 6 سنوات بعدها يقدر يشتري ارض كاش
ويلجأ للقرض في حال البناء لكي يتخلص من الاجار لكن كم نسبة الفائدة بعد مايأخذ القرض
البنك راح يستقطع من الراتب حدود 7500 الف لمدة 30 سنة
المبلغ اللي راح يأخذه البنك بعد 30 سنة 2700000 ريال الفائدة اكثر من مبلغ القرض اذا تلاحظون
2700000 ريال - 1224000 ريال = 1476000 ريال مبلغ الفائدة 1476000 مبلغ القرض 1224000 ريال
واحسبوها على كل قرض مقدم بالله عليكم هذي عيشة تصير مديون طول عمرك ماينزل الراتب
الا خصموها عليك من قبل ماتشم ريحة الراتب
ملاحظه البنك اذا بيعطيك راتب يحسب كم عمرك الان يعني اللي عمره 50 سنة المبلغ راح يقل عليه
البنك يبغى يضمن حقه وزود
يعني لو واحد راتبه 15 الف وعمره 50 سنة ماراح يعطونه مليون
__________________من قول