في صالة إبن حمران لِكبار الكروش الكل منا مـدْوووش الكل منا مـربوووش الكل منا مـخروووش الكل منا مـفقوووش الكل منا مفروووش الكل منا ممروووش ويصيح من أخر الصاله رجـلٌ يُدعى( قحشت وما نحشت)قائلاً/ يا ربعي هل فيكم رجل نجى هذا اليوم من المرش؟ فنرد كلــنا / لابددددن ثم يعود ليسألنا قائلاً / إذا كنا كلنا ممروشين فمن المارش ؟ فيقول مدير الصاله / المارش هو صانع السوق فنصيح كلنا / أين الصائع المارش هذا لنجعله تحت أقدامنا ؟:hawamer6512 فيرد حكيمنا (وهو رجل سبعيني طلق زوجاته ثم أخذوه لشهار ثم جاءونا به ) ويقول/ الصانع لا يُرى بالعين المجرده الصانع تراه في كل راس مفقوش الصانع إذا تفاءلنا أعمانا بالرش وإذا تجحفلنا فإنه لإسهمنا يحوش
كان أخر عهد لي بالسعاده في هذه الصاله كان أخر عهد لي بالنجاح في هذه الصاله كان أخر عهد لي بعقلي في هذه الصاله
وفي أخر يوم لي بهذه الصاله وفي أخر لحظه لي بها كان هناك رجلُ مُهيب رزين (وليس فينا رزين) محفظته تستطيع أن تشتري حارتنا بل وتشترينا كلنا المهم هذا الرجل متزن جدا في صاله مرجوجه ونادراً ما يبيع أو يشتري وكنت أسترق النظر له وأتعجب لإتزانه إذا نظر لي أصد عنه رهبة من ثقل محفظته وثقله على الأرض أعرفه ولا يعرفني والرقم الذي قرأته في محفظته لم يعلمونا قرأته في المدرسه فهو رقم نادر ولا يفترض ان نحتاج له صاح الرجل من أخر الصاله قائلاً/ يابو سعد يابو سعد :hawamer3312 رفعت رأسي ونظرت للجدار الذي أمامي منفصاً وقلت في نفسي ولنفسي / ويلاه الملاين تناديني من وين عرف إسمي؟ ونحن شعب طيب مثل جحا إذا وضع أحدهم يده في جيبه قلنا سيعطينا فلوس! وإذا نظر لنا ملياردير إستبشرنا وكلنا كلنا نحلم بلقاء الوليد المهم إنخرششششت وطنشششت فعادت الملاين وصاحت قائله/ يا تاكسي ياتاكسي رفعت رأسي ونظرت للجدار مبتسما وقلت لنفسي / الحمد لله ما يقصدني أكيد إنه يقصد المجنون السبعيني وعاد الرجل وبصوت عالي جدا وصاح / يابو سعد يا تاكسي تعال تعال رفعت راسي غاضبا ونظرت له مكشراً وقلت / أنا .. أنا قال / إيه إنت تعال ياخوي ! إخرب بيتك أنا تاكسي:hawamer4112 توجهت له وانا مقسوم قسمين / قسم علوي زعلان منفص مكشر تمثله عيناي وقسم سفلي يعرج من رهبة الملاين تمثله قدماي وقفت أمامه وكأني تلميذ مجتهد وقلت له وبحزن / أنا تاكسي !:hawamer3112 فقال بصوت عالي/ إيه تاكسي توك تدري !:hawamer0012 قلت له / لا مدري نورني ؟ قال /كل اللي في الصاله مسمينك تاكسي ومايقولونها بوجهك !:hawamer1912 قلت بصوت خافت/ ليه تاكسي :hawamer3112 قال / الله يهداك من يبدأ التداول وانت ما تجلس ! كل شوي وأنت معدي من قدامي مسرع ورايح تنفذ طلب ! جلست حزيناً وقلت له / فعلاً انا تاكسي إبتسم وصاح(وهو رجل صياح) وقال / ماعليك يابو سعد شفت هذولي كلهم؟ نظرت لهم مكشرا وقلت /إيه الله يقلعهم ويقلع معرفتهم قال / هذولي كلهم تِــكاسي شرواك ! قلت له / شرواك الطيب:hawamer4112 قال ضاحكاً/ بس إنت ماشاء الله عليك يابوسعد الهندي اللي شغال عليك يطلع 600 باليوم :hawamer3912:hawamer3912 ههههههههههههههههههه ضحكت من قلبي على نفسي وفعلا وصف بليغ جداً وفي محله إقترب الملياردير الصياح مني وشممت في غترته رائحة دهن عود مجنونه وشعرت بدوخه ياويلي دهن عود جذاب من روعته لو ان الرجل قال لي / هات بوسه يابوسعد ! لطمرت في حضنه طمراً طميراً
المهم نظر الرجل لعيناي وقال / يابو سعد أنت اصغر محفظه بالصاله وإنت أنشط محفظه بالصاله وإنت أكبر محفظه محققه خسائر بالصاله وحالك مقطع قلبي ! عندما قال عبارة (مقطع قلبي) توسعت حدقة عيني وقلت لنفسي الرجل أتى بهذه المقدمات وناوي يصكك بشيك ! أوطأت راسي خجلاً وصرت أغازل بالنظر يداه وأقول لها وهي لا تسمعني / متى ( تدخلين) في جيب جحا ؟ ولكن الرجل إستكثر علي الفرحه 5 ثوان وقال / سأعطيك يابو سعد نصيحه تساوي ملاين ! الله لا يسعدك ولا يسعد ابو سعد بعد كل هالمرمطه وتاكسي وأصغر محفظه وأفقر واحد .. أخرتها نصيحه ؟ قال لي الرجل كلاماً أقسم بالله العلي العظيم لو أنني نفذته لإسترجعت الأرنب الذي طمر من شنطة التاكسي وتركها مفتوحه وأقسم بالله إنني سوف أزوج هذا الأرنب وسوف تتكاثر الأرانب عندي قال/ قِـم بِــع أسهمك الفِطسه وخلك كاش وحذاري تدخل السوق أو تتابع توصيات! ناظر المؤشر وبس ! ولما يهبد السوق بسبب أو بدون سبب إنتظر حتى تشوف المؤشر - 90 نقطه وإشتر بنص السيوله وإن زاد الهبوط زد ولا تنتظر لباكر مع أول إرتداد وهمي إحذفها بخشته ! خلك كاش وإدخل السوق مرتين بالشهر وأنا أضمن لك تسترجع كل خسارتك
وقفت مبتسماً وانا رجل خجول وتشكرت من الرجل وقلبي منه مكشر وخرجت من الصاله وأنا ناسي وتحولت بعدها إلى ليمو المطار السريع ثم أتيتكم هنا وإنقلبت إلا حنطور سابتكو
مضى على هذه النصيحه قرابة العقد ومع كل هبوط للسوق أتذكرها وأنا متعلق وأقول / خلاص غدا سأنفذها وأبيع وأبتعد وعند الغد تجد ابو سعد بكل جد وإجتهاد يبيع ويبتعد ويخرج من سهم عسفان ليطمر في قديد ولم يسجل التاريخ قط نزولا وأبو سعد كــــــــــــــــــــــــــــــــــــاش ! إنبراااااش أبدي ما تعرفش ليه