لڪَي ٺٺمڪَن من آلمشآرڪَة معنآ عليڪَ آلٺسجيل من هنآ

يمنع وضع الصور النسائية والأغاني والنغمات

http://www.x2z2.com/up/uploads/13328416481.png

الإهداءات

« آخـــر الــمــواضــيــع »
         :: عمليات التنحيف (آخر رد :ضياء الروح)       :: عمليات التنحيف (آخر رد :عمر تاج الدين)       :: طريقة طهي السمك فى القلاية الكهربائية (آخر رد :داليا علام)       :: زوجة الاب جنه او جحيم | التاريخ الاسود لزوجات الاب (آخر رد :essroo)       :: كيو سليم اقوى منتج تخسيس (آخر رد :جنى ميرو)       :: قانون الجذب والتخاطر - كتب تنمية بشرية (آخر رد :essroo)       :: خرافة الأبراج وعلم التنجيم | علم الفلك (آخر رد :essroo)       :: تنبؤات ادجار كايس - إدغار كايس عراف أم رجل خارق (آخر رد :essroo)       :: خرافة وصدمة الاسد ليس ملك الغابة | حيوانات الغابة (آخر رد :essroo)       :: الحل المثالى للتخسيس (آخر رد :جنى ميرو)      


 
العودة   منتديات شمس الحب > «®™§¤§ منتديات شمس الحب الأدبية §¤§™®» > قصص - روايات - حكايات
 

قصص - روايات - حكايات لطرح القصص والروايات الخيالية و الحقيقه و الكتابات الخاصة " ذات العبرة و الفائدة ", القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,

 
 
 
LinkBack أدوات الموضوع إبحث في الموضوع انواع عرض الموضوع
قديم منذ /02-15-2012, 12:35 AM   #1

mody30 غير متواجد حالياً

 رقم العضوية : 61731
 تاريخ التسجيل : 10 - 2 - 2012
 المشاركات : 435
 الحكمة المفضلة : Egypt
 SMS :

Male

افتراضي وحيدات في القصر

أنا : mody30





(( وحيــــــــــدات في القصــــــــــــر ))

سُـكّـان بدارالغربة والأجر مدفــــــوع
نسرح ونمرح بيـن سجّـه ولـــــــذات

والجو صافي بين خضره وينبـــــــوع
وأمي بسموم الولــه وبلا إجــــازات

صار سفرنا كنّه مثل حبّة الكــــــوع
وجمع الحبايب سابع المســـــتحيـلات

بس دارت الدنيـا .. وجا وقت الرجـــوع
ورجعة بنـــاتك بتــنهي كل المعــــانات


آخر أيام شهر رمضان المباركـ


فتحت عيوني بتعب .. وللحظات ماعرفت أنا بأي زمن ؟ بأي وقت نهار ولا ليل شتاء ولا صيف .. حسيت كني بدوآمة وجسمي مكسر من التعب .. اتقلبت وشديت اللحاف على جسمي آه شهالبرد ؟؟
للحين احنا بالشتاء ؟؟
رجعت أفتح عيوني مره ثانية .. وصدمت عيوني بشنطة السفر عند الباب .. وأغراضي مبعثره بالغرفة .. وشوي شوي استوعبت أنا وين ..
وان البرد هذا من التكييف المركزي !
ياربي شفيني .. ؟!
هذا بيتنا الي بالسعودية ..
بيتنا بامريكا أساسا مافيه مكيف لأن الجو بارد على مدار السنة .. !
احنا بالسعودية الحين مو بامريكا ..
لميت الغطا علي كن هالخاطر خوفني ورجت أغمض عيوني ..
واستوعبت شالي متعبني .. هذا السفر الي هد حيلي انا وخواتي البارحة ..

غمضت عيني وانا أسترجع رحلتنا الطويلة 17 ساعة من متشقن على نييورك ومن نييورك على السعودية ..
شي يصدع الرآس خصوصا مع صجة خوآتي الي ماقصروا خبال وضحك طول الطريق مع إنهم كانوا يبكون بمطار نييورك !

لكن مع شروق وشمس وقمرا .. بتشوفون العجب !
يلا الحمد لله أبوي وعَدنا ماعاد نمسك هالدرب الطويل ونسافر مره ثانية ..
وأخيرا استقرينا بعد الهجولة الي عشناها طول عمرنا
وأبوي اهو الي بيجي ويزورنا كل سنة


" شعــــاااااع .. شعاااااااااع .. "

صوت صراخها من ورى الباب اخترق أعمق مسآآآمعي !
بسم الله الرحمن الرحيم هذي شصحاها الحين ؟؟

طالعت الساعه لقيتها 2 الظهر .. أوووبس !!

والله انا الي شالي منومني للحين !!

" شعاااااع فكي الباب كسرت جوالك ماتردين "

لازلت مغمضة عيني ويوم سمعت طاري الجوال اتذكرت ورميت اللحاف وقعدت ادوره على الكوميدينا مالقيته .. بالأخير لقيته تحت مخدتي شكلي نمت وانا أقلّب فيه ..
صح حسيت فيه يرن كم مره بس ماكان فيني حيل أرد !

مسكت جوالي وطالعت وانصدمت لما لقيت 18 Missed call
5 من شمس
3 من شروق
و2 من أمي .. وناسة امي داقة علي مرتين !

والباقي كله من هالمزعجة قمره ..

طنشت كل المكالمات ودقيت على أمي ..
قمت من السرير وانا افرك عيوني وأرتب شعري بإيدي وأتنحنح وطالعت شكلي بالمرايا مادري شدخل شكلي بمكالمة أمي بس كذا ودي أتأكد ان كل شي تمام وانا أكلم أمي..

ردت أمي : هلا والله ..
قلت : أهليييييين يمه معليه يوم تدقين انا نايمة ..
أمي : نايمين للحين ماقمتوا صليتوا ؟
سكت شوي .. نصلي .. ؟؟ اه الا الا صح احنا برمضان لازم نصلي !
وحضرتي توني متذكرة ان احنا برمضان اسم الله على مخي بس لحد يصكني عين ..

قلت وانا أحاول ما أتلعثم : خواتي الظاهر صحوا بس انا والله حاسة جسمي مكسر ونمت مو دارية عن عمري ..
أمي : اسم الله عليك حبيبتي خلاص مابقى شي على الفطور .. ارتاحي الحين واذا أذن افطري وخذيلك مسكن ..

" شعااااااااااع انا ماصحيتك عشان تحاكين بالجوال !!! افتحي الباب بسرعه "

قلت : لحظة يمه هذي قمور رجتني من صباح الله ..

مشيت وفتحت الباب إلا قمره داخلة وبإذنها الجوال وتقول : ساعه عشان تفتحين ؟؟؟
طنشتها ومشيت وانا أسمع أمي تقول : شفيها قموور ..
قلت : مادري عنها مستخفة على صباح ربي

قمره والجوال باذنها : وبعد أمي مادري شعندها أدق عليها يعطيني ويتنق وتطنش وماترد

أمي تضحك : هههههههههههههههههههههههههه قوليلها انك تكلميني عشان كذا مارديت عليها
قلت : امي تكلمني ياخبلة !
قمره بصوت واطي مصدوم : هذي امي الي معاك ..؟؟
قلت : ايه ..
قمره انفعلت : هاتي الجوال بالله ..
ومشت وبلحظة صار الجوال بايدها
بسم الله شلون خطفته مني ؟؟ ضحكت عليها وأنا أشوفها تناقز واهي تكلم أمي وتركتها ودخلت حمام غرفتي وأنا أسمع لجتها .. ضحكت عليها هذي متعلقة بأمي حيييييل
مع انها مع انها أقل وحده مننا عاشت مع أمي !

خلصت ويوم جيت أطلع اتذكرت كلام أمي يوم تقولي عن الصلاة !
يالله خليني أكسب أجر لو مره وحده بحياتي .. اتوضيت ومادري ان كان وضوئي صحيح او لاء !!
لأن بيني وبينكم مادري متى آخر مره اتوضيت !!

طلعت وألاقي قمره تقول بفرحه : صدق ؟؟؟؟؟؟ متى طيب ؟؟؟ لالا يمه تعالي الحييييين ؟؟؟ ايه نبيك الحين تجين .. !! يووووووووه كيفه عاد قوليله بناتي جايات من السفر شتبي انت ..
ههههههههههههههههههههه ايه قوليله شتبي .. ههههههه ياحليلك يمه طلعتي مؤدبة !!

طيرت عيوني فيها هذي شلون تقول لامي كذا ؟؟ بس شفتها تضحك عرفت ان امي ضحكت لها أمي حنونة وطيبة وتتحمل كل الي يجي منا ..
ليتنا مافارقناها !

سكرت قمره وقالت والفرحة بعيونها : أمي بتجي تفطر عندنا ..
قلت : جد ؟؟ اهي قالت ؟؟
قمره واهي تقلب عيونها : لا أنا طلبتها وقلت مانبي نصبر للسحور وقالت ماقدر أرفض لقمورتي طلب
قلت : قمره مايصير تحرجين أمي دامك تدرين انها ماتقدر ترفض لك طلب ! يمكن جد صعبة عليها تجي !
قمره : وليه صعبة ان شاء الله ؟؟ يعني مو كفاية أمس ماجتنا وانا اتوقعت أشوفها أول مانوصل كله بسبب أهل زوجها الي بلطوا عندها بالبيت وهم دارين ان احنا بنجي .. !
قلت : أوكي وانا ماقلت شي .. انا بعد أبيها تجي واتضايقت انها ماجتنا أمس بس خليها تجي منها أحسن
قمرا : لا حبيبتي أنا مافيني صبر .. يلا بقوم أجهززز
وطلعت تركض

::

طلعت من عند شعاع وانا مستانسة وسمعت صوتها من وراي تقول : قمووور صحي شروووق وشمس وقوليلهم ان ماما بتفطر عندنا
شقيت الضحكة وأنا متحمسة أفاجئ خواتي بجية أمي .. وبنفس الطريقة الي دقيت فيها باب شعاع قبل شوي .. دقيت باب شروق وأنا أصارخ " شرووووووق شرووووووق "

بس اتقاجأت لما فتحت الباب شمس وشكلها مصحصة والغرفة مبين مرتبة كأنهم صاحين من زمان .. أو كأنهم ........ !
دخلت وانا أقول : Good after noooooon
شمس وإهي ترمي نفسها على السرير : توكم تقومون ياعيني عليكم؟؟
قلت : وانتوا متى صحيتوا ؟؟
شمس وراسها تحت المخده يالله أسمع صوتها : مانمنا .. مواصلين
قلت : مجانين انتوا بالله ماتعبتوا من طول السفر ؟؟

شمس ماردت يمكن نامت وشروق هاللحظة طلعت من الحمام ماخذه شاور وتغني بروقان ويوم شافتني جت قعدت جمبي وكالعادة باستني واهي تقول بصوتها الحنون : شلونك ؟
قلت بفرحة : مستااااااااانسة
شروق بضحكة : دايم يارب بس شعندك
قلت : أمي بتفطر عندنا
أنا اللي أذكره اني كنت أكلم شروق بس مادري شلون شفت وجه شمس قبالي كيف قامت ونطت بثانية مااادري وقالت : من جد ولا تستهبلين؟؟
قلت : والله جدددددد قوموا اجهزوا وصحصحوا تو كلمتها قالت جاية
شروق : حبيبتي ماما بس يارب ماتجيب معها زوجها
قمره وإهي تضم ايدينها على صدرها: انا ماهمني شي غير أشوف مااااماااا وبس ..
شمس بحيرة : تتوقعون اتغير شكلها !
قلت : والله سنتين مو قليل بس يمكن احنا اتغيرنا عليها أكثر ..
قمره : يالله ممممتى تجييييييييييي ..
طالعت الساعه وانا بعد أحس ودي أقدم الوقت بسرعه عشان تجي أمي ..

شمس اتربعت على الأرض وسندت ظهرها على السرير وقالت والنوم بعيونها : طيب احنا مانمنا شلون بنتحمل نقعد لين الليل كله منك ياشروووووق ابلييييييس
شروق : لا والله ؟ محد ضربك على إيدك وقالك وآآآآصلي معاي غصب عليك
شمس : انتي تسوين أشياء مغرية مآ تخليني أنام
ضحكت على شموس وقلت : شقعدتوا تسوون طول الليل أمانة؟
شروق وهي تفتح المنشفة من شعرها : قعدنا نستكشف أرجاء قصرنا المحترم ..

وقبل ما أرد عليها دخلت شعاع علينا وتقول بابتسامة : شفتوا أمي بتجي تفطر عندنا ؟
شمس بدلعها الي يذبحني : ايييييه بس احنا مواصلين شعاااع
شعاع : ماشاء الله عليكم روحوا اشربوا ريد بول صحصحوا
شروق : ايه وبعدين ننوي الصيام من جديد مثلا؟؟؟
شعاع : ههههههههه أستغفر الله نسيت
ضحكنا كلنا وقمت سحبت إيد شعاع وقلت: تعالي قوليلي وش ألبس ملابسي كلها بالشناط وحايسة
شعاع واهي تمشي وراي : حلو اللي عليك لا تغيرين
قلت وانا اطالع بلوزتي : لا أستحي ..
حضنتني شعاع ومشينا لغرفتي وإهي لامتني وأنا أحس بقربها كنها أمي وأحس إني أحبها أكثر من نفسي

::

بصراحة فرحت بجية ماما بس مجرد تفكيري ان زياد بيكون معاها يخليني اقول لاتجي أحسن ! زياد زوج أمي محد منا يحبه لأنه أخذ أمنا مننا .. صحيح احنا الي سافرنا عنها وعشنا عند أبوي بأمريكا بس كانت إهي تفكيرها كله إحنا وبس
ومن اتزوجت هالزياد أحس صار لها عالم ثاني يفصله عن عالمنا تضاريس وهضاب وبحور وكل شي صعب يوصلنا لها ويوصلها لنا ..

التفت على شمس الي اتمددت على البلاط بالأرض وقلت : شموس ودي أرسل لماما مسج أقولها تجي بروحها بدون زياد
شمس : .....................
مسكت جوالي ورحت للرسايل وانا اقول : ها شراايك ؟
شمس : ...........
كتبت الرسالة وحفظتها بالمسودات وقمت وانتبهت ان شمس نامت على البلاط وغطست بالنوم بعد
ياحبيبتي كسرت خاطري .. انحنيت ومسكت ذراعها وقومتها ووقفتها إلا طاحت علي وطحت أنا وهي على سريري
دفيتها وأنا أقول : الشرها على الي يحن عليك وربي
شمس ابتسمت ابتسامة مسرع ماختفت وردت نامت

قمت وغطيتها باللحاف ورحت أشوف خواتي

وقفت عند السيب وشفت قمرا وشعاع قاعدين عند شناط السفر يحوسون بالملابس وهالشغلة بالذات أنا مالي خلقها ..
بس حسيتهم من جد مستانسين .. شعاع أكبرنا وقمور أصغرنا بس كلنا مابيننا فرق كبير بالأعمار .. شفت قمور وهي مابقى بلوزة ماطلعتها وشعاع معطيتها وجه ياحبيلها
اما أنا ماخطر ببالي أغير لبسي اللي علي ..
وبيني وبينكم هالشورت الي لابسته ...................

"شروووووووووق هذا شووورتي الي لابسته يادوووبا "

ضحكت بصوت عالي يوم صادتني قمره ومشيت عنها
قمره : وتضحكين بعد يادوبا ؟؟ افصخيه لا توسعينه بعدين هذا مو حق بيت عشان تعدميلي هو

مشيت عنهم بس لحظة !! استوقفني كلام شعاع وهي تقول لقمره : حبيبتي على بالك شورتاتك بتلبسينها هنا بالسعودية ؟؟؟
قمره ببرائة واضحة : ايه وليه لاء !
شعاع : لاياعمري ترا الوضع بالسعودية غييييير .. لبسنا بيكون غير وطلعاتنا غير ولازم نتحجب وكل شي بيتغير فينا ..
رجعت لهم وانا مسرعه خطواتي وأقول: أكره هالازدواجية صراحة !! بأمريكا نسوي الي نبي وهنا لاء ! بعدين أبوي قال خذوا راحتكم وماعليكم من أحد ..
شعاع : تعرفين تفكير ابوي شلون بس مو معناه ان كلامه صح .. ! خلاص احنا بنعيش بالسعودية على طوول لازم نعود أنفسنا على وضعها ..
قمره : يعني تبيني بهالحر الي بهالبلد .. ألبس بانطلون طويل وبلوزا طويلة وأطلع ؟؟؟
شعاع وإهي تدور اصباعها حولين راسها وعيوني داااايرة معها : وعباية وطرحة بعد !!
شفت الصدمة بوجه قمره وقالت : وانتوا يوم جيتوا قبل 8 سنوات لبستوا كذا ؟؟
أنا وشعاع بنفس الوقت : طبعــا !
وكملت شعاع : انتي كان عمرك 10 سنوات والي بعمرك حتى واهم هنا مايلبسون شي
لكن احنا كنا كبار انا كنت 16 وشروق 14 وشمس 12
ضحكت فجأة :هههههههههههههههههههههههههههههههههههههه
قمره باستغراب : شفيه ؟؟
قلت : اتذكرت يوم لبسنا العبايات والطرح وكانت ذي أول مره تطخ جلودنا .. اتذكرت أشكالنا واحنا مو عارفين نلمها زين ولاحنا عارفين نلف الطرح .. الناس قبل ماتطلع تقعد على المرايا تزين شعورها واحنا نقعد سااااعه على المرايا نلف بطرحنا ..
شعاع واهي تضحك : بس هالناس بأمريكااا مب هنااا
قلت بصراخ : أمرييييييييييييييييييييييكااااااااااا
دفتني شعاع تبي تسكتني وقالت : حاولي تنسينها ياحلوة لأن حتى بابا نقل منها ..
قلت وانا فيني الصيحة : مادري شلون باتعود على السعودية
شعاع قامت واهي تقول : يلا قمور ارسي لك على بر وش بتلبسين ؟

سحبت قمره فستان كان حلو عليها لون خربزي كت وميدي وشفت الراحة بعيون شعاع أكثر من قمره ..
قلت : وانتي
شعاع : شفيني؟
قلت : وش بتلبسين؟
شعاع : ياناس ترا أمي هذي والله أمي ليه مكبرين السالفة ونلبس وما نلبس !
قلت : لا أنا عااادي مراح أغير
شعاع : شروق تكفين غيري .. ماتدرين يمكن يدخل زوجها وتعرفين ماما بتتضاااايق اذا شافك بهاللبس
شعاع خاطرها عندي بالدنيا نطيت عليها واهي اخترعت وبستها مع خدها بقوة خلتها تصرخ وتقول : ببببااااااااااااااااااس
ضحكت وقمت رحت لغرفتي وسكرت الباب ..
وفورا على سريري .. دفنت نفسي جمب شموس وماظني تميت دقيقة إلا وانا نآآآيمة

::

طلعت أقول للخدامات يزيدون الفطور .. ويضبطون الطاولة دام أمي بتفطر معانا ..

وبعدها دخلت أخذت لي شاور ويوم طلعت اتذكرت اني ماصليت ! هذا وامي موصيتني ..
بس تعالوا الحين بصلي بإيش ؟؟ مافي شراشف صلاة بهالبيت .. اتذكرت العباية الي لبسناها يوم وصلنا السعودية .. الحين هذي وين ألقاها بين كل هالحوووسة .. نبشت الأغراض يمين يسااار وأخيرا لقيتها مدفوسة بين الشناط والحوسة ..
سحبت العباية والطرحة ولبستهم .. الا اتفاجأت بالسؤال الثاني وهو كيف القبلة ؟؟
ضحكت وأنا أدور بغرفتي ..
الحين شلون بعرف ؟؟ أسأل مين عن القبلة !!
هالقصر الي شراه أبوي قبل كم شهر وسلمنا احنا مفاتيحه واحنا أول مادخله
إحنا وخداماتنا ..
أدق على أبوي باستراليا وأسأله مثلا ؟؟؟
لوهلة كنت بافصخ العباية ولا صلاة ولاهم يحزنون ..
بس قلت بخاطري صلي ياشعاع على أي اتجاه وبعدين اذا بغيت أصلي مره ثانية بعرف .. وصليت الظهر .. مدري ليه خفت خواتي يدخلون وانا أصلي .. مادري يعني بيضحكون ولا بيستغربون ولا بيفرحون .. بس اتمنيت مايدخلون .. وحمدت ربي يوم خلصت ومحد دخل وقمت بسرعه رميت عبايتي على السرير ..
ونزلت أشوف الأوضاع تحت.. لقيت كل شي مرتب ..

طالعت الساعه لقيت العصر قرب وأمي قالت بعد العصر على طول بتجي ..
طلعت الدرج بسرعه بشوف خواتي وينهم محد نزل ..
ولايفوتكم شكل وجههي شلون انصدددم يوم شفت الحلواات
.. شمس .. وشروق .. وقمره بعد .. نايمين كلهم بسرير شرووق !
الحين شسوي فيهم ذولا ؟!
زين شمس وشروق مواصلين بس هالنتفه قموور شنومها الحين؟؟
صرخت وانا أسحب البطانية عنهم : بنااااااااااااااااااااات أمممممممي جـــــــــــــت
فتحت قمور عيونها وقالت : كذابة توي كلمتها قالت بالطريق
انتبهت للجوال ماسكته بإيدها ياحياتي ياقمره حتى وانتي نايمة بالك معها
قلت : زين قوموا خلاص ماما بالطريق لاتقعد تجي تلقاكم نايمين تقول مالت عليهم وين الي متحمسات يبوني
قعدت قمور واهي تفرك عيونها وتقول : مادري شنومني
قلت : عادي تعب السفر حبيبي قومي غسلي وجهك وصحصحي

قربت لشمس أصحيها : شمس .. شمس حبيبتي قووومي
شمس بصوت متقطع : تعبانة مانمت الليل كله أنا
قلت : قومي عاد امي جاية الحين
فتحت عيونها واهي عاقدة حواجبها وقالت : صدق ؟؟؟
ضحكت على شكلها وقلت : ايه بسرعه قومي غيري وزيني شكلك قبل ماتجي
شمس : ليه ماقلتولي من قبل !
قلت : قلنا لك بس انتي عقلك نايم لاتشوفين ولا تسمعين
شمس وهي تقعد : يلا بآخذ لي شاور سريع
وقامت وطلعت من الغرفة !
قمره : شمووووس على وين؟؟
شمس ببرائة : الحمام !
قمره : وهذا وشو .. وتأشر على الحمام بغرفتها
دخلت شمس واهي شبه صاحية وشافت الحمام وقالت : اممم صح حمامات بالغرف
ودخلت وانا وقمور ضحكنا عليها

سحبت شروق مع إيدها وبـالقوووة قامت
وانا وقمور نزلنا الصالة ننتظر أمي

فتحت التلفزيون وقعدنا نقلب القنوات .. ومن أغنية لأغنية .. الا شوي سمعنا صوت عااااالي جاي من برا .. بالبداية حسبته طياااارة ! بس وطيت الصوت ابي اسمع زين.. !!

" الله أكبـــر الله أكبـــر .. أشهد أن لا إله الا الله .. "

قمره بابتسامة : اييييييييه هذا الآذااان ..
قلت وانا مستانسة على التغيير الجديد : يعني هالصوت بنسمعه خمس مرات باليوم
قمره وعيونها على التلفزيون : ايه .. ارفعي الصوت هالأغنية أحبهااااا
رفعته وقعدنا نتفرج بس ثواني ورجعت وطيته ..
قمره : شفييييييك ؟
قلت : مادري أحس مايصير أغاني وآذان !
قمره : عاااشت اختي هذا أول الخير يالسعووووودية
قلت : اصبري الحين بيخلص الآذان
قمره وهي تضحك : انتي من جدك ؟
هزيت راسي بالموافقة بدون ما اتكلم والحلو ان قمره طاوعتني
انتهى الآذان وأول ماخلص رفعت الصوت وقمنا نرقص بعد

بعد نص ساعه ..
سمعنا صوت الجرس يعني جت أمـــي
ولكم أن تتخيلوووووا الربشة الي صارت بالبيت من دق الجرس !!

أنا وقفت مكاني وصكيت التلفزيون بالريموت .. وقمرا طاااارت على زر الجرس ضغطته عشان ينفتح باب الشارع وركض على الباب الداخلي .. فتحته وطيرااان على الحوش ..
كل هذا صار بثواني وانا ظليت واقفة بمكاني بس دقات قلبي متسااارعة .. كني أنا الي ركضت مو قمره !

نزلت شروق الدرج بسرعه واهي تقول : جت ماما ؟؟؟
كنت بجاوب بس كان وصولها للباب أسرع من جوابي !!

كانت تناااقز حتى شمس من فوق اخترعت واهي تقولها : شروووق خبللللة بتطيحين وتبلشينا فيييك !
شروق واهي وصلت للباب : شــــــرب

شفيهم كلهم طلعوا وانا متشبصه بمكااااني !

مشيت بسرعه للباب والتفت للمرايا بسرعه طالعت شكلي وكملت للباب ..
وطلعت وراهم

::

كل جزء بجسمي أحسه مكسر ..
سرير شروق مو مرييييح وراح تنصدم بهالشي اذا نامت الليلة .. ياخوفي بس يكون سريري نفسه لأني للحين ماشفت غرفتي
نشفت شعري وطلعت بالروب للغرفة الي حطوا فيها شناطنا .. ولقيت كومة ملابس طالعة وأغلبها كانت لقمرا
شكرا حبيبتي قمور وفرتي علي وقت التدوير على ملابسي
أخذت تيشرت أخضر بولو وبانطلون أبيض .. وحمدت ربي هاللحظة بالذات اني أنا وخواتي أجسامنا قريبة من بعض .. شعاع بس أطول منا
لبست وانتبهت ان التيشرت بورقتها جديدة
ضحكت وانا اقطع الورقة واتخيل ردة فعل قمره .. هذا آخر تيشرت شرته قبل يومين من سفرنا وقبل مانودع مولات ومحلات أمريكا ..
تركت شعري زي ماهو بدون تمشيط أحس يطلع أحلى .. طالعت شكلي بالمرايه واتخيلت أمي واهي تشوفني .. وش بتقول !
هههههه ياربي شفيني مراح أعجبها مثلا؟؟
طيب وهي زي ماهي كلبوزة وقصة شعرها القصير وهايلاتها المعروف ؟
خلاص مو قادرة أصبر لين أشووووفها

أخذت جوالي ولقيت 4 Missed call

فتحت لقيتها مكالمات دولية مجهولة الرقم
بلعت ريقي بصعوبة .. مافيني شي بس حلقي ناشف مع الصيااام موو ؟؟
بس ..
معقولة يكون ......... ؟

قطع تفكيري صوت الجرس !
جت ماما ..
وبهاللحظة تركت الجواال وماصرت أفكر إلا بلقائها

فتحت غرفتي وانتبهت لشروق واهي تناقز الدرج مناااقز وقلت وانا مفجوعه : شروووق خبللللة بتطيحين وتبلشينا فيييك !

وكني سمعتها تسكتني ..!

نزلت وراها وأنا أشوف شعاع تطالع نفسها بالمراية وبسرعه طلعت

وبهاللحظة ناقزت مثل ماكانت شروق تناقز ويمكن أكثر
ولحقتهم وطلعت وراهم ...
لوين ماكانت أمــــــي توها داخلة من باب الشــــــارع
الموضوع الأصلي: وحيدات في القصر || الكاتب: mody30 || المصدر: منتديات

شمس الحب



تستطيع المشاركة هنا والرد على الموضوع ومشاركة رأيك عبر حسابك في الفيس بوك




,pd]hj td hgrwv








آخــر مواضيعـى » أبوي جبرني فيك و كسر عنادي بس ما دريت إنك صرت كل هلي و ناسي
» روايات 2012 رواية تحمل جنوني وضمني حيل لصدرك للكاتبه شايفه نفسي ويحقلي
» رواية زوجوني منك غصب و حببوني فيك غصب
» روايات سعودية 2012 ترى ما يهمني لا أهلي ولا غيرهم والله لا أثبتلك
» رواية رضيت بقدري و حبيتك
  رد مع اقتباس
 
 

مواقع النشر (المفضلة)

الكلمات الدلالية (Tags)
القصر, وحيدات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
في ضيافة صاحب القصر mody30 قصص - روايات - حكايات 0 02-11-2012 01:32 AM
طريقه التخلص من القشر رجال وبنات عصفوره الجنه عــالـــم آدم وحواء - العناية بالبشرة - ديكور - أزياء - اكسسوارات - فساتين - مكياج 1 11-14-2008 02:29 AM

Facebook Comments by: ABDU_GO - شركة الإبداع الرقمية

الإعلانات النصية


الساعة الآن 10:34 AM بتوقيت مسقط


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.0 Designed & TranZ By Almuhajir
Adsense Management by Losha
جميع الحقوق محفوظة لمنتديات شمس الحب
ما يُكتب على منتديات شمس الحب من قِبل الاعضاء لا يُمثل بالضرورة وجهة نظر الإدارة وانما تُمثل وجهة نظر صاحبها .إلاإذا صدر من ادراة الموقع .

Sitemap

PageRank Checking Icon
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%B4%D9%85%D8%B3-%D8%A7%D9%84%D8%AD%D8%A8 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live
Add to Feedage RSS Alerts Add To Fwicki

 
Web Counters
Emergency Cash Loan Michigan
إنظم لمتابعينا بتويتر ...

أو إنظم لمعجبينا في الفيس بوك ...