اسمعوا السالفه
سنه من السنين كنت في الثانويه ناجح من ثانيه تقدير ممتازونسبه 100%
حنا في الديره هاك السنه
نضوي من المدرسه وتسرح عند البهم
والخميس احمل الدستن طليان اوديهن انا وأبوي الله يرحمه نبيعهن
ثم نتقضى مقاضي وضرمه للغنم ونصدرالديره
وحالتنا طيبه لا نخاف من خساره ولا نخاف نفلس
هموم الدنيا ما نعرفها
عدانا قرص مجرفه وسمن وحليب
احيانا نسوي رز عشاءندهنه بسمن
ونأخذ لباء من العنز الوالد
المهم مره من المرات رحنا السوق
الا وان شركة تابوتا علي دربنا مسويه اعلان تبي
موظفين قلت البوي ابي اشتغل قال و وحلالنا من يشتغل فيه
قلت اخواني انا خلاص كبرت يابوي
قال طيب المهم اشتغلت انا وزميلي عندهم في الصيف كانت الاجازه طويله اشتغلت شهرين بس في المحاسبه
عند هاك المصري
الي بهذلني
مره ارسلني قال رح جيب طعميه. جبت كبده ثم
قام علي انا ماعمري شفت طعميه ولا اعرفها
ارسلني اجيب ميرندا ماعمري شفتها كتبتها في يدي حتى ما انساها
المهم انتهت الشهرين أخذت الراتب
1800ريال حق شهرين
فرحان قلت ابي اروح السوق اشتري ساعه
الا وان عمي مر علي انا كنت ساكن عند اخوي الكبير عسكري
عمي معه ونيت فرت هاف
قال اركب ركبت
راح عند الماقفه سوق الغنم
مدري وش يبي
يوم نزلنا في السوق الا وان ثنتين من الغنم
تعجبني واشريهن من 800
خلصت الفلوس ما شريت ساعه
رحنا الديره
وجبت غنمي سمر دفع
غنمنا بيض حطيتها معها
ولدت ودارت الايام وأصبحت نسلها تريد عن خمسين
بعت وانبسطت
انا خلصت الثانويه سافرت الرياض
اقدم في الكليه الامنيه وكلية الطب الي تجي عاد
المهم خليت الغنم والديره
وانا طالب بالرياض فتحت محل عطورات
أخذت حرمتي معي لان أبوي زوجني وانا صغير في المدرسه
وإلحاحه ان الاختراع
جمعت فلوسي وفتحت المحل
والحمدلله مكاسب طيبه
تخرجت وبعته وانشغلت بالوظيفة
ألي هنا انا سعيد ومبسوط ونسيت البداوه
ونسيت الغنم والدستن وجملنا ابو هران
حمار جدتي
والعجوز الي تضحكنا دويده ام الصيبان
وسافرت برا المملكه
يوم رجعت وانا اسمع بالأسهم
وحط فلوسي فيها وتطير
بعدما اغروا الناس ووصلوا الموشر عشرين الف
ومن عرفت الاسهم ما عرفت الربح
ماكنت اعرف خرق الاعصاب الا معها
وعرفت ان الي يبي السعاده
يبتعد عن سوق الاسهم
وتذكرت ان مهنة الأنبياء الغنم أفضل مليون مره من الاسهم
حيث انك ما تكسب الا علي حساب اخر
نعم كأنها قمار
هذه علمي وسلامتكم
والفصه طويله بس اختصرناها
المواضيع المتشابهه 
انا والأسهم والغنم والوظيفة ومحل العطورات 
العرض الشجري
