لڪَي ٺٺمڪَن من آلمشآرڪَة معنآ عليڪَ آلٺسجيل من هنآ

يمنع وضع الصور النسائية والأغاني والنغمات

http://www.x2z2.com/up/uploads/13328416481.png

الإهداءات

« آخـــر الــمــواضــيــع »
         :: تعرف على أصدقاء مسليين بالقرب منك (آخر رد :عمر تاج الدين)       :: ‎عمل القبول للعاشقين والحبيب 00201003304443 (آخر رد :ام الحكيم)       :: شيخ روحاني لعلاج جميع انواع السحر (آخر رد :ام الحكيم)       :: المحبة بين الزوجين 00201003304443 (آخر رد :ام الحكيم)       :: خدمة جلب الحبيب للزواج 00201003304443 (آخر رد :ام الحكيم)       :: فك السحر 00201003304443 (آخر رد :ام الحكيم)       :: اقوي معالج بالدمام (آخر رد :ام الحكيم)       :: علاج التلبس (آخر رد :ام الحكيم)       :: لسحر المتعلق بالزمان 00201003304443 (آخر رد :ام الحكيم)       :: ‎خدمة لــ رد المطلقة و الكشف عن مكان الغائب و رده 00201003304443 (آخر رد :ام الحكيم)      


 
العودة   منتديات شمس الحب > «®™§¤§ منتديات شمس الحب الأدبية §¤§™®» > قصص - روايات - حكايات
 

قصص - روايات - حكايات لطرح القصص والروايات الخيالية و الحقيقه و الكتابات الخاصة " ذات العبرة و الفائدة ", القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,

 
 
 
LinkBack أدوات الموضوع إبحث في الموضوع انواع عرض الموضوع
قديم منذ /02-15-2012, 01:30 AM   #1

mody30 غير متواجد حالياً

 رقم العضوية : 61731
 تاريخ التسجيل : 10 - 2 - 2012
 المشاركات : 435
 الحكمة المفضلة : Egypt
 SMS :

Male

افتراضي عشق في طرقات هامبورغ

أنا : mody30





نقول بسم الله ونبدآ الجزء الاول


وراح اخلي التعريف بالشخصيات بوسط السرد







\\\\\\\\\\\\



نورة: يبه ماراح اتزوجه ,,,,مستحيل


الابو: يابنتي لاتزيدينها علي ,,,يعني تهقين اني راضي لها الحال اللي انتي فيها


انا بين امرين كلهم مثل السم على قلبي


نورة: لايبه تكفى لاتقول جذي



الابو: النوري ادري فيج مانتي متحمله هالفكرة وتوج ماخلصتي الثانوي
بس شسوي حيل الله اقوى اما تتزوجين ولا تموتين


نورة والبجي ذبحها: خلني اموت واللي يعافيك ,, يبه حرام تسوي فيني جذي


انا بنتك الوحيده,,, شلون تبي تفرقني عن اخواني


مااراح اتزوج واللي يصير يصير


الابو: نورة قطعت قلبه بس حاول انه يكون قاسي بكلامه معاها


انا كنت مقدر انج صغيرة ولاراح تفهمين ان اللي اسويه لمصلحتج


طيارتج بعد بكرا


وبكرا نروح نملج وتنضافين ببطاقه رجلج وديري بالج تقولين لواحد من خوالج


تدرين فيني ان قلت شي خلاص ماارد فيه,, وبتسافرين غصبن عنج


وهالكلام بيني وبيج اياني واياج احد يدري


ماعطى بنته فرصه انها تحتج وتعارض طلع وصفق الباب وراه





نورة تمت تبجي على حظها وشلون تروح وتخلي اخوانها محد عندهم


وتبجي على احلام طفولتها اللي بتضيع مع واحد ماتعرف عنه شي


ضمت دبدوبها بقووووة وهي تكتم زفرات بصدرها تحاول محد يسمعها


ياربي ليه يصير فيني جذي ,, فقدت امي وهالحين ابوي يبي يبعدني عن اخواني


منو راح يهتم بسعود..ليه يبه اول مرة تصرخ فيني وتعصب علي


ااااااخ يايمه وينج ابيييييج محتاجه لحضنج





*




*



*




بترك نورة مع حزنها ودموعها واعرفكم شوي على شخصياتنا



الابو: ابو بندر


حنون وطيب مع عياله ماكان مقصر عليهم بشي بالعكس كان يقصر على نفسه


عشان يحقق كل طلبات عياله يعتبر شاب الى حد ما فهو لم يتجاوز الاربعينات


عمليا عاش حياته عشان عياله عانى من ظلم اهله له خصوصا والدته


وفقد ام عياله وهذا الشي خلاة يصير الام والاب لهم



بندر: الولد البكر


فرحه امه وابوه ومصدر تفاخرهم ~ طويل اسمر حنطي ووسيم اللي يشوفه يقول طله امير


ورث من امه عيونه السود الوساع وكان حنون وطيب مع اخوانه لكنه كباقي الاخوان الاكبر


متسلط شوي وصاحب شخصيه قوووويه



خالد:


عبقري العائله خخخخخخ والاذكى فيهم


بشرته بيضاء ومتوسط الطول مايحب احد يلعب بااغراضه وكان صاحب المؤامرات بالبيت


يعني اي مشكله او بلوى لازم خالد يكون العقل المدبر لها



عبدالله:


الحنووووون ~ الطيب ~المطيع ~الهادئ


كان ضحيه خالد دائما هذاك يسوي المشاكل ويطلع منها ويطيح اللوم بعبود



نورة:


وحيده ماما وبابا ~الدلوعه~~الرقيقه


ورثت اغلب جمال والدتها فكان لها نفس العينان ونفس البشرة الصافيه المتورده


واجمل ماورثت عن والدتها هو شعرها الطويل الاسود~اللي كان محل اعجاب الكثيرين


بالرغم من غرورها واعتادها بنفسها كانت حساسه ورقيقه وكلمه وحده ممكن تذبحها



منيف:


تقدرون تقولون نسخه مصغرة عن بندر لكنه كان ابيض واجمل من بندر بمراحل


روحه مرحه ويحب التعليقات مايترك احد بحاله~مصدر فخر لااخته لانه دايم يشاورها



نواف:


ملح العيله وحلاهم بدونه مايسوون شي ~ صح ماكان يشد حيله بالدراسه


مع هذا كان درجاته حلوة وماخذ الثاني في عباقرة الفيزياء خخخخخ


رائد:


المفهي يسمونه بس عنده طلعات وحركات تموت ضحك


صج انه مرات مهستر ويدبل الجبد لكنه تكانه



سعود : اخر العنقود سكر معقود<<<<مثل مايسمي نفسه خخخخخ


هذا شكل ثاني غير عن كل العيله


شعره اشقرر وعيونه لوزيه مثل عيون ابوة بشوته بيضااااااااء


اللي يشوفه يقول بنت وسوريه بعد خخخخخخخ






كانوا عايشين بالكويت ولكنهم بدون


يعني مايحملون الجنسيه الكويتيه ومالهم حقوق مثل باقي الكويتين


مايدشون جامعات ولايتوظفون بالحكومه وكانوا محرومين من السفر للخارج


(( قصتنا تحكي معاناه الكويتين البدون قبل كم سنه))


نامت نورة بعدما شبعت بجي ذيج الليله ولاقدرت تحس على صلاه الفجر


الساعه 8 الصبح


دق الابو على باب نورة ودش لقاها للحين نايمه وهو يتقطع قلبه من داخل على بنته


بس شيسوي ماباليد حيله


حاول انه يقعدها ====> يندهها بصوته الحنون ,,, نوني قومي بابا .


نورة وتحسب نفسها تحلم


فتحت عيونها بالقوووة وشافت ابوها عند راسه يقعدها


قالها قومي حبيبتي بنروح المحكمه اليوم يالله قومي البسي انتظرج تحت عشان نتريق


نورة مو مستوعبه وش يصير وبثواني رجع اللي صار البارح قدامها


ماتبي هالشي بس الظروف اقوى منهم


قالت ان شاء الله يبه


باسها ابوها وراح


قامت نورة تسبحت ولبست تنورة طويله سوداء وفيها تطريز خفيف على قميص ابيض


ماكانت تبي تبين انها فرحانه او موافيه على اللي يصير ولبست عباتها وقررت انها اليوم


تتغطى <<<<<<عايشين بالكويت وكانت مدلعه محد يجبرها تتغطى


نزلت تحت وابوها ينطرها تتريق معاه


ماكانت مشتهيه شي بس عشان خاطر ابوها كلت لها لقمتين معاه


ركبوا السيارة والدنيا سوداء بعيون نورة خلاااااص يعني بتتزوج وتترك اخوانها


يالله ليه الزمن قاسي جذي


الابو كان ساكت طول الطريق كانوا متواعدين مع عريس الغفله الساعه 9 عند المحكمه


عشان يملجون


وصلوا وقبل لاينزل ابو بندر من السياره


قالها مثل ماوصيتج ان قالج الشيخ موافقه قولي ايه لاتستحين وتسكتين


وعلى فكرة ترى اسم رجلج عبدالرزاق


نورة ودموعها تجري بصمت والله دنيا تاليه انا النوري ماعرف اسم عريسي الا عند المحكمه...!!


وتجلس تواسي نفسها هذا مو زواج مصلحه بينتهي بنهايه المصلحه وشوله اعرفه خليه يولي



نزلوا وشافت ابوها راح عند رجال غريب وسلم عليه طبعا هي بعيده شوي


تحسبه من معارف الوالد لحد مانادها ابوها قالها تعالي


جت وهي مستحيه وتقول بنفسها لايكون هذا.......؟؟


وقفت جنب ابوها بعد ماقالت السلام عليكم: ردوا عليها السلام


وقالها ابوها هذا عبدالرزاق =======>انصدمت


ماتدري شنو تتوقع بس ماخطر ببالها انه ممكن يكون جذي


صح انه كبير بس اصغر من ابوها اجل وشلون ابوي يقولي انه خويي...؟؟


سآلها عبدالرزاق: شخبارج نورة


ماردت عليه والابو يرقع قال ماعليه مرتبكه


قال مسموحه ماعليه


راحوا عند الشيخ ونورة بداخلها تبجي وتصرخ ولو انها منساقه للموت كان اهون عليها


خلصوا وطلعوا وعبدالرزاق راح لسيارته والابو وصل نورة السيارة وقالها بكلم عبدالرزاق شوي


زين خليج هني


راح الابو عند عبدالرزاق وقعد يسولف معاه شوي وتواعدوا انهم يتلاقون بمكان بعد العشاء


نورة جالسه بهدوء ملائكي في السيارة ويجي ابوها


قالها هالحين بنروح السوق عشان تشترين لج جم غرض


ماابيج تحتاجين اي شي وبكرا الفجر طيارتج


راحوا السوق وحاولت نورة انها تشتري اي شي ممكن تقصر عليها ماتبي تطلب


من عبدالرزاق اي شي وحطت حرتها بالسوق


شرت لها بجامات على تاولات وشرت لها بناطيل مع بلايز طويله وجم فستان نعومات


شافت محلات المكياج <<<وتتذكر سوالف البنات عن العروس الجديده وشلون لازم


يكون مكياجها فخم ومن اجمل الماركات بس سيدا شالت هالفكرة من بالها


لانها مستحيل تحط مكياج قدامه هي رايحه اصلا تتعالج وشوله مكياج


ابوها ذكي ولماح شاف حيرتها قدام المحل وقالها تعالي ندشه


قالت لا يبه مايحتاج ماابي مكياج


قالها اقولج تعالي عن الدلع الماصخ


ترد عليه: يبه اي دلع ماابي شنو غصب


مسكها مع ايدها ودشوا المحل


هي كانت رافضه انها تطلب شي من راعي المحل والابو مايعرف بالمكياج


قاله اللبناني: شلون بئدر اخدمك عزيزي


الابو محتار وقاله ابي مكياج عروس من>>>>الى


كل شي ممكن تحتاجه


قاله لعيونك عندي كل الماركات تبعت العرايس بس انت شو حابب


قاله الابو والله انا ماعرف بس ابيه لبنتي هذي


ويطالع اللبناني بنورة قاله: يخزي العين الله يخليلك ياها يارب


رد عليه تسلم


راح اللبناني يسال نورة اي ماركه تستخدم


ماجاوبته هو فتح حلقه عليها صح لبناني وشايف من البنات بس مو مثل جذي


<<<<طبعا نورة كشفت بعد ماطلعوا من المحكمه بس حاطه شال على راسها وعبايه كتف


قالت له اي شي لما شافت ابوها مصمم تاخذ مكياج


قالها اللبناني<<<كثيرين حجي


في عندي فاونديشن من ديوور بيعئد وبينفع لبشرتك اكيد


وراح احط لك مكياج على زوئي وان شاء الله بيعجبك الكوليكشن وتردي لنا


خلصوا المكياج بعد مااملا اللبناني كيسين كبار من كل شئ


راح الابو يودي الاغراض ع السيارة لانهم تعبوا وهم شايلين ولسى ماخلصوا الاغراض


لمن رد عليها قالها وش بقالج


قالت لاابوها ماادري هناك وش اللبس يبه : البس عبايه ولالا


قالها براحتج


قالت وخويك


قالها عبدالرزاق بدوي شوي لكنه ماراح يمانع انتي سوي اللي يريحج


قالت بشتري عبايه للاحتياط وشيال لازم اشتري على لبسي


وجواتي( وانتم بكرامه) وبشترى لي عطور


هههههههههههه الابو يضحك على عفويه بنته قالها طيب شوي شوي


بشتري لج اللي تبينه بس بالعدال علي


قالت طيب يبه هناك الجو بارد وانا ماحب البرد


قالها لا بيكون معتدل


قالت طيب خل نروح نشتري جواتي هذاك محل حلوووو


قالها يالله وتسرع تروح عنده


طبعا ماخلت نعل عجبها ماشترته وكثرت من الجواتي المسكرة والابوات


لانها تخاف من البرد ولا تدانيه


وراحت محل عطورات واشترت لها جم عطر ريحتهم هااااااديه ورايقه


وقالت لاابوها انها بتشتري فحم وبخور عشان تبخر البيت هناك


لانها ماتحب معطرات الجو


ابوها ارتاح شوي لان بنته ردت على طبيعتها ويقول بنفسه يالله السوق يسحر الحريم خخخخ


خلصوا من السوق طبعا تغدوا هناك وماردوا للمغرب


بالطريق للبيت ابوها يوصيها ماتعلم احد بهالسفره حتى اخوانها


وسالته قالت وش بتقولهم يبه وين بنروح


قالها بنقولهم ااني بوديج لمركز بداخل الكويت بس يمنعون الاتصالات الخارجيه


واننا بنغيب لمده شهر


قالت له وانت وين بتروح.....؟


قالها بااجر شقه بمنطقه بعيده عن الجهرا ويوميا اتصل فيج لاتحاتين


قالت واخواني منو يبقى عندهم انت بتروح ماتشوفهم شهر


قالها قلت لخالتج ام عمر تجلس عندهم


وصلوا البيت وابوها قالها بااخذ الاغراض احطهن بشقه عبدالرزاق عشان بكرا يجيبهن معاه المطار


مانبي احد يشوفهن


قالته له طيب يبه


نزلت نورة ولقت اخوانها عافسين البيت فوق تحت وطالبين غداء من المطعم


اول مادشت المجلس وتجيها مخده على وجهها تدوخها


نواف ورائد يتحاربون بالمخدات وتصرخ عليهم ياامال الويعه شفيكم ليه قالبين البيت


فوق تحت


ويرد عليها نواف


اهلا اهلا بست الحسن والجمال وين كنتي ان شاء الله


يرد عليه رائد


يامرحبا ترحيبه البدو بسهيل هذي تلقاها راحت تتغدى مع رفيجاتها بمطعم


ياااااااااي ويقلد عليها


ردت عليهم وانتم شعليكم يالملقف هذي جزاتي اني بحضرلكم حفله بالليل


عشان نجحنوا ماااااااالت على وجيهكم بس


وقاموا يتمصلحون عندها قولي والله ونواف يرد


والله انا داري انج اختي حبيبتي بس شنهي هديتي ويقوم يرقص هو ورائد


ونورة تصارخ فيهم انت يالمشفوح وشبلاك اقعد احسن لك لااعلم ابوي


ويجي منيف ويشوف العالم يرقصون ويطب مع الخيل ياشقرا خخخخخ


عبدالله وخالد يلعبون بلايستشن ويجون لمن سمعوا بطاري حفله


وهذولا يرقصون ويسوون دائره على نورة ويرقصون كلهم ومستانسين كلهم


وهي نست حزنها والمها قامت تستهبل مع اخوانها


ونواف يقولها شعررررررج ,,,,,يعني ارقصي بشعرج


وخالد يقولها واللي يسلمج بدون شعر تروحين تلصقين بالمروحه


ومافي احد طويل يطلعج خخخخخخ يقصد اخوة بندر لان خالد كان دايم يقول لبندر


انت سرقت طولي لان بندر طوووووويل عكس خالد خخخخخخ متعقد من عمرة خلووود


وتفك شعرها وخلوود يقول يالبلشه ومنيف يجي يرقص معاها بشعره <<طبعا يحرك براسه مثلها لان شعره مو طويل مرررة


المهم خلصوا رقص ووناسه وكلا صار بزاويه من التعب اللي يحسونه


ويقعد خالد يضرب نواف بمخده قاله ليه تقولها بشعرج مالت عليك


ويرد عليه المخده وتقوم الحرب


منيف ونواف ورائد فريق وخالد وعبود فريق


نورة شافت السالفه حرب وضرب طلعت لغرفتها لانها تدري فيهم مايسمعون كلام احد


ولايخافون الا من بندر وابوها


وهي طالعه جاها المقسوم مخده ع الظهر خلتها تفقد توازنها وتطالع واذا خالد يقولها


تعالي يالجبانه وين منحاشه


هي ماعندما غشمرة ان جت ماتعرف مخده ولابطيخ صراخ ومعط مع الشعر


رمت عباتها وقالت حزززززبي <<<تقصد منيف ونواف ورائد


حززززززبي هجووووم


ويروحون يركضون على عبود وخالد


هي ونواف على خالد


ورائد ومنيف على عبود


نواف يعض بخالد وهي معط مع شوشته


بالاخير انهدم حيلهم


وانهزم فريق نورة بس مااستسلمت لهم


قالها نواف المرووووحه وهي تذكر


>>>>عندها طريقه تستخدمها اذا واحد قهرها تمسك تلف بشعرها وهو مجدل


وشعرها طويل وكثيف يصير اللي يضربه يعوررررة بقورة مثل العقال


قامت على خلووود الدب وتلف بشعرها وهو اخ اخ


طبعا مايقدر يمسك شعرها لانها سريعه من جهه ومن جهه ثانيه هذا الشي محررررم لان


ابوه مايداني احد يمسك نورة من شعرها يعني عندهم لو نورة تذبحك لاتمسك شعرها


ولا تلقى اللي يرضيك من الوالد خخخخخخخخ


المهم ان نورة طردتهم من المجلس ووانتصر حزبها اليميني المتطرف ههههههههه


بعد اللف هذا كله داخت وراحوا جابولها ماي وقعدت ع الارض شوي وانسدحت من التعب


وتو بتسال عن سعود من جت ماشافته


قالها نواف ان بندر خذاه للحلاق استغل غيابها فرصه


ونورة تهاوش وليييييييه من سمح له يااخذه


<<<< نورة كانت متعلقه بسعود وتحس انه ولدها لانها هي الي ربته تقريبا بعد رحيل امها


وكانت تعامله معامله بنت لانه كان جميييييييل جدا وهي كان نفسها بااخت


فكانت مخليه شعره طويل ومرات تلبسه ثياب بنات وتحط له حمرة خخخخخخ


وبندر كان دايم يهاوشها ويقولها بتخلينه يطلع رخمه بتصرفاتج هذي


هذا صبي مو بنيه عشان تحطين له حمره بس ابوها كان مايسمع غير كلامها..


المهم انها عصبت حيييييل وانقهرت من بندر وقالت الا اعلم ابوي من يجي


راحت لغرفتها وقالت لهم ان طلعت والبيت جذي محيوس ماتلومون الانفسكم


طبعا هم عارفين شغلهم لان ابوهم كان مقسم البيت عليهم كلهم~ماعدا بندر


مافي غير نورة وهي تعبانه ماتقدر لكل الشغل


خالد راح يرتب الديوانيه وعبود عليه المجلس


منيف راح يرتب الصاله الداخليه ونواف عليه الحوش الخارجي


ورائد يرتب غرفه السوني والالعاب


ونورة عليها المطبخ ~كل واحد منهم خلص ترتيب غرفته وجلسوا ع التلفزيون يتابعون فلم


طلعت نورة بعد نص ساعه وهي حمقانه من بندر وشافت البيت عال العال


وقعدت تتبسم لان اخوانها يطيعون كلامها ويساعدونها


راحت للمطبخ وتشوفه كان قنبله منفجره فيه ~ اثاري الاخوان اي شي عندهم


يجون يقطونه بالمطبخ لقت طاقيه وفانيله وجوتي كلهن بالمطبخ خخخخخخ


لاوالله خوش ترتيب رتبوا وهي تقول زين مالقيتهم قاطين راس واحد منهم ههههه


دش بندر البيت وشاف الناس جالسين والبيت مرتب عرف ان نورة ردت وبلع العافيه هع


جت نورة وتطالع بسعود وبندر يقولها ماقصرته حيل خليته فرنسي


نورة عجبها شكل سعود ارتب من قبل اول كان شعرة الاشقر يغطي على عيونه


وهالحين صار جنااااااان شكله


قالت له الله شكلك مرررة حلو


وسعود يرد عليها ايه عدبني يدولي فلنسي الهنتي<<ايه عجبني يقولي فرنسي الهندي


ههههههههههه


قعدوا يضحكون ونورة ردت لشغلها وهي تحاول تطرد شبح عبدالرزاق من حياتها










ياترى وش راح يصير بنورة


والابو شنو بيقول لعبدالرزاق <<الانسان الغامض




ان شاء الله بنكمل وقت ثاني واتمنى تستمعون معاي
الموضوع الأصلي: عشق في طرقات هامبورغ || الكاتب: mody30 || المصدر: منتديات

شمس الحب



تستطيع المشاركة هنا والرد على الموضوع ومشاركة رأيك عبر حسابك في الفيس بوك




uar td 'vrhj ihlf,vy








آخــر مواضيعـى » أبوي جبرني فيك و كسر عنادي بس ما دريت إنك صرت كل هلي و ناسي
» روايات 2012 رواية تحمل جنوني وضمني حيل لصدرك للكاتبه شايفه نفسي ويحقلي
» رواية زوجوني منك غصب و حببوني فيك غصب
» روايات سعودية 2012 ترى ما يهمني لا أهلي ولا غيرهم والله لا أثبتلك
» رواية رضيت بقدري و حبيتك
  رد مع اقتباس
 
 

مواقع النشر (المفضلة)

الكلمات الدلالية (Tags)
هامبورغ, طرقات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Facebook Comments by: ABDU_GO - شركة الإبداع الرقمية

الإعلانات النصية


الساعة الآن 08:01 AM بتوقيت مسقط


Powered by vBulletin® Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.0 Designed & TranZ By Almuhajir
Adsense Management by Losha
جميع الحقوق محفوظة لمنتديات شمس الحب
ما يُكتب على منتديات شمس الحب من قِبل الاعضاء لا يُمثل بالضرورة وجهة نظر الإدارة وانما تُمثل وجهة نظر صاحبها .إلاإذا صدر من ادراة الموقع .

Sitemap

PageRank Checking Icon
Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%B4%D9%85%D8%B3-%D8%A7%D9%84%D8%AD%D8%A8 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live
Add to Feedage RSS Alerts Add To Fwicki

 
Web Counters
Emergency Cash Loan Michigan
إنظم لمتابعينا بتويتر ...

أو إنظم لمعجبينا في الفيس بوك ...