اللي يملك ارض عمياء ومسوي فيها هامور عقار وجاي يمتحنا هنا بالمنتديات او مواقع التواصل الاجتماعي اقول لك هاردلك حبيبي والا قام اوفر انتهت اللعبه ولبسوك الطاقيه بس عساها زري مزركس حتى تضبط مع التعليقه المشكله فيه بزارين مايملك 50 ريال ويتحدث باامور العامه وان العقار ماهو نازل وهو مايعرف كيف طريقة شراء او افراغ الارض فقط يقهق في المجالس بمالايفقه الطفره انتهت فاز من فاز بها واللي اعماه الطمع الان يبحث عن اسعار قبل مايحصل نصفها هناك تاجر يقول انا ماني محتاج شريت الاراضي ب20الف ووصلت الى دبل 30 مره ولابعت ولاني بايع اقوله انت خسران لوبعت بالقمه الان ترجع وتشتري بنصف سعر بيعك وانت تشرط بعد والا اترك الصكوك عندك وشل ترابك على ظهرك ادخل فيه القبر ولكن قبل ماتشيله ادفع حق الله عليك من زكاته لاتلعب على ثاني ركن من اركان الاسلام جعلك للفقر وادفع للدوله رسوم لان هناك فرق بين الزكاة المشروعه والرسوم المفروضه واسأل اهل العلم يفتونك يعني تدفع 2.50للدوله وتدفع ايضا 2.50زكاة وهذا بينك وبين ربك انت اللي تبي تحاسب عليها يوم القيامه ماهي نافعتك الدنيا تبي تموت ويااخذونها الورثه ويمكن يدعون عليك بعد يقولون الله لايرحمه عنده هذه الاموال ومحسرن فينا وفوق هذا دعوة المسلمين عامه اللي يقولون اللهم ضيق على من احتكر مناب المسلمين وضيق عليهم اللهم ضيق عليه في الدنيا والآخره
العقار الان انتهى عزوووووووف كامل من المشترين والتاجر اللي يشتري الان يشتري وهو خايف مايدري وش يصير بهذه الدنيا هناك مساهم في شركة مكه للتعمير كان السهم يتداول فوق الف ريال وسأله احد المتداولين قال ياعم انت عندك منزل قال لا مااملك منزل قال شوري عليك بع اسهمك تصفي لك قيمة فله وكان العقار وقتها نازل بالحضيض فرد المساهم لا ماني بايع قال ياعم ترى اسهمك تبي تنخفض اسعارها وانت الان محتاج منزل قال اذا نزلت اسعارها نم قال نم ياعم نم والان اسعارها بعد التقسيم ماتلحق 500ريال بعض الناس ماعنده راي بعض الحراميه الكبار يحاولون ايجاد مصادر تمويل للمواطن عن طريق البنوك حتى يقدرون يصرفون عقاراتهم حلال حرام ماهو مشكله اهم شيء قرض ونهرب فقط لان هذا تراب ستعود اسعاره للتراب في مملكه مترامية الاطراف وفي وقت انتهت معه الطفره بشكل مفاجيء مع انهيار اسعار النفط والصوره الضبابيه الجيو سياسيه بالمنطقه فالكاش يستطيع الشخص يتحرك معه يشتري ذهب اسهم سيارات لكن العقار انتهى امره حتى التجاري اغلب الشقق والمحلات الان عليها لوحات للايجار ولاتجد مستأجر ولو عمرت ارض تجاريه متى يرجع لك راس مالك بعد 20 سنه وبعد عشرين سنه تحتاج الى صيانه بنصف الايجار وكم عمرك بعد عشرين سنه يمكن انك مت او اصبحت شايب ماتقوى على الحركه في النهايه اسعار العقار السابقه انتهت الى الابد ولايوجد احد يشتري نهائيا واي شخص سوف يشتري الان سيندم غدا لانه سيجد اسعار افضل اتركو الهوامير تدفع الرسوم سنه وسنتين وش وراكم صبرتو سنين عاجزين عن سنتين
في النهايه اسأل الله العلي القدير بكرمه ومنه ان يغنيننا على منة البشر وان يهدينا الى صراطه المستقيم وان يسلط على كل محتكر من هو اقوى منه ويجعل فقره بين عينيه وصلى الله وسلم على نبينا وحبيبنا وشفيعنا محمد وعلى آله وصحبه أجمعين
المواضيع المتشابهه 
العقار انتهى الطفره انتهت رضي من رضي وغضب من غضب والأيام دول بين الناس 
العرض العادي
