بقايا عشق

الابيات التاليه مجارات لقصيدة زميلنا الفاضل نديم المجره اللي يقول فيها

( ياقايل(ن) تكفـى بتكفـى شقـينـا = ياما لاجل تكفـى لقـينـا المضــرات )

-------------------------------- اقول :

تكفى بتكفى ليه اعدت السنينا = اللي مضـن بخيــرهن والمعــانــــات

وشجاب تكفى من بعد مانسينا = صـدت زعل ماهي بصـدت ضعافـات

نتوب عن تكفى ونقول اكتفينا = هيهـات يالفزعــات هيهـات هيهــات

وليا سمعنا تكفى ماكنا اكتوينا = بنـارالمعاريـف اللي ثمرهـا ملامـات

يجيـبـنـا الطيـب غصب ٍعلينــا = وهـــذا بلانـــا يـانــديـــم المجـــرات

والله عراقي شيعي يالمسلمينا = رد السلـف من داره رغم المسافـات

مبلغ ما ردوا نصفـه الاقربينـا = الا وصـار اسبـاب صــد وقطـاعــات

لجل الوصل ياكم بذلنا وسعينا = ولابى مخاليص ابى شوف القرابات

الأجر من الله ولا لغيره رجينـا = واللي لوجــه الله بـاقــي ولا فـــــات

وماضاع بالدنيا بالآخره يجينا = الضامن الله رب الارض والسمـوات

مير البلا من منهـج القاطعينـا = اللي معـــه تحتـــار كـل الدراســــات

وقت اللزوم منزلك قلب ٍوعينا = وبعـد اللزوم جـزاك منـه المطمـــات

اقولها من واقـع حـال مبتليـنـا = وعن تجربه باهل الطبـوع الرديـات

عن الردا يمنعنا عرف ٍ ودينـا =وعن الردا تمنعهم السيوف الحديدات

والله يا لولا رب ٍلجلـه عطينــا = منـا ومنهم تشبع النسور المجيعـات

لكـن الصبـر زيـن والله يعينـــا = ومن لا صبر مـا فـاز الا بخســارات

حال ٍ ومال وشماتة الشامتينـا = والصابرين فـازوا بخيــر ومســرات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

,iJJJ`h fghkJJJh dJhkJJ]dJJJl hgl[JJJvhj